299. Komāraputtajātakaṃ (3-5-9)
145.
Pure tuvaṃ sīlavataṃ sakāse , okkantikaṃ [ okkandikaṃ ( sī . syā . pī .)] kīḷasi assamamhi ;
Karohare [ karohi re ( ka .)] makkaṭiyāni makkaṭa , na taṃ mayaṃ sīlavataṃ ramāma .
146.
Sutā
T1.126 hi mayhaṃ paramā visuddhi , komāraputtassa bahussutassa ;Mā dāni maṃ maññi tuvaṃ yathā pure , jhānānuyutto viharāmi [ jhānānuyuttā viharāma ( sī . pī .)] āvuso .
147.
Sacepi selasmi vapeyya bījaṃ , devo ca vasse na hi taṃ virūḷhe [ neva hi taṃ ruheyya ( sī . pī .), na hi taṃ virūhe (?)];
Sutā hi te sā paramā visuddhi , ārā tuvaṃ makkaṭa jhānabhūmiyāti .
Komāraputtajātakaṃ navamaṃ .