Sambahulavārakathāvaṇṇanā
Sabbabodhisattānañhi
P2.422M2.15 ekasmiṃ kulavaṃsānurūpe putte jāte nikkhamitvā pabbajitabbanti ayameva vaṃso , ayaṃ paveṇī .Kasmā ?
Sabbaññubodhisattānañhi mātukucchiṃ okkamanato paṭṭhāya pubbe vuttappakārāni anekāni pāṭihāriyāni honti , tatra nesaṃ yadi neva jātanagaraṃ , na pitā , na mātā , na bhariyā , na putto paññāyeyya ,‘‘ imassa neva jātanagaraṃ , na pitā , na bhariyā , na putto paññāyati , devo vā sakko vā māro vā brahmā vā esa maññe , devānañca īdisaṃ pāṭihāriyaṃ anacchariyan ’’ ti maññamāno jano neva sotabbaṃ , na saddhātabbaṃ maññeyya .
Tato abhisamayo na bhaveyya , abhisamaye asati niratthakova buddhuppādo , aniyyānikaṃ sāsanaṃ hoti .
Tasmā sabbabodhisattānaṃ –
‘‘ ekasmiṃ kulavaṃsānurūpe putte jāte nikkhamitvā pabbajitabban ’’ ti ayameva vaṃso ayaṃ paveṇī .
Tasmā puttādīnaṃ vasena sambahulavāro ānetvā dīpetabbo .