300. Vakajātakaṃ (3-5-10)
148.
Parapāṇarodhā
V1.80 [ parapāṇaghāte ( syā .), parapāṇarocaṃ ( ka .)] jīvanto , maṃsalohitabhojano ;Vako vataṃ samādāya , upapajji uposathaṃ .
149.
Tassa sakko vataññāya , ajarūpenupāgami ;
Vītatapo ajjhappatto , bhañji lohitapo tapaṃ .
150.
Evameva
M1.92 idhekacce , samādānamhi dubbalā ;Lahuṃ karonti attānaṃ , vakova ajakāraṇāti .
Vakajātakaṃ dasamaṃ .
Kumbhavaggo pañcamo .
Tassuddānaṃ –
Varakumbha
T1.127 supattasirivhayano , sucisammata bindusaro cusabho ;Saritaṃpati caṇḍi jarākapinā , atha makkaṭiyā vakakena dasāti .
Atha vagguddānaṃ –
Saṅkappo padumo ceva , udapānena tatiyaṃ ;
Abbhantaraṃ ghaṭabhedaṃ , tikanipātamhilaṅkatanti .
Tikanipātaṃ niṭṭhitaṃ .