Ānandaparikathāvaṇṇanā
277. Bhagavantaṃ kittayamānarūpoti aho buddho , aho dhammo , aho saṅgho ;
aho dhammo svākkhātoti evaṃ kittayantova kālamakāsi .
Bahujano pasīdeyyāti amhākaṃ pitā mātā bhātā bhaginī putto dhītā sahāyako , tena amhehi saddhiṃ ekato bhuttā , ekato sayitā , tassa idañcidañca manāpaṃ akarimha , so kira anāgāmī sakadāgāmī sotāpanno ;
aho sādhu , aho suṭṭhūti evaṃ bahujano pasādaṃ āpajjeyya .
278. Gatin ti
V2.207 ñāṇagatiṃ .Abhisamparāyan ti ñāṇābhisamparāyameva .
Addasā khoti kittake jane addasa ?
Catuvīsatisatasahassāni .
279. Upasantapadissoti
M2.231 upasantadassano .Bhātirivāti
P2.638 ativiya bhāti , ativiya virocati .Indriyānan ti manacchaṭṭhānaṃ indriyānaṃ .
Addasaṃ kho ahaṃ ānandāti neva dasa , na vīsati , na sataṃ , na sahassaṃ , anūnādhikāni catuvīsatisatasahassāni addasanti āha .