4. Abhayasuttavaṇṇanā
184. Catutthe socatīti citte uppannabalavasokena socati , cittasantāpena anto nijjhāyatīti attho .
Kilamatīti tasseva sokassa vasena kāye ca uppannadukkhena kilamati .
Paridevatīti sokuddehakavasena taṃ taṃ vippalapanto vācāya paridevati .
Urattāḷin ti urattāḷaṃ , uraṃ tāḷetvāti attho .
Tenāha ‘‘ uraṃ tāḷetvā ’’ ti .
Kaṅkhāvicikicchāti ettha ‘‘ ekamevidaṃ pañcamaṃ nīvaraṇaṃ .
Kiṃ nu kho idan ’’ ti
M2.358 ārammaṇaṃ kaṅkhanato kaṅkhā ,‘‘ idameva varan ’’ ti nicchetuṃ asamatthabhāvato ‘‘ vicikicchā ’’ ti vuccati –‘‘ dhammasabhāvaṃ vicinanto kicchati , vigatā cikicchā ’’ ti vā katvā .
Abhayasuttavaṇṇanā niṭṭhitā .