240. Mahāpiṅgalajātakaṃ (2-9-10)
179.
Sabbo jano hiṃsito piṅgalena , tasmiṃ mate paccayā [ paccayaṃ ( sī . syā . pī .)] vedayanti ;
Piyo nu te āsi akaṇhanetto , kasmā nu tvaṃ rodasi dvārapāla .
180.
Na
M1.67 me piyo āsi akaṇhanetto , bhāyāmi paccāgamanāya tassa ;Ito gato hiṃseyya maccurājaṃ , so hiṃsito āneyya puna idha .
181.
Daḍḍho vāhasahassehi , sitto ghaṭasatehi so ;
Parikkhatā
T1.93 ca sā bhūmi , mā bhāyi nāgamissatīti .Mahāpiṅgalajātakaṃ dasamaṃ .
Upāhanavaggo navamo .
Tassuddānaṃ –
Varupāhana khujja vikaṇṇakako , asitābhuya pañcamavacchanakho ;
Dija pemavaruttamaekapadaṃ , kumināmukha piṅgalakena dasāti .