14. Pakiṇṇakanipāto
484. Sālikedārajātakaṃ (1)
1.
Sampannaṃ
T1.366V1.212M1.276 sālikedāraṃ , suvā bhuñjanti kosiya ;Paṭivedemi te brahme , na ne [ te ( sī . syā .), naṃ ( sī . syā . pī . aṭṭha .), taṃ ( ka . aṭṭha .)] vāretumussahe .
2.
Eko ca tattha sakuṇo , yo nesaṃ [ tesaṃ ( sī . aṭṭha .)] sabbasundaro ;
Bhutvā sāliṃ yathākāmaṃ , tuṇḍenādāya gacchati .
3.
Oḍḍentu [ ujjhuntu ( syā . ka .) aṅguttaranikāye passitabbaṃ ] vāḷapāsāni , yathā vajjhetha so dijo ;
Jīvañca naṃ gahetvāna , ānayehi [ ānayetha ( sī . pī .)] mamantike .
4.
Ete bhutvā pivitvā ca [ bhutvā ca pitvā ca ( pī .)], pakkamanti vihaṅgamā ;
Eko baddhosmi pāsena , kiṃ pāpaṃ pakataṃ mayā .
5.
Udaraṃ nūna aññesaṃ , suva accodaraṃ tava ;
Bhutvā sāliṃ yathākāmaṃ , tuṇḍenādāya gacchasi .
6.
Koṭṭhaṃ nu tattha pūresi , suva veraṃ nu te mayā ;
Puṭṭho me samma akkhāhi , kuhiṃ sāliṃ nidāhasi [ nidhīyasi ( pī .)].
7.
Na me veraṃ tayā saddhiṃ , koṭṭho mayhaṃ na vijjati ;
Iṇaṃ muñcāmiṇaṃ dammi , sampatto koṭasimbaliṃ ;
Nidhimpi tattha nidahāmi , evaṃ jānāhi kosiya .
8.
Kīdisaṃ te iṇadānaṃ , iṇamokkho ca kīdiso ;
Nidhinidhānamakkhāhi
T1.367 , atha pāsā pamokkhasi . 9.
Ajātapakkhā taruṇā , puttakā mayha kosiya ;
Te maṃ bhatā bharissanti , tasmā tesaṃ iṇaṃ dade .
10.
Mātā pitā ca me vuddhā , jiṇṇakā gatayobbanā ;
Tesaṃ tuṇḍena hātūna , muñce pubbakataṃ [ pubbe kataṃ ( sī .)] iṇaṃ .
11.
Aññepi
M1.277 tattha sakuṇā , khīṇapakkhā sudubbalā ;Tesaṃ puññatthiko dammi , taṃ nidhiṃ āhu paṇḍitā .
12.
Īdisaṃ
V1.213 [ edisaṃ ( sī . pī .)] me iṇadānaṃ , iṇamokkho ca īdiso ;Nidhinidhānamakkhāmi [ nidhiṃ nidhānaṃ akkhātaṃ ( sī . pī .)], evaṃ jānāhi kosiya .
13.
Bhaddako vatayaṃ pakkhī , dijo paramadhammiko ;
Ekaccesu manussesu , ayaṃ dhammo na vijjati .
14.
Bhuñja sāliṃ yathākāmaṃ , saha sabbehi ñātibhi ;
Punāpi suva passemu , piyaṃ me tava dassanaṃ .
15.
Bhuttañca pītañca tavassamamhi [ tavassabyamhi ( ka .)], rattiñca [ ratī ca ( sī . pī .)] no kosiya te sakāse ;
Nikkhittadaṇḍesu dadāhi dānaṃ , jiṇṇe ca mātāpitaro bharassu .
16.
Lakkhī vata me udapādi ajja , yo addasāsiṃ pavaraṃ [ yohaṃ adassaṃ paramaṃ ( syā . ka .)] dijānaṃ ;
Suvassa sutvāna subhāsitāni , kāhāmi
T1.368 puññāni anappakāni . 17.
So kosiyo attamano udaggo , annañca pānañcabhisaṅkharitvā [ annañca pānaṃ abhisaṃharitvā ( ka .)];
Annena pānena pasannacitto , santappayi samaṇabrāhmaṇe cāti .
Sālikedārajātakaṃ [ kedārajātakaṃ ( ka .)] paṭhamaṃ .