438. Daddarajātakaṃ (12)
105.
Yo te puttake akhādi , dinnabhatto adūsake ;
Tasmiṃ dāṭhaṃ nipātehi , mā te muccittha jīvato .
106.
Ākiṇṇaluddo
M1.199 puriso , dhāticelaṃva makkhito ;Padesaṃ taṃ na passāmi , yattha dāṭhaṃ nipātaye .
107.
Akataññussa posassa , niccaṃ vivaradassino ;
Sabbaṃ ce pathaviṃ dajjā , neva naṃ abhirādhaye .
108.
Kinnu subāhu taramānarūpo , paccāgatosi saha māṇavena ;
Kiṃ
T1.269 kiccamatthaṃ idhamatthi tuyhaṃ , akkhāhi me pucchito etamatthaṃ . 109.
Yo te sakhā daddaro sādhurūpo , tassa vadhaṃ parisaṅkāmi ajja ;
Purisassa kammāyatanāni sutvā , nāhaṃ sukhiṃ daddaraṃ ajja maññe .
110.
Kānissa
V1.162 kammāyatanāni assu , purisassa vuttisamodhānatāya ;Kaṃ vā paṭiññaṃ purisassa sutvā , parisaṅkasi daddaraṃ māṇavena .
111.
Ciṇṇā kaliṅgā caritā vaṇijjā , vettācaro saṅkupathopi ciṇṇo ;
Naṭehi ciṇṇaṃ saha vākurehi [ vākarehi ( pī . sī . niyya ), vāgurehi (?)], daṇḍena yuddhampi samajjamajjhe .
112.
Baddhā kulīkā [ kuliṅkā ( sī . pī .)] mitamāḷhakena , akkhā jitā [ akkhācitā ( sī . aṭṭha .)] saṃyamo abbhatīto ;
Abbāhitaṃ [ appahitaṃ ( sī . syā .), abbūhitaṃ ( pī . sī . niyya )] pubbakaṃ [ pupphakaṃ ( sī . syā .)] aḍḍharattaṃ , hatthā daḍḍhā piṇḍapaṭiggahena .
113.
Tānissa
M1.200 kammāyatanāni assu , purisassaT1.270 vuttisamodhānatāya ;Yathā ayaṃ dissati lomapiṇḍo , gāvo hatā kiṃ pana daddarassāti .
Daddarajātakaṃ dvādasamaṃ .
Navakanipātaṃ niṭṭhitaṃ .
Tassuddānaṃ –
Varagijjha samajjana haṃsavaro , nidhisavhaya hārita pāṭaliko ;
Ajarāmara dhaṅka titikkha kuto , atha dvādasa pekkhana daddaribhīti .