446. Takkalajātakaṃ (8)
82.
Na
V1.170 takkalā santi na āluvāni [ ālupāni ( sī . syā . pī .)], na biḷāliyo na kaḷambāni tāta ;Eko araññamhi susānamajjhe , kimatthiko tāta khaṇāsi kāsuṃ .
83.
Pitāmaho
T1.286 tāta sudubbalo te , anekabyādhīhi dukhena phuṭṭho ;Tamajjahaṃ nikhaṇissāmi sobbhe , na hissa taṃ jīvitaṃ rocayāmi .
84.
Saṅkappametaṃ paṭiladdha pāpakaṃ , accāhitaṃ kamma karosi luddaṃ ;
Mayāpi tāta paṭilacchase tuvaṃ , etādisaṃ kamma jarūpanīto ;
Taṃ kullavattaṃ anuvattamāno , ahampi taṃ nikhaṇissāmi sobbhe .
85.
Pharusāhi vācāhi pakubbamāno , āsajja maṃ tvaṃ vadase kumāra ;
Putto mamaṃ orasako samāno , ahitānukampī mama tvaṃsi putta .
86.
Na
M1.213 tāhaṃ [ tyāhaṃ ( syā .)] tāta ahitānukampī , hitānukampī te ahampi [ ahañhi ( syā .)] tāta ;Pāpañca taṃ kamma pakubbamānaṃ , arahāmi no vārayituṃ tato .
87.
Yo mātaraṃ vā pitaraṃ saviṭṭha [ mātaraṃ pitaraṃ vā vasiṭṭha ( sī . pī .)], adūsake hiṃsati pāpadhammo ;
Kāyassa
T1.287 bhedā abhisamparāyaṃ , asaṃsayaṃ so nirayaṃ upeti [ pareti ( sī . pī .)]. 88.
Yo mātaraṃ vā pitaraṃ saviṭṭha , annena pānena upaṭṭhahāti ;
Kāyassa bhedā abhisamparāyaṃ , asaṃsayaṃ so sugatiṃ upeti .
89.
Na me tvaṃ putta ahitānukampī , hitānukampī me [ mama (?)] tvaṃsi putta ;
Ahañca taṃ mātarā vuccamāno , etādisaṃ kamma karomi luddaṃ .
90.
Yā te sā bhariyā anariyarūpā , mātā mamesā sakiyā janetti ;
Niddhāpaye [ niddhāmase ( pī .)] tañca sakā agārā , aññampi te sā dukhamāvaheyya .
91.
Yā te sā bhariyā anariyarūpā , mātā mamesā sakiyā janetti ;
Dantā kareṇūva vasūpanītā , sā pāpadhammā punarāvajātūti .
Takkalajātakaṃ aṭṭhamaṃ .