9. Vipallāsasuttavaṇṇanā
49. Navame aniccādīni vatthūni niccantiādinā viparītato asantīti vipallāsā
V2.277 , saññāya vipallāso saññāvipallāso .Itaresupi tīsu eseva nayo .
Evamete catunnaṃ vatthūnaṃ vasena cattāro , tesu vatthūsu saññādīnaṃ vasena dvādasa honti .
Tesu aṭṭha sotāpattimaggena pahīyanti .
Asubhe subhan ti saññācittavipallāsā sakadāgāmimaggena tanukā honti , anāgāmimaggena pahīyanti .
Dukkhe sukhan ti saññācittavipallāsā arahattamaggena pahīyantīti veditabbā .
Sesamettha uttānameva .
Vipallāsasuttavaṇṇanā niṭṭhitā .