16. Tiṃsanipāto
511. Kiṃchandajātakaṃ (1)
1.
Kiṃchando
T1.474V1.265M1.358 kimadhippāyo , eko sammasi ghammani ;Kiṃ patthayāno kiṃ esaṃ , kena atthena brāhmaṇa .
2.
Yathā mahā vāridharo , kumbho supariṇāhavā [ supariṇāmavā ( ka .)];
Tathūpamaṃ ambapakkaṃ , vaṇṇagandharasuttamaṃ .
3.
Taṃ vuyhamānaṃ sotena , disvānāmalamajjhime ;
Pāṇīhi naṃ gahetvāna , agyāyatanamāhariṃ .
4.
Tato kadalipattesu , nikkhipitvā sayaṃ ahaṃ ;
Satthena naṃ vikappetvā , khuppipāsaṃ ahāsi me .
5.
Sohaṃ apetadaratho , byantībhūto [ byantibhūto ( sī . pī . ka .)] dukhakkhamo ;
Assādaṃ nādhigacchāmi , phalesvaññesu kesuci [ kesupi ( ka . sī .)].
6.
Sosetvā nūna maraṇaṃ , taṃ mamaṃ āvahissati ;
Ambaṃ yassa phalaṃ sādu , madhuraggaṃ manoramaṃ ;
Yamuddhariṃ vuyhamānaṃ , udadhismā mahaṇṇave .
7.
Akkhātaṃ te mayā sabbaṃ , yasmā upavasāmahaṃ ;
Rammaṃ pati nisinnosmi , puthulomāyutā puthu .
8.
Tvañca kho meva [ me ( sī .), mama (?)] akkhāhi , attānamapalāyini ;
Kā vā tvamasi kalyāṇi , kissa vā tvaṃ sumajjhime .
9.
Ruppapaṭṭapalimaṭṭhīva
T1.475 [ ruppapaṭṭaplamaṭṭhīva ( syā .), rūpapaṭṭapamaṭṭhīva ( ka .)], byagghīva girisānujā ;Yā santi nāriyo devesu , devānaṃ paricārikā .
10.
Yā ca manussalokasmiṃ , rūpenānvāgatitthiyo ;
Rūpena te sadisī natthi , devesu gandhabbamanussaloke [ devagandhabbamānuse ( syā .)];
Puṭṭhāsi me cārupubbaṅgi , brūhi nāmañca bandhave .
11.
Yaṃ
V1.266M1.359 tvaṃ pati nisinnosi , rammaṃ brāhmaṇa kosikiṃ ;Sāhaṃ bhusālayā vutthā , varavārivahoghasā .
12.
Nānādumagaṇākiṇṇā , bahukā girikandarā ;
Mameva pamukhā honti , abhisandanti pāvuse .
13.
Atho bahū vanatodā , nīlavārivahindharā ;
Bahukā nāgavittodā , abhisandanti vārinā .
14.
Tā ambajambulabujā , nīpā tālā cudumbarā [ tālamudumbarā ( syā . ka .)];
Bahūni phalajātāni , āvahanti abhiṇhaso .
15.
Yaṃ kiñci ubhato tīre , phalaṃ patati ambuni ;
Asaṃsayaṃ taṃ sotassa , phalaṃ hoti vasānugaṃ .
16.
Etadaññāya medhāvi , puthupañña suṇohi me ;
Mā rocaya mabhisaṅgaṃ , paṭisedha janādhipa .
17.
Na vāhaṃ vaḍḍhavaṃ [ vaddhavaṃ ( sī . pī .)] maññe , yaṃ tvaṃ raṭṭhābhivaḍḍhana ;
Āceyyamāno rājisi , maraṇaṃ abhikaṅkhasi .
18.
Tassa jānanti pitaro , gandhabbā ca sadevakā ;
Ye
T1.476 cāpi isayo loke , saññatattā tapassino ;Asaṃsayaṃ tepi [ te ( sī . pī .)] jānanti , paṭṭhabhūtā [ vaddhabhūtā ( sī . pī .)] yasassino .
19.
Evaṃ viditvā vidū sabbadhammaṃ , viddhaṃsanaṃ cavanaṃ jīvitassa ;
Na cīyatī tassa narassa pāpaṃ , sace na ceteti vadhāya tassa .
20.
Isipūgasamaññāte , evaṃ lokyā viditā sati [ pati ( ka . syā . ka .)];
Anariyaparisambhāse , pāpakammaṃ jigīsasi [ jigiṃsasi ( sī . syā . pī .)].
21.
Sace ahaṃ marissāmi , tīre te puthusussoṇi ;
Asaṃsayaṃ taṃ asiloko , mayi pete āgamissati .
22.
Tasmā
M1.360 hi pāpakaṃ kammaṃ , rakkhasseva [ rakkhassu ca ( syā .)] sumajjhime ;Mā taṃ sabbo jano pacchā , pakuṭṭhāyi [ pakatthāsi ( sī . pī .), patvakkhāsi ( syā .)] mayi mate .
23.
Aññātametaṃ avisayhasāhi , attānamambañca dadāmi te taṃ ;
So duccaje kāmaguṇe pahāya , santiñca dhammañca adhiṭṭhitosi .
24.
Yo hitvā pubbasaññogaṃ , pacchā saṃyojane ṭhito ;
Adhammañceva carati , pāpañcassa pavaḍḍhati .
25.
Ehi
V1.267 taṃ pāpayissāmi , kāmaṃ appossuko bhava ;Upānayāmi sītasmiṃ , viharāhi anussuko .
26.
Taṃ
T1.477 puppharasamattebhi , vakkaṅgehi arindama ;Koñcā mayūrā diviyā , kolaṭṭhimadhusāḷikā ;
Kūjitā haṃsapūgehi , kokilettha pabodhare .
27.
Ambettha vippasākhaggā [ vippasūnaggā ( sī . syā . pī .), vippaonaggā ( ka .)], palālakhalasannibhā ;
Kosambasaḷalā [ kosumbhasalalā ( sī . syā . pī .)] nīpā , pakkatālavilambino .
28.
Mālī tiriṭī kāyūrī , aṅgadī candanussado [ candanassado ( sī .)];
Rattiṃ tvaṃ paricāresi , divā vedesi vedanaṃ .
29.
Soḷasitthisahassāni , yā temā paricārikā ;
Evaṃ mahānubhāvosi , abbhuto lomahaṃsano .
30.
Kiṃ kammamakarī pubbe , pāpaṃ attadukhāvahaṃ ;
Yaṃ karitvā manussesu , piṭṭhimaṃsāni khādasi .
31.
Ajjhenāni paṭiggayha , kāmesu gadhito [ gathito ( sī . pī .), giddhito ( syā . ka .), giddhiko ( ka . aṭṭha .)] ahaṃ ;
Acariṃ dīghamaddhānaṃ , paresaṃ ahitāyahaṃ .
32.
Yo piṭṭhimaṃsiko hoti , evaṃ ukkacca khādati ;
Yathāhaṃ ajja khādāmi , piṭṭhimaṃsāni attanoti .
Kiṃchandajātakaṃ paṭhamaṃ .