492. Tacchasūkarajātakaṃ (9)
160.
Yadesamānā vicarimha , pabbatāni vanāni ca ;
Anvesaṃ
T1.392 vicariṃ [ vipule ( syā . ka .)] ñātī , teme adhigatā mayā . 161.
Bahuñcidaṃ mūlaphalaṃ , bhakkho cāyaṃ anappako ;
Rammā cimā girīnajjo [ girinadiyo ( sī . pī .)], phāsuvāso bhavissati .
162.
Idhevāhaṃ vasissāmi , saha sabbehi ñātibhi ;
Appossukko nirāsaṅkī , asoko akutobhayo .
163.
Aññampi [ aññaṃ hi ( sī . pī .)] leṇaṃ pariyesa , sattu no idha vijjati ;
So taccha sūkare hanti , idhāgantvā varaṃ varaṃ .
164.
Ko numhākaṃ [ ko namhākaṃ ( sī . pī .)] idha sattu , ko ñātī susamāgate ;
Duppadhaṃse [ appadhaṃse ( sī . pī .)] padhaṃseti , taṃ me akkhātha pucchitā .
165.
Uddhaggarājī migarājā , balī dāṭhāvudho migo ;
So taccha sūkare hanti , idhāgantvā varaṃ varaṃ .
166.
Na no dāṭhā na vijjanti [ nu vijjanti ( ka .)], balaṃ kāye samohitaṃ ;
Sabbe samaggā hutvāna , vasaṃ kāhāma ekakaṃ .
167.
Hadayaṅgamaṃ
M1.297 kaṇṇasukhaṃ , vācaṃ bhāsasi tacchaka ;Yopi yuddhe palāyeyya , tampi pacchā hanāmase .
168.
Pāṇātipātā virato nu ajja , abhayaṃ nu te sabbabhūtesu dinnaṃ ;
Dāṭhā nu te migavadhāya [ miga viriyaṃ ( sī . syā . pī .)] na santi , yo saṅghapatto kapaṇova jhāyasi .
169.
Na
T1.393 me dāṭhā na vijjanti , balaṃ kāye samohitaṃ ;Ñātī ca disvāna sāmaggī ekato , tasmā ca jhāyāmi vanamhi ekako .
170.
Imassudaṃ yanti disodisaṃ pure , bhayaṭṭitā leṇagavesino puthu ;
Te dāni saṅgamma vasanti ekato , yatthaṭṭhitā duppasahajja te mayā .
171.
Pariṇāyakasampannā , sahitā ekavādino ;
Te maṃ samaggā hiṃseyyuṃ , tasmā nesaṃ na patthaye [ apatthave ( pī .)].
172.
Ekova
V1.225 indo asure jināti , ekova seno hanti dije pasayha ;Ekova byaggho migasaṅghapatto , varaṃ varaṃ hanti balañhi tādisaṃ .
173.
Na heva indo na seno , napi byaggho migādhipo ;
Samagge sahite ñātī , na byagghe [ byagghe ca ( sī . pī .), byaggho na ( syā .)] kurute vase .
174.
Kumbhīlakā sakuṇakā , saṅghino gaṇacārino ;
Sammodamānā ekajjhaṃ , uppatanti ḍayanti ca .
175.
Tesañca ḍayamānānaṃ , ekettha apasakkati [ apavattati ( sī . pī .)];
Tañca seno nitāḷeti , veyyagghiyeva sā gati .
176.
Ussāhito
T1.394M1.298 jaṭilena , luddenāmisacakkhunā ;Dāṭhī dāṭhīsu pakkhandi , maññamāno yathā pure .
177.
Sādhu sambahulā ñātī , api rukkhā araññajā ;
Sūkarehi samaggehi , byaggho ekāyane hato .
178.
Brāhmaṇañceva byagghañca , ubho hantvāna sūkarā .
Ānandino pamuditā , mahānādaṃ panādisuṃ .
179.
Te su udumbaramūlasmiṃ , sūkarā susamāgatā ;
Tacchakaṃ abhisiñciṃsu ,‘‘ tvaṃ no rājāsi issaro ’’ ti .
Tacchasūkarajātakaṃ navamaṃ .