509. Hatthipālajātakaṃ (13)
337.
Cirassaṃ vata passāma , brāhmaṇaṃ devavaṇṇinaṃ ;
Mahājaṭaṃ khāridharaṃ [ bhāradharaṃ ( pī .)], paṅkadantaṃ rajassiraṃ .
338.
Cirassaṃ vata passāma , isiṃ dhammaguṇe rataṃ ;
Kāsāyavatthavasanaṃ , vākacīraṃ paṭicchadaṃ .
339.
Āsanaṃ udakaṃ pajjaṃ , paṭigaṇhātu no bhavaṃ ;
Agghe bhavantaṃ pucchāma , agghaṃ kurutu no bhavaṃ .
340.
Adhicca vede pariyesa vittaṃ , putte gahe [ gehe ( sī . syā . pī .)] tāta patiṭṭhapetvā ;
Gandhe rase paccanubhuyya [ paccanubhotva ( syā .), paccanubhutva ( pī .)] sabbaṃ , araññaṃ sādhu muni so pasattho .
341.
Vedā na saccā na ca vittalābho , na puttalābhena jaraṃ vihanti ;
Gandhe
T1.465 rase muccana [ muñcana ( sī . ka .)] māhu santo , sakammunā [ sakammanā ( sī . pī .)] hoti phalūpapatti . 342.
Addhā hi saccaṃ vacanaṃ tavetaṃ , sakammunā hoti phalūpapatti ;
Jiṇṇā ca mātāpitaro tavīme [ taveme ( sī .), tava yime ( syā . pī .)], passeyyuṃ taṃ vassasataṃ arogaṃ [ arogyaṃ ( syā . ka .)].
343.
Yassassa
V1.261M1.351 sakkhī maraṇena rāja , jarāya mettī naravīraseṭṭha ;Yo cāpi jaññā na marissaṃ kadāci , passeyyuṃ taṃ vassasataṃ arogaṃ .
344.
Yathāpi nāvaṃ puriso dakamhi , ereti ce naṃ upaneti tīraṃ ;
Evampi byādhī satataṃ jarā ca , upaneti maccaṃ [ maccu ( syā . pī .)] vasamantakassa .
345.
Paṅko ca kāmā palipo ca kāmā , manoharā duttarā maccudheyyā ;
Etasmiṃ paṅke palipe byasannā [ visannā ( syā . ka .)], hīnattarūpā na taranti pāraṃ .
346.
Ayaṃ pure luddamakāsi kammaṃ , svāyaṃ gahīto na hi mokkhito me ;
Orundhiyā
T1.466 naṃ parirakkhissāmi , māyaṃ puna luddamakāsi kammaṃ . 347.
Gavaṃva [ gāvaṃva ( sī .)] naṭṭhaṃ puriso yathā vane , anvesatī [ pariyesatī ( sī . pī .)] rāja apassamāno ;
Evaṃ naṭṭho esukārī mamattho , sohaṃ kathaṃ na gaveseyyaṃ rāja .
348.
Hiyyoti hiyyati [ hīyoti hīyati ( sī .)] poso , pareti parihāyati ;
Anāgataṃ netamatthīti ñatvā , uppannachandaṃ ko panudeyya dhīro .
349.
Passāmi vohaṃ daharaṃ [ daharī ( syā . pī . ka .)] kumāriṃ , mattūpamaṃ ketakapupphanettaṃ ;
Abhuttabhoge [ abhutva bhoge ( syā . ka . aṭṭha .), abhutva bhoge ( pī .), bhoge atutvā ( ka .)] paṭhame vayasmiṃ , ādāya maccu vajate kumāriṃ .
350.
Yuvā
M1.352 sujāto sumukho sudassano , sāmo kusumbhaparikiṇṇamassu ;Hitvāna kāme paṭikacca [ paṭigacca ( sī .), paṭigaccha ( syā . pī .)] gehaṃ , anujāna maṃ pabbajissāmi deva .
351.
Sākhāhi rukkho labhate samaññaṃ , pahīnasākhaṃ pana khāṇumāhu ;
Pahīnaputtassa mamajja bhoti , vāseṭṭhi
T1.467 bhikkhācariyāya kālo . 352.
Aghasmi koñcāva yathā himaccaye , katāni [ tantāni ( sī . pī .)] jālāni padāliya [ padāleyya ( sī .)] haṃsā ;
Gacchanti puttā ca patī ca mayhaṃ , sāhaṃ kathaṃ nānuvaje pajānaṃ .
353.
Ete bhutvā vamitvā ca , pakkamanti vihaṅgamā ;
Ye ca bhutvāna vamiṃsu , te me hatthatta [ hatthattha ( sī . syā . pī .)] māgatā .
354.
Avamī brāhmaṇo kāme , so [ te ( sī . pī .)] tvaṃ paccāvamissasi ;
Vantādo puriso rāja , na so hoti pasaṃsiyo .
355.
Paṅke ca [ paṅkeva ( sī . pī .)] posaṃ palipe byasannaṃ , balī yathā dubbalamuddhareyya ;
Evampi maṃ tvaṃ udatāri bhoti , pañcāli gāthāhi subhāsitāhi .
356.
Idaṃ vatvā mahārājā , esukārī disampati ;
Raṭṭhaṃ hitvāna pabbaji , nāgo chetvāva bandhanaṃ .
357.
Rājā
V1.262 ca pabbajjamarocayittha , raṭṭhaṃ pahāya naravīraseṭṭho ;Tuvampi no hoti yatheva rājā , amhehi guttā anusāsa rajjaṃ .
358.
Rājā
M1.353 ca pabbajjamarocayittha , raṭṭhaṃT1.468 pahāya naravīraseṭṭho ;Ahampi ekā [ ekāva ( sī .)] carissāmi loke , hitvāna kāmāni manoramāni .
359.
Rājā ca pabbajjamarocayittha , raṭṭhaṃ pahāya naravīraseṭṭho ;
Ahampi ekā carissāmi loke , hitvāna kāmāni yathodhikāni .
360.
Accenti kālā tarayanti rattiyo , vayoguṇā anupubbaṃ jahanti ;
Ahampi ekā carissāmi loke , hitvāna kāmāni manoramāni .
361.
Accenti kālā tarayanti rattiyo , vayoguṇā anupubbaṃ jahanti ;
Ahampi ekā carissāmi loke , hitvāna kāmāni yathodhikāni .
362.
Accenti kālā tarayanti rattiyo , vayoguṇā anupubbaṃ jahanti ;
Ahampi ekā carissāmi loke , sītibhūtā [ sītībhūtā ( sī .)] sabbamaticca saṅganti .
Hatthipālajātakaṃ terasamaṃ .