312. Kassapamandiyajātakaṃ (4-2-2)
45.
Api kassapa mandiyā , yuvā sapati hanti [ sampaṭihanti ( ka .)] vā ;
Sabbaṃ taṃ khamate dhīro , paṇḍito taṃ titikkhati .
46.
Sacepi santo vivadanti , khippaṃ sandhīyare puna ;
Bālā pattāva bhijjanti , na te samathamajjhagū .
47.
Ete
V1.86 bhiyyo samāyanti , sandhi tesaṃ na jīrati ;Yo cādhipannaṃ jānāti , yo ca jānāti desanaṃ .
48.
Eso hi uttaritaro , bhāravaho dhuraddharo ;
Yo paresādhipannānaṃ
T1.137 , sayaṃ sandhātumarahatīti .Kassapamandiyajātakaṃ dutiyaṃ .