434. Cakkavākajātakaṃ (8)
69.
Kāsāyavatthe sakuṇe vadāmi , duve duve nandamane [ nandimane ( sī . pī .)] carante ;
Kaṃ aṇḍajaṃ aṇḍajā mānusesu , jātiṃ pasaṃsanti tadiṅgha brūtha .
70.
Amhe manussesu manussahiṃsa , anubbate [ anupubbake ( ka .)] cakkavāke vadanti ;
Kalyāṇabhāvamhe [ bhāva ’ mha ( sī . pī .)] dijesu sammatā , abhirūpā [ abhītarūpā ( sī . syā . pī .)] vicarāma aṇṇave .()[( na ghāsahetūpi karoma pāpaṃ )( ka .)]
71.
Kiṃ aṇṇave kāni phalāni bhuñje , maṃsaṃ kuto khādatha cakkavākā ;
Kiṃ bhojanaṃ bhuñjatha vo anomā [ abhiṇhaṃ ( ka .)], balañca
T1.263 vaṇṇo ca anapparūpā [ anapparūpo ( sī . syā . pī .)]. 72.
Na
V1.159 aṇṇave santi phalāni dhaṅka , maṃsaṃ kuto khādituṃ cakkavāke ;Sevālabhakkhamha [ bhakkhimha ( ka .)] apāṇabhojanā [ avākabhojanā ( sī . pī .)], na ghāsahetūpi karoma pāpaṃ .
73.
Na me idaṃ ruccati cakkavāka , asmiṃ bhave bhojanasannikāso ;
Ahosi pubbe tato me aññathā , icceva me vimati ettha jātā .
74.
Ahampi
M1.195 maṃsāni phalāni bhuñje , annāni ca loṇiyateliyāni ;Rasaṃ manussesu labhāmi bhottuṃ , sūrova saṅgāmamukhaṃ vijetvā ;
Na ca me tādiso vaṇṇo , cakkavāka yathā tava .
75.
Asuddhabhakkhosi khaṇānupātī , kicchena te labbhati annapānaṃ ;
Na tussasī rukkhaphalehi dhaṅka , maṃsāni vā yāni susānamajjhe .
76.
Yo sāhasena adhigamma bhoge , paribhuñjati
T1.264 dhaṅka khaṇānupātī ;Tato upakkosati naṃ sabhāvo , upakkuṭṭho vaṇṇabalaṃ jahāti .
77.
Appampi ce nibbutiṃ bhuñjatī yadi , asāhasena aparūpaghātī [ asāhasenānupaghātino ( ka .)];
Balañca vaṇṇo ca tadassa hoti , na hi sabbo āhāramayena vaṇṇoti .
Cakkavākajātakaṃ aṭṭhamaṃ .