289. Nānāchandajātakaṃ (3-4-9)
115.
Nānāchandā mahārāja , ekāgāre vasāmase ;
Ahaṃ gāmavaraṃ icche , brāhmaṇī ca gavaṃ sataṃ .
116.
Putto ca ājaññarathaṃ , kaññā ca maṇikuṇḍalaṃ ;
Yā cesā puṇṇikā jammī , udukkhalaṃbhikaṅkhati .
117.
Brāhmaṇassa gāmavaraṃ , brāhmaṇiyā gavaṃ sataṃ ;
Puttassa ājaññarathaṃ , kaññāya maṇikuṇḍalaṃ ;
Yañcetaṃ puṇṇikaṃ jammiṃ , paṭipādethudukkhalanti .
Nānāchandajātakaṃ navamaṃ .