Ariyasaccakathāvaṇṇanā
155. Koṭigāmoti
V2.119 mahāpanādassa pāsādakoṭiyaṃ katagāmo .Ariyasaccānan ti ariyabhāvakarānaṃ saccānaṃ .
Ananubodhāti abujjhanena ajānanena .
Appaṭivedhāti appaṭivijjhanena .
Sandhāvitan ti bhavato bhavaṃ gamanavasena
P2.543 sandhāvitaṃ .Saṃsaritan ti punappunaṃ gamanāgamanavasena saṃsaritaṃ .
Mamañceva
M2.133 tumhākañcāti mayā ca tumhehi ca .Atha vā sandhāvitaṃ saṃsaritan ti sandhāvanaṃ saṃsaraṇaṃ mamañceva tumhākañca ahosīti emamettha attho veditabbo .
Bhavanetti samūhatāti bhavato bhavaṃ nayanasamatthā taṇhārajju suṭṭhu hatā chinnā appavattikatā .