424. Ādittajātakaṃ (8)
69.
Ādittasmiṃ agārasmiṃ , yaṃ nīharati bhājanaṃ ;
Taṃ
T1.249 tassa hoti atthāya , no ca yaṃ tattha ḍayhati . 70.
Evāmādīpito
V1.150 loko , jarāya maraṇena ca ;Nīharetheva dānena , dinnaṃ hoti sunīhataṃ [ sunībhataṃ ( sī . syā . pī .), sunibbhataṃ ( ka .)].
71.
Yo dhammaladdhassa dadāti dānaṃ , uṭṭhānavīriyādhigatassa jantu ;
Atikkamma so vetaraṇiṃ [ vettaraṇiṃ ( ka .)] yamassa , dibbāni ṭhānāni upeti macco .
72.
Dānañca yuddhañca samānamāhu , appāpi santā bahuke jinanti ;
Appampi ce saddahāno dadāti , teneva so hoti sukhī parattha .
73.
Viceyya dānaṃ sugatappasatthaṃ , ye dakkhiṇeyyā idha jīvaloke ;
Etesu dinnāni mahapphalāni , bījāni vuttāni yathā sukhette .
74.
Yo pāṇabhūtāni aheṭhayaṃ caraṃ , parūpavādā na karoti pāpaṃ ;
Bhīruṃ pasaṃsanti na tattha sūraṃ , bhayā hi santo na karonti pāpaṃ .
75.
Hīnena brahmacariyena , khattiye upapajjati ;
Majjhimena
T1.250 ca devattaṃ , uttamena visujjhati . 76.
Addhā
M1.184 hi dānaṃ bahudhā pasatthaṃ , dānā ca kho dhammapadaṃva seyyo ;Pubbeva hi pubbatareva santo [ pubbe ca hi pubbatare ca santo ( saṃ . ni .1.33)], nibbānamevajjhagamuṃ sapaññāti .
Ādittajātakaṃ aṭṭhamaṃ .