420. Sumaṅgalajātakaṃ (4)
27.
Bhusamhi [ bhusampi ( ka .), bhusaṃ hi ( sī . niyya )] kuddhoti avekkhiyāna , na tāva daṇḍaṃ paṇayeyya issaro ;
Aṭṭhānaso appatirūpamattano , parassa dukkhāni bhusaṃ udīraye .
28.
Yato ca jāneyya pasādamattano , atthaṃ niyuñjeyya parassa dukkaṭaṃ ;
Tadāyamatthoti sayaṃ avekkhiya , athassa daṇḍaṃ sadisaṃ nivesaye .
29.
Na cāpi jhāpeti paraṃ na attanaṃ , amucchito yo nayate nayānayaṃ ;
Yo
T1.243 daṇḍadhāro bhavatīdha issaro , sa vaṇṇagutto siriyā na dhaṃsati . 30.
Ye khattiyā se anisammakārino , paṇenti daṇḍaṃ sahasā pamucchitā ;
Avaṇṇasaṃyutā [ yuttāva ( ka .)] jahanti jīvitaṃ , ito vimuttāpi ca yanti duggatiṃ .
31.
Dhamme
M1.179 ca ye ariyappavedite ratā , anuttarā te vacasā manasā kammunā ca ;Te santisoraccasamādhisaṇṭhitā , vajanti lokaṃ dubhayaṃ tathāvidhā .
32.
Rājāhamasmi narapamadānamissaro , sacepi kujjhāmi ṭhapemi attanaṃ ;
Nisedhayanto janataṃ tathāvidhaṃ , paṇemi daṇḍaṃ anukampa yoniso .
33.
Sirī ca lakkhī ca taveva khattiya , janādhipa mā vijahi kudācanaṃ ;
Akkodhano niccapasannacitto , anīgho tuvaṃ vassasatāni pālaya .
34.
Guṇehi etehi upeta khattiya , ṭhitamariyavattī [ vatti ( sī .), vutti ( ka .)] suvaco akodhano ;
Sukhī
T1.244 anuppīḷa pasāsamediniṃ [ anuppīḷaṃ sahasamedaniṃ ( ka .)], ito vimuttopi ca yāhi suggatiṃ . 35.
Evaṃ
V1.147 sunītena [ suvinītena ( pī .)] subhāsitena , dhammena ñāyena upāyaso nayaṃ ;Nibbāpaye saṅkhubhitaṃ mahājanaṃ , mahāva megho salilena medininti [ medaninti ( syā . ka .)].
Sumaṅgalajātakaṃ catutthaṃ .