4. Asadisavaggo
181. Asadisajātakaṃ (2-4-1)
61.
Dhanuggaho asadiso , rājaputto mahabbalo ;
Dūrepātī akkhaṇavedhī , mahākāyappadālano .
62.
Sabbāmitte raṇaṃ katvā , na ca kañci viheṭhayi ;
Bhātaraṃ sotthiṃ katvāna , saṃyamaṃ ajjhupāgamīti .
Asadisajātakaṃ paṭhamaṃ .
182. Saṅgāmāvacarajātakaṃ (2-4-2)
63.
Saṅgāmāvacaro
V1.43M1.47 sūro , balavā iti vissuto ;Kiṃ
T1.65 nu toraṇamāsajja , paṭikkamasi kuñjara . 64.
Omadda khippaṃ palighaṃ , esikāni ca abbaha [ ubbaha ( syā .), abbhuha ( ka .)];
Toraṇāni ca madditvā , khippaṃ pavisa kuñjarāti .
Saṅgāmāvacarajātakaṃ dutiyaṃ .
183. Vālodakajātakaṃ (2-4-3)
65.
Vālodakaṃ apparasaṃ nihīnaṃ , pitvā [ pītvā ( sī . pī .)] mado jāyati gadrabhānaṃ ;
Imañca pitvāna rasaṃ paṇītaṃ , mado na sañjāyati sindhavānaṃ .
66.
Appaṃ pivitvāna nihīnajacco , so majjatī tena janinda puṭṭho [ phuṭṭho ( sī . syā .), muṭṭho ( ka .)];
Dhorayhasīlī ca kulamhi jāto , na majjatī aggarasaṃ pivitvāti .
Vālodakajātakaṃ tatiyaṃ .
184. Giridattajātakaṃ (2-4-4)
67.
Dūsito giridattena [ giridantena ( pī .)], hayo sāmassa paṇḍavo ;
Porāṇaṃ pakatiṃ hitvā , tassevānuvidhiyyati [ nuvidhīyati ( sī . pī .)].
68.
Sace
T1.66 ca tanujo poso , sikharākāra [ siṅgārākāra ( syā .)] kappito ;Ānane naṃ [ taṃ ( sī . syā . pī .)] gahetvāna , maṇḍale parivattaye ;
Khippameva pahantvāna , tassevānuvidhiyyatīti .
Giridattajātakaṃ catutthaṃ .
185. Anabhiratijātakaṃ (2-4-5)
69.
Yathodake
M1.48 āvile appasanne , na passati sippikasambukañca ;Sakkharaṃ vālukaṃ macchagumbaṃ , evaṃ āvilamhi [ āvile hi ( sī .)] citte ;
Na passati attadatthaṃ paratthaṃ .
70.
Yathodake
V1.44 acche vippasanne , so passati sippikasambukañca ;Sakkharaṃ vālukaṃ macchagumbaṃ , evaṃ anāvilamhi citte ;
So passati attadatthaṃ paratthanti .
Anabhiratijātakaṃ pañcamaṃ .
186. Dadhivāhanajātakaṃ (2-4-6)
71.
Vaṇṇagandharasūpeto
T1.67 , amboyaṃ ahuvā pure ;Tameva pūjaṃ labhamāno , kenambo kaṭukapphalo .
72.
Pucimandaparivāro , ambo te dadhivāhana ;
Mūlaṃ mūlena saṃsaṭṭhaṃ , sākhā sākhā [ sākhaṃ ( syā . ka .)] nisevare [ nivīsare ( ka .)];
Asātasannivāsena , tenambo kaṭukapphaloti .
Dadhivāhanajātakaṃ chaṭṭhaṃ .
187. Catumaṭṭhajātakaṃ (2-4-7)
73.
Ucce viṭabhimāruyha , mantayavho rahogatā ;
Nīce oruyha mantavho , migarājāpi sossati .
74.
Yaṃ suvaṇṇo suvaṇṇena [ yaṃ supaṇṇo supaṇṇena ( sī . syā . pī .)], devo devena mantaye ;
Kiṃ tettha catumaṭṭhassa , bilaṃ pavisa jambukāti .
Catumaṭṭhajātakaṃ sattamaṃ .
188. Sīhakotthujātakaṃ (2-4-8)
75.
Sīhaṅgulī
M1.49 sīhanakho , sīhapādapatiṭṭhito ;So sīho sīhasaṅghamhi , eko nadati aññathā .
76.
Mā
T1.68 tvaṃ nadi rājaputta , appasaddo vane vasa ;Sarena kho [ mā ( ka .)] taṃ jāneyyuṃ , na hi te pettiko saroti .
Sīhakotthujātakaṃ aṭṭhamaṃ .
189. Sīhacammajātakaṃ (2-4-9)
77.
Netaṃ sīhassa naditaṃ , na byagghassa na [ byagghassa na ca ( ka .)] dīpino ;
Pāruto sīhacammena , jammo nadati gadrabho .
78.
Cirampi
V1.45 kho taṃ khādeyya , gadrabho haritaṃ yavaṃ ;Pāruto sīhacammena , ravamānova dūsayīti .
Sīhacammajātakaṃ navamaṃ .
190. Sīlānisaṃsajātakaṃ (2-4-10)
79.
Passa saddhāya sīlassa , cāgassa ca ayaṃ phalaṃ ;
Nāgo nāvāya vaṇṇena , saddhaṃ vahatupāsakaṃ .
80.
Sabbhireva samāsetha , sabbhi kubbetha santhavaṃ ;
Satañhi sannivāsena , sotthiṃ gacchati nhāpitoti .
Sīlānisaṃsajātakaṃ dasamaṃ .
Asadisavaggo catuttho .
Tassuddānaṃ –
Dhanuggaha
T1.69 kuñjara apparaso , giridattamanāvilacittavaraṃ ;Dadhivāhana jambūka sīhanakho , haritayava nāgavarena dasāti .