463. Suppārakajātakaṃ (9)
108.
Ummujjanti
M1.239 nimujjanti , manussā khuranāsikā ;Suppārakaṃ
T1.320 taṃ pucchāma , samuddo katamo ayaṃ . 109.
Kurukacchā [ bharukacchā ( sī . syā . pī . aṭṭha .)] payātānaṃ , vāṇijānaṃ dhanesinaṃ ;
Nāvāya vippanaṭṭhāya , khuramālīti vuccati .
110.
Yathā aggīva suriyova [ aggi suriyo ca ( syā .), aggīva sūriyo ( ka .)], samuddo paṭidissati ;
Suppārakaṃ taṃ pucchāma , samuddo katamo ayaṃ .
111.
Kurukacchā payātānaṃ , vāṇijānaṃ dhanesinaṃ ;
Nāvāya vippanaṭṭhāya , aggimālīti vuccati .
112.
Yathā dadhīva khīraṃva [ dadhi ca khīraṃ ca ( syā .), evamuparipi ], samuddo paṭidissati ;
Suppārakaṃ taṃ pucchāma , samuddo katamo ayaṃ .
113.
Kurukacchā
V1.187 payātānaṃ , vāṇijānaṃ dhanesinaṃ ;Nāvāya vippanaṭṭhāya , dadhimālīti [ khīramālīti ( ka .)] vuccati .
114.
Yathā kusova sassova , samuddo paṭidissati ;
Suppārakaṃ taṃ pucchāma , samuddo katamo ayaṃ .
115.
Kurukacchā payātānaṃ , vāṇijānaṃ dhanesinaṃ ;
Nāvāya vippanaṭṭhāya , kusamālīti vuccati .
116.
Yathā naḷova veḷūva , samuddo paṭidissati ;
Suppārakaṃ taṃ pucchāma , samuddo katamo ayaṃ .
117.
Kurukacchā payātānaṃ , vāṇijānaṃ dhanesinaṃ ;
Nāvāya vippanaṭṭhāya , naḷamālīti vuccati .
118.
Mahabbhayo bhiṃsanako , saddo suyyatimānuso [ samuddo suyyata ’ mānuso ( sī . pī . aṭṭha .)];
Yathā
T1.321 sobbho papātova , samuddo paṭidissati ;Suppārakaṃ taṃ pucchāma , samuddo katamo ayaṃ .
119.
Kurukacchā
M1.240 payātānaṃ , vāṇijānaṃ dhanesinaṃ ;Nāvāya vippanaṭṭhāya , baḷavāmukhīti [ vaḷabhāmukhīti ( sī . syā .), balavāmukhīti ( syā . ka .)] vuccati .
120.
Yato sarāmi attānaṃ , yato pattosmi viññutaṃ ;
Nābhijānāmi sañcicca , ekapāṇampi hiṃsitaṃ ;
Etena saccavajjena , sotthiṃ nāvā nivattatūti .
Suppārakajātakaṃ navamaṃ .
Ekādasakanipātaṃ niṭṭhitaṃ .
Tassuddānaṃ –
Sirimātusuposakanāgavaro , puna juṇhaka dhammamudayavaro ;
Atha pāni yudhañcayako ca , dasaratha saṃvara pāragatena navāti .