452. Bhūripaññajātakaṃ (14)
145.
Saccaṃ
V1.175 kira tvaṃ api [ tvampi ( sī .), tuvampi ( syā .), tvaṃ asi ( ka .)] bhūripañña , yā tādisī sīri dhitī matī ca ;Na tāyatebhāvavasūpanitaṃ , yo yavakaṃ bhuñjasi appasūpaṃ .
146.
Sukhaṃ dukkhena paripācayanto , kālā kālaṃ vicinaṃ chandachanno ;
Atthassa
T1.297 dvārāni avāpuranto , tenāhaṃ tussāmi yavodanena . 147.
Kālañca
M1.221 ñatvā abhijīhanāya , mantehi atthaṃ paripācayitvā ;Vijambhissaṃ sīhavijambhitāni , tāyiddhiyā dakkhasi maṃ punāpi .
148.
Sukhīpi heke [ sukhī hi eke ( sī .), sukhīti heke (?)] na karonti pāpaṃ , avaṇṇasaṃsaggabhayā puneke ;
Pahū samāno vipulatthacintī , kiṃkāraṇā me na karosi dukkhaṃ .
149.
Na paṇḍitā attasukhassa hetu , pāpāni kammāni samācaranti ;
Dukkhena phuṭṭhā khalitāpi santā , chandā ca dosā na jahanti dhammaṃ .
150.
Yena kenaci vaṇṇena , mudunā dāruṇena vā ;
Uddhare dīnamattānaṃ , pacchā dhammaṃ samācare .
151.
Yassa rukkhassa chāyāya , nisīdeyya sayeyya vā ;
Na tassa sākhaṃ bhañjeyya , mittadubbho hi pāpako .
152.
Yassāpi [ yassa hi ( sī . ka .)] dhammaṃ puriso [ manujo ( sī .)] vijaññā , ye cassa kaṅkhaṃ vinayanti santo ;
Taṃ
T1.298 hissa dīpañca parāyanañca , na tena mettiṃ jarayetha pañño . 153.
Alaso gihī kāmabhogī na sādhu , asaññato pabbajito na sādhu ;
Rājā na sādhu anisammakārī , yo paṇḍito kodhano taṃ na sādhu .
154.
Nisamma khattiyo kayirā , nānisamma disampati ;
Nisammakārino rāja , yaso kitti ca vaḍḍhatīti .
Bhūripaññajātakaṃ cuddasamaṃ .