15. Kakaṇṭakavaggo
141. Godhajātakaṃ
141.
Na
T1.46 pāpajanasaṃsevī , accantasukhamedhati ;Godhākulaṃ [ godhakkulaṃ ( ka .)] kakaṇṭāva [ kakaṇṭakā ( ka .)], kaliṃ pāpeti attananti .
Godhajātakaṃ paṭhamaṃ .
142. Siṅgālajātakaṃ
142.
Etañhi te durājānaṃ , yaṃ sesi matasāyikaṃ ;
Yassa te kaḍḍhamānassa , hatthā daṇḍo na muccatīti .
Siṅgālajātakaṃ dutiyaṃ .
143. Virocajātakaṃ
143.
Lasī ca te nipphalitā , matthako ca padālito [ vidālito ( sī . pī .)];
Sabbā te phāsukā bhaggā , ajja kho tvaṃ virocasīti .
Virocajātakaṃ tatiyaṃ .
144. Naṅguṭṭhajātakaṃ
144.
Bahumpetaṃ
V1.32 asabbhi [ bahupetamasabbhi ( ka .)] jātaveda , yaṃ taṃ vāladhinābhipūjayāma ;Maṃsārahassa
T1.47 natthajja maṃsaṃ , naṅguṭṭhampi bhavaṃ paṭiggahātūti .Naṅguṭṭhajātakaṃ catutthaṃ .
145. Rādhajātakaṃ
145.
Na
M1.34 tvaṃ rādha vijānāsi , aḍḍharatte anāgate ;Abyayataṃ [ abyāyataṃ ( sī . syā . pī .), abyattataṃ (?)] vilapasi , virattā kosiyāyaneti .
Rādhajātakaṃ pañcamaṃ .
146. Samuddakākajātakaṃ
146.
Api nu hanukā santā , mukhañca parisussati ;
Oramāma na pārema , pūrateva mahodadhīti .
Samuddakākajātakaṃ chaṭṭhaṃ .
147. Puppharattajātakaṃ
147.
Nayidaṃ dukkhaṃ aduṃ dukkhaṃ , yaṃ maṃ tudati vāyaso ;
Yaṃ sāmā puppharattena , kattikaṃ nānubhossatīti .
Puppharattajātakaṃ sattamaṃ .
148. Siṅgālajātakaṃ
148.
Nāhaṃ
T1.48 punaṃ na ca punaṃ , na cāpi apunappunaṃ ;Hatthibondiṃ pavekkhāmi , tathā hi bhayatajjitoti .
Siṅgālajātakaṃ aṭṭhamaṃ .
149. Ekapaṇṇajātakaṃ
149.
Ekapaṇṇo ayaṃ rukkho , na bhūmyā caturaṅgulo ;
Phalena visakappena , mahāyaṃ kiṃ bhavissatīti .
Ekapaṇṇajātakaṃ navamaṃ .
150. Sañjīvajātakaṃ
150.
Asantaṃ
V1.33M1.35 yo paggaṇhāti , asantaṃ cūpasevati ;Tameva ghāsaṃ kurute , byaggho sañjīvako yathāti .
Sañjīvajātakaṃ dasamaṃ .
Kakaṇṭaka [ pāpasevana ( ka .)] vaggo pannarasamo .
Tassuddānaṃ –
Sukhamedhati daṇḍavaro ca puna , lasi vāladhi pañcamarādhavaro ;
Samahodadhi
T1.49 kattika bondi puna , caturaṅgulabyagghavarena dasāti .( Uparimo paṇṇāsako .)[() sīhaḷapotthakeyeva dissati ]
Atha vagguddānaṃ –
Apaṇṇakaṃ sīlavaggakuruṅga , kulāvakaṃ atthakāmena pañcamaṃ ;
Āsīso itthivaruṇaṃ apāyi , littavaggena te dasa ;
Parosataṃ haṃci kusanāḷi [ haṃsi sarikkhaṃ ( sabbattha )], asampadaṃ kakaṇṭakavaggo .
Ekanipātamhilaṅkatanti .
Ekakanipātaṃ niṭṭhitaṃ .