432. Padakusalamāṇavajātakaṃ (6)
49.
Bahussutaṃ cittakathiṃ [ cittakathaṃ ( syā . ka .)], gaṅgā vahati pāṭaliṃ [ pāṭalaṃ ( sī . pī .)];
Vuyhamānaka
T1.260 bhaddante , ekaṃ me dehi gāthakaṃ [ gītakaṃ ( ka . aṭṭha .)]. 50.
Yena siñcanti dukkhitaṃ , yena siñcanti āturaṃ ;
Tassa majjhe marissāmi , jātaṃ saraṇato bhayaṃ .
51.
Yattha bījāni rūhanti , sattā yattha patiṭṭhitā ;
Sā me sīsaṃ nipīḷeti , jātaṃ saraṇato bhayaṃ .
52.
Yena bhattāni paccanti , sītaṃ yena vihaññati ;
So maṃ ḍahati [ dayhati ( ka .)] gattāni , jātaṃ saraṇato bhayaṃ .
53.
Yena bhuttena [ bhattena ( syā . ka .)] yāpenti , puthū brāhmaṇakhattiyā ;
So maṃ bhutto byāpādeti , jātaṃ saraṇato bhayaṃ .
54.
Gimhānaṃ pacchime māse , vātamicchanti paṇḍitā ;
So maṃ [ so me ( sī . pī .)] bhañjati gattāni , jātaṃ saraṇato bhayaṃ .
55.
Yaṃ nissitā jagatiruhaṃ , svāyaṃ aggiṃ pamuñcati ;
Disā bhajatha vakkaṅgā , jātaṃ saraṇato bhayaṃ .
56.
Yamānayiṃ
M1.193 somanassaṃ , māliniṃ candanussadaṃ ;Sā maṃ gharā nicchubhati [ nīharati ( sī . syā .)], jātaṃ saraṇato bhayaṃ .
57.
Yena jātena nandissaṃ , yassa ca bhavamicchisaṃ ;
So maṃ gharā nicchubhati [ nīharati ( sī . syā .)], jātaṃ saraṇato bhayaṃ .
58.
Suṇantu me jānapadā , negamā ca samāgatā ;
Yatodakaṃ tadādittaṃ , yato khemaṃ tato bhayaṃ .
59.
Rājā
T1.261 vilumpate raṭṭhaṃ , brāhmaṇo ca purohito ;Attaguttā viharatha , jātaṃ saraṇato bhayanti .
Padakusalamāṇavajātakaṃ chaṭṭhaṃ .