454. Ghaṭapaṇḍitajātakaṃ (16)
165.
Uṭṭhehi kaṇha kiṃ sesi , ko attho supanena te ;
Yopi tuyhaṃ [ tāyaṃ ( pī .)] sako bhātā , hadayaṃ cakkhu ca [ cakkhuṃva ( pī .)] dakkhiṇaṃ ;
Tassa vātā balīyanti , ghaṭo jappati [ sasaṃ jappati (?)] kesava .
166.
Tassa taṃ vacanaṃ sutvā , rohiṇeyyassa kesavo ;
Taramānarūpo vuṭṭhāsi , bhātusokena aṭṭito .
167.
Kiṃ nu
T1.301 ummattarūpova , kevalaṃ dvārakaṃ imaṃ ;Saso sasoti lapasi , ko nu te sasamāhari .
168.
Sovaṇṇamayaṃ
M1.224 maṇīmayaṃ , lohamayaṃ atha rūpiyāmayaṃ ;Saṅkhasilāpavāḷamayaṃ , kārayissāmi te sasaṃ .
169.
Santi aññepi sasakā , araññe vanagocarā ;
Tepi te ānayissāmi , kīdisaṃ sasamicchasi .
170.
Na
V1.177 cāhamete [ na cāhametaṃ ( sī .), na vāhamete ( syā .), na vāhametaṃ ( pī .)] icchāmi , ye sasā pathavissitā [ paṭhaviṃsitā ( sī . syā . pī .)];Candato sasamicchāmi , taṃ me ohara kesava .
171.
So nūna madhuraṃ ñāti , jīvitaṃ vijahissasi ;
Apatthiyaṃ yo patthayasi , candato sasamicchasi .
172.
Evaṃ ce kaṇha jānāsi , yadaññamanusāsasi ;
Kasmā pure mataṃ puttaṃ , ajjāpi manusocasi .
173.
Yaṃ na labbhā manussena , amanussena vā puna [ pana ( pe . va .215)];
Jāto me mā marī putto , kuto labbhā alabbhiyaṃ .
174.
Na mantā mūlabhesajjā , osadhehi dhanena vā ;
Sakkā ānayituṃ kaṇha , yaṃ petamanusocasi .
175.
Yassa etādisā assu , amaccā purisapaṇḍitā ;
Yathā nijjhāpaye ajja , ghaṭo purisapaṇḍito .
176.
Ādittaṃ vata maṃ santaṃ , ghatasittaṃva pāvakaṃ ;
Vārinā viya osiñcaṃ , sabbaṃ nibbāpaye daraṃ .
177.
Abbahī
T1.302 vata me sallaṃ , yamāsi hadayassitaṃ ;Yo me sokaparetassa , puttasokaṃ apānudi .
178.
Sohaṃ abbūḷhasallosmi , vītasoko anāvilo ;
Na socāmi na rodāmi , tava sutvāna māṇava [ bhātika ( pe . va .224)].
179.
Evaṃ karonti sappaññā , ye honti anukampakā ;
Nivattayanti sokamhā , ghaṭo jeṭṭhaṃva bhātaranti .
Ghaṭapaṇḍitajātakaṃ soḷasamaṃ .
Dasakanipātaṃ niṭṭhitaṃ .
Tassuddānaṃ –
Daḷha
M1.225 kaṇha dhanañjaya saṅkhavaro , raja sattaha kassa ca [ sattāhasasākha ( syā .)] takkalinā ;Dhammaṃ kukkuṭa kuṇḍali bhojanadā , cakkavāka subhūrisa sotthi ghaṭoti .