5. Atthakāmavaggo
41. Losakajātakaṃ
41.
Yo
T1.14 atthakāmassa hitānukampino , ovajjamāno na karoti sāsanaṃ ;Ajiyā pādamolamba [ pādamolumba ( sī . syā . pī .)], mittako viya socatīti .
Losakajātakaṃ paṭhamaṃ .
42. Kapotajātakaṃ
42.
Yo
M1.11 atthakāmassa hitānukampino , ovajjamāno na karoti sāsanaṃ ;Kapotakassa vacanaṃ akatvā , amittahatthatthagatova setīti .
Kapotajātakaṃ dutiyaṃ .
43. Veḷukajātakaṃ
43.
Yo atthakāmassa hitānukampino , ovajjamāno na karoti sāsanaṃ ;
Evaṃ so nihato seti , veḷukassa yathā pitāti .
Veḷukajātakaṃ tatiyaṃ .
44. Makasajātakaṃ
44.
Seyyo
T1.15V1.11 amitto matiyā upeto , na tveva mitto mativippahīno ;Makasaṃ vadhissanti hi eḷamūgo , putto pitu abbhidā uttamaṅganti .
Makasajātakaṃ catutthaṃ .
45. Rohiṇijātakaṃ
45.
Seyyo amitto medhāvī , yañce bālānukampako ;
Passa rohiṇikaṃ jammiṃ , mātaraṃ hantvāna socatīti .
Rohiṇijātakaṃ pañcamaṃ .
46. Ārāmadūsakajātakaṃ
46.
Na ve anatthakusalena , atthacariyā sukhāvahā ;
Hāpeti atthaṃ dummedho , kapi ārāmiko yathāti .
Ārāmadūsakajātakaṃ chaṭṭhaṃ .
47. Vāruṇidūsakajātakaṃ
47.
Na
M1.12 ve anatthakusalena , atthacariyā sukhāvahā ;Hāpeti atthaṃ dummedho , koṇḍañño vāruṇiṃ yathāti .
Vāruṇidūsakajātakaṃ sattamaṃ .
48. Vedabbajātakaṃ
48.
Anupāyena
T1.16 yo atthaṃ , icchati so vihaññati ;Cetā haniṃsu vedabbaṃ [ vedabbhaṃ ( sī . pī .)], sabbe te byasanamajjhagūti .
Vedabba [ vedabbha ( sī . pī .)] jātakaṃ aṭṭhamaṃ .
49. Nakkhattajātakaṃ
49.
Nakkhattaṃ
V1.12 paṭimānentaṃ , attho bālaṃ upaccagā ;Attho atthassa nakkhattaṃ , kiṃ karissanti tārakāti .
Nakkhattajātakaṃ navamaṃ .
50. Dummedhajātakaṃ
50.
Dummedhānaṃ sahassena , yañño me upayācito ;
Idāni khohaṃ yajissāmi , bahu [ bahū ( sī . pī .), bahuṃ ( ka .)] adhammiko janoti .
Dummedhajātakaṃ dasamaṃ .
Atthakāmavaggo pañcamo .
Tassuddānaṃ –
Atha mittaka mātu kapotavaro , tathā veḷūka eḷamūgo rohiṇī ;
Kapi
T1.17 vāruṇi cetacarā ca puna , tathā tāraka yaññavarena dasāti .Paṭhamo paṇṇāsako .