6. Sokhummasuttavaṇṇanā
16. Chaṭṭhe
M2.241V2.219 sukhumalakkhaṇappaṭivijjhanakānīti aniccādisukhumalakkhaṇānaṃ paṭivijjhanakāni .Sukhumalakkhaṇapariggāhakañāṇenāti sukhumalakkhaṇapariggāhakena ñāṇena .
Parato jānitvāti avasavattanena aññato jānitvā .
Saṅkhārā hi ‘‘ mā bhijjiṃsū ’’ ti icchitāpi bhijjanteva , tasmā te avasavattitāya pare nāma .
Sā ca nesaṃ paratā aniccadassane pākaṭā hotīti vuttaṃ ‘‘ iminā hi padena aniccānupassanā kathitā ’’ ti .
Sesaṃ uttānameva .
Sokhummasuttavaṇṇanā niṭṭhitā .