3. Kuruṅgavaggo
21. Kuruṅgamigajātakaṃ
21.
Ñātametaṃ
V1.6 kuruṅgassa , yaṃ tvaṃ sepaṇṇi siyyasi [ seyyasi ( sī . syā . pī .)];Aññaṃ
T1.8 sepaṇṇi gacchāmi , na me te ruccate phalanti .Kuruṅgamigajātakaṃ paṭhamaṃ .
22. Kukkurajātakaṃ
22.
Ye kukkurā rājakulamhi vaddhā , koleyyakā vaṇṇabalūpapannā ;
Teme na vajjhā mayamasma vajjhā , nāyaṃ saghaccā dubbalaghātikāyanti .
Kukkurajātakaṃ dutiyaṃ .
23. Gojānīyajātakaṃ
23.
Api passena semāno , sallebhi sallalīkato ;
Seyyova vaḷavā gojo [ bhojjo ( sī .), bhojjho ( syā . pī .)], yuñja maññeva sārathīti .
Gojānīya [ bhojājānīya ( sī . syā . pī .)] jātakaṃ tatiyaṃ .
24. Ājaññajātakaṃ
24.
Yadā yadā yattha yadā , yattha yattha yadā yadā ;
Ājañño kurute vegaṃ , hāyanti tattha vāḷavāti .
Ājaññajātakaṃ catutthaṃ .
25. Titthajātakaṃ
25.
Aññamaññehi
T1.9M1.7 titthehi , assaṃ pāyehi sārathi ;Accāsanassa puriso , pāyāsassapi tappatīti .
Titthajātakaṃ pañcamaṃ .
26. Mahiḷāmukhajātakaṃ
26.
Purāṇacorāna
V1.7 vaco nisamma , mahiḷāmukho pothayamanvacārī ;Susaññatānañhi vaco nisamma , gajuttamo sabbaguṇesu aṭṭhāti .
Mahiḷāmukhajātakaṃ chaṭṭhaṃ .
27. Abhiṇhajātakaṃ
27.
Nālaṃ kabaḷaṃ padātave , na ca piṇḍaṃ na kuse na ghaṃsituṃ ;
Maññāmi abhiṇhadassanā , nāgo snehamakāsi [ sinehamakāsi ( sī . syā . pī .)] kukkureti .
Abhiṇhajātakaṃ sattamaṃ .
28. Nandivisālajātakaṃ
28.
Manuññameva
T1.10 bhāseyya , nāmanuññaṃ kudācanaṃ ;Manuññaṃ bhāsamānassa , garuṃ bhāraṃ udaddhari ;
Dhanañca naṃ alābhesi , tena cattamano ahūti .
Nandivisālajātakaṃ aṭṭhamaṃ .
29. Kaṇhajātakaṃ
29.
Yato yato garu dhuraṃ , yato gambhīravattanī ;
Tadāssu kaṇhaṃ yuñjanti , svāssu taṃ vahate dhuranti .
Kaṇhajātakaṃ navamaṃ .
30. Munikajātakaṃ
30.
Mā
M1.8 munikassa pihayi , āturannāni bhuñjati ;Appossukko bhusaṃ khāda , etaṃ dīghāyulakkhaṇanti .
Munikajātakaṃ dasamaṃ .
Kuruṅgavaggo tatiyo .
Tassuddānaṃ –
Kuruṅgassa
V1.8 kukkuragojavaro , puna vāḷavassasirivhayano [ sirivayano ( sabbattha )];Mahiḷāmukhanāmanuññavaro , vahate dhura munikena dasāti .