Issues
Select Version
Jātakapāḷi
Jātakapāḷi

287. Lābhagarahajātakaṃ (3-4-7)

Author: _System_Pali_VRI_ @ Administrator

287. Lābhagarahajātakaṃ (3-4-7)

109.
Nānummatto nāpisuṇo , nānaṭo nākutūhalo ;
Mūḷhesu labhate lābhaṃ , esā te anusāsanī .
110.
Dhiratthu taṃ yasalābhaṃ , dhanalābhañca brāhmaṇa ;
Yā vutti vinipātena , adhammacaraṇena [ adhammacariyāya ( sī . syā .)] vā .
111.
Api ce pattamādāya , anagāro paribbaje ;
Esāva jīvikā seyyo [ seyyā ( sī . syā . pī .)], yā cādhammena esanāti .
Lābhagarahajātakaṃ sattamaṃ .