332. Rathalaṭṭhijātakaṃ (4-4-2)
125.
Api hantvā hato brūti , jetvā jitoti bhāsati ;
Pubbavakkhāyino
T1.150 [ pubbamakkhāyino ( sī . syā .)] rāja , aññadatthu [ ekadatthu ( sī . pī .)] na saddahe . 126.
Tasmā paṇḍitajātiyo , suṇeyya itarassapi ;
Ubhinnaṃ vacanaṃ sutvā , yathā dhammo tathā kare .
127.
Alaso gihī kāmabhogī na sādhu , asaññato pabbajito na sādhu ;
Rājā na sādhu anisammakārī , yo paṇḍito kodhano taṃ na sādhu .
128.
Nisamma khattiyo kayirā , nānisamma disampati ;
Nisammakārino rāja [ rañño ( sī . syā .)], yaso kitti ca vaḍḍhatīti .
Rathalaṭṭhijātakaṃ dutiyaṃ .