1. Suttantabhājanīyaṃ

Author： _System_Pali_VRI_ @ Administrator

1. Suttantabhājanīyaṃ

642. CatassoM0.284P0.272V0.307 appamaññāyo – idha bhikkhu mettāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ [ catutthiṃ ( sī .)].

Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena [ abyāpajjhena ( sī . syā .)] pharitvā viharati .

Karuṇāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ .

Iti uddhamadho tiriyaṃ sabbadhi sabbattatāya sabbāvantaṃ lokaṃ karuṇāsahagatena cetasā vipulenaT0.370 mahaggatena appamāṇena averena abyāpajjena pharitvā viharati .

Muditāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ .

Iti uddhamadho tiriyaṃ sabbadhi sabbattatāya sabbāvantaṃ lokaṃ muditāsahagatena cetasā vipulena mahaggatena appamāṇena averena abyāpajjena pharitvā viharati .

Upekkhāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ .

Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati .

1. Mettā

643. Kathañca bhikkhu mettāsahagatena cetasā ekaṃ disaṃ pharitvā viharati ?

Seyyathāpi nāma ekaṃ puggalaṃ piyaṃ manāpaṃ disvā mettāyeyya , evameva sabbe satte mettāya pharati .

TatthaV0.308 katamā mettā ?

Yā sattesu metti mettāyanā mettāyitattaṃ mettācetovimutti – ayaṃ vuccati ‘‘ mettā ’’.

Tattha katamaṃ cittaṃ ?

Yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjāmanoviññāṇadhātuP0.273 – idaṃM0.285 vuccati ‘‘ cittaṃ ’’.

Idaṃ cittaṃ imāya mettāya sahagataṃ hoti sahajātaṃ saṃsaṭṭhaṃ sampayuttaṃ .

Tena vuccati ‘‘ mettāsahagatena cetasā ’’ ti .

644.‘‘ Ekaṃ disan ’’ ti puratthimaṃ vā disaṃ pacchimaṃ vā disaṃ uttaraṃ vā disaṃ dakkhiṇaṃ vā disaṃ uddhaṃ vā adho vā tiriyaṃ vā vidisaṃ vā .

645.‘‘ Pharitvā ’’ tiT0.371 pharitvā adhimuccitvā .

646.‘‘ Viharatī ’’ ti iriyati vattati pāleti yapeti yāpeti carati viharati .

Tena vuccati ‘‘ viharatī ’’ ti .

647.‘‘ Tathā dutiyan ’’ ti yatheva ekaṃ disaṃ tathā dutiyaṃ disaṃ tathā tatiyaṃ disaṃ tathā catutthaṃ disaṃ tathā uddhaṃ tathā adho tathā tiriyaṃ tathā vidisaṃ .

648.‘‘ Sabbadhi sabbattatāya sabbāvantaṃ lokan ’’ ti sabbena sabbaṃ sabbathā sabbaṃ asesaṃ nissesaṃ .

Pariyādāyavacanametaṃ –

‘‘ sabbadhi sabbattatāya sabbāvantaṃ lokan ’’ ti .

649.‘‘ Mettāsahagatena cetasā ’’ ti tattha katamā mettā ?

Yā sattesu metti mettāyanā mettāyitattaṃ mettācetovimutti – ayaṃ vuccati ‘‘ mettā ’’.

Tattha katamaṃ cittaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ cittaṃ ’’.

Idaṃ cittaṃ imāya mettāya sahagataṃ hoti sahajātaṃ saṃsaṭṭhaṃ sampayuttaṃ .

Tena vuccati ‘‘ mettāsahagatena cetasā ’’ ti .

650.‘‘ Vipulenā ’’ tiV0.309 yaṃ vipulaṃ taṃ mahaggataṃ , yaṃ mahaggataṃ taṃ appamāṇaṃ , yaṃ appamāṇaṃ so avero , yo avero so abyāpajjo [ abyāpajjho ( sī . syā .)].

651.‘‘ Pharitvā ’’ ti pharitvā adhimuccitvā .

652.‘‘ Viharatī ’’ ti … pe … tena vuccati ‘‘ viharatī ’’ ti .

2. Karuṇā

653. KathañcaM0.286 bhikkhu karuṇāsahagatena cetasā ekaṃ disaṃ pharitvā viharati ?

Seyyathāpi nāma ekaṃ puggalaṃ duggataṃ durūpetaṃ disvā karuṇāyeyya , evameva sabbe satte karuṇāya pharati .

Tattha katamā karuṇā ?

Yā sattesu karuṇā karuṇāyanā karuṇāyitattaṃ karuṇācetovimutti – ayaṃ vuccati ‘‘ karuṇā ’’.

Tattha katamaṃT0.372 cittaṃ ?

YaṃP0.274 cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ cittaṃ ’’.

Idaṃ cittaṃ imāya karuṇāya sahagataṃ hoti sahajātaṃ saṃsaṭṭhaṃ sampayuttaṃ .

Tena vuccati ‘‘ karuṇāsahagatena cetasā ’’ ti .

654.‘‘ Ekaṃ disan ’’ ti puratthimaṃ vā disaṃ pacchimaṃ vā disaṃ uttaraṃ vā disaṃ dakkhiṇaṃ vā disaṃ uddhaṃ vā adho vā tiriyaṃ vā vidisaṃ vā .

655.‘‘ Pharitvā ’’ ti pharitvā adhimuccitvā .

656.‘‘ Viharatī ’’ ti iriyati vattati pāleti yapeti yāpeti carati viharati .

Tena vuccati ‘‘ viharatī ’’ ti .

657.‘‘ TathāV0.310 dutiyan ’’ ti yatheva ekaṃ disaṃ tathā dutiyaṃ disaṃ tathā tatiyaṃ disaṃ tathā catutthaṃ disaṃ tathā uddhaṃ tathā adho tathā tiriyaṃ tathā vidisaṃ .

658.‘‘ Sabbadhi sabbattatāya sabbāvantaṃ lokan ’’ ti sabbena sabbaṃ sabbathā sabbaṃ asesaṃ nissesaṃ .

Pariyādāyavacanametaṃ –

‘‘ sabbadhi sabbattatāya sabbāvantaṃ lokan ’’ ti .

659.‘‘ Karuṇāsahagatena cetasā ’’ ti tattha katamā karuṇā ?

Yā sattesu karuṇā karuṇāyanā karuṇāyitattaṃ karuṇācetovimutti – ayaṃ vuccati ‘‘ karuṇā ’’.

Tattha katamaṃ cittaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ cittaṃ ’’.

Idaṃ cittaṃ imāya karuṇāya sahagataṃ hoti sahajātaṃM0.287 saṃsaṭṭhaṃ sampayuttaṃ .

Tena vuccati ‘‘ karuṇāsahagatena cetasā ’’ ti .

660.‘‘ Vipulenā ’’ ti yaṃ vipulaṃ taṃ mahaggataṃ , yaṃ mahaggataṃ taṃ appamāṇaṃ , yaṃ appamāṇaṃ so avero , yo avero so abyāpajjo .

661.‘‘ Pharitvā ’’ ti pharitvā adhimuccitvā .

662.‘‘ Viharatī ’’ ti … pe … tena vuccatiT0.373 ‘‘ viharatī ’’ ti .

3. Muditā

663. Kathañca bhikkhu muditāsahagatena cetasā ekaṃ disaṃ pharitvā viharati ?

Seyyathāpi nāma ekaṃ puggalaṃ piyaṃ manāpaṃ disvā mudito assa , evameva sabbe satte muditāya pharati .

Tattha katamā muditā ?

Yā sattesu muditā muditāyanā muditāyitattaṃ muditācetovimutti – ayaṃ vuccati ‘‘ muditā ’’.

TatthaP0.275V0.311 katamaṃ cittaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ cittaṃ ’’.

Idaṃ cittaṃ imāya muditāya sahagataṃ hoti sahajātaṃ saṃsaṭṭhaṃ sampayuttaṃ .

Tena vuccati ‘‘ muditāsahagatena cetasā ’’ ti .

664.‘‘ Ekaṃ disan ’’ ti puratthimaṃ vā disaṃ pacchimaṃ vā disaṃ uttaraṃ vā disaṃ dakkhiṇaṃ vā disaṃ uddhaṃ vā adho vā tiriyaṃ vā vidisaṃ vā .

665.‘‘ Pharitvā ’’ ti pharitvā adhimuccitvā .

666.‘‘ Viharatī ’’ ti … pe … tena vuccati ‘‘ viharatī ’’ ti .

667.‘‘ Tathā dutiyan ’’ ti yatheva ekaṃ disaṃ tathā dutiyaṃ disaṃ tathā tatiyaṃ disaṃ tathā catutthaṃ disaṃ tathā uddhaṃ tathā adho tathā tiriyaṃ tathā vidisaṃ .

668.‘‘ SabbadhiM0.288 sabbattatāya sabbāvantaṃ lokan ’’ ti sabbena sabbaṃ sabbathā sabbaṃ asesaṃ nissesaṃ .

Pariyādāyavacanametaṃ –

‘‘ sabbadhi sabbattatāya sabbāvantaṃ lokan ’’ ti .

669.‘‘ Muditāsahagatena cetasā ’’ ti tattha katamā muditā ?

Yā sattesu muditā muditāyanā muditāyitattaṃ muditācetovimutti – ayaṃ vuccati ‘‘ muditā ’’.

Tattha katamaṃ cittaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃT0.374 vuccati ‘‘ cittaṃ ’’.

Idaṃ cittaṃ imāya muditāya sahagataṃ hoti sahajātaṃ saṃsaṭṭhaṃ sampayuttaṃ .

Tena vuccati ‘‘ muditāsahagatena cetasā ’’ ti .

670.‘‘ Vipulenā ’’ ti yaṃ vipulaṃ taṃ mahaggataṃ , yaṃ mahaggataṃ taṃ appamāṇaṃ , yaṃ appamāṇaṃ so avero , yo avero so abyāpajjo .

671.‘‘ Pharitvā ’’ ti pharitvā adhimuccitvā .

672.‘‘ Viharatī ’’ tiV0.312 … pe … tena vuccati ‘‘ viharatī ’’ ti .

4. Upekkhā

673. Kathañca bhikkhu upekkhāsahagatena cetasā ekaṃ disaṃ pharitvā viharati ?

Seyyathāpi nāma ekaṃ puggalaṃ neva manāpaṃ na amanāpaṃ disvā upekkhako assa , evameva sabbe satte upekkhāya pharati .

Tattha katamā upekkhā ?

YāP0.276 sattesu upekkhā upekkhāyanā upekkhāyitattaṃ upekkhācetovimutti – ayaṃ vuccati ‘‘ upekkhā ’’.

Tattha katamaṃ cittaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ cittaṃ ’’.

Idaṃ cittaṃ imāya upekkhāya sahagataṃ hoti sahajātaṃ saṃsaṭṭhaṃ sampayuttaṃ .

Tena vuccati ‘‘ upekkhāsahagatena cetasā ’’ ti .

674.‘‘ Ekaṃ disan ’’ ti puratthimaṃ vā disaṃ pacchimaṃ vā disaṃ uttaraṃ vā disaṃ dakkhiṇaṃ vā disaṃ uddhaṃ vā adho vā tiriyaṃ vā vidisaṃ vā .

675.‘‘ Pharitvā ’’ tiM0.289 pharitvā adhimuccitvā .

676.‘‘ Viharatī ’’ ti … pe … tena vuccati ‘‘ viharatī ’’ ti .

677.‘‘ Tathā dutiyan ’’ ti yatheva ekaṃ disaṃ tathā dutiyaṃ disaṃ tathā tatiyaṃ disaṃ tathā catutthaṃ disaṃ tathā uddhaṃ tathā adho tathā tiriyaṃ tathā vidisaṃ .

678.‘‘ Sabbadhi sabbattatāyaT0.375 sabbāvantaṃ lokan ’’ ti sabbena sabbaṃ sabbathā sabbaṃ asesaṃ nissesaṃ .

Pariyādāyavacanametaṃ –

‘‘ sabbadhi sabbattatāya sabbāvantaṃ lokan ’’ ti .

679.‘‘ UpekkhāsahagatenaV0.313 cetasā ’’ ti , tattha katamā upekkhā ?

Yā sattesu upekkhā upekkhāyanā upekkhāyitattaṃ upekkhācetovimutti – ayaṃ vuccati ‘‘ upekkhā ’’.

Tattha katamaṃ cittaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ cittaṃ ’’.

Idaṃ cittaṃ imāya upekkhāya sahagataṃ hoti sahajātaṃ saṃsaṭṭhaṃ sampayuttaṃ .

Tena vuccati ‘‘ upekkhāsahagatena cetasā ’’ ti .

680.‘‘ Vipulenā ’’ ti yaṃ vipulaṃ taṃ mahaggataṃ , yaṃ mahaggataṃ taṃ appamāṇaṃ , yaṃ appamāṇaṃ so avero , yo avero so abyāpajjo .

681.‘‘ Pharitvā ’’ ti pharitvā adhimuccitvā .

682.‘‘ Viharatī ’’ ti … pe … tena vuccati ‘‘ viharatī ’’ ti .

Suttantabhājanīyaṃ .

Issues

Select Version

Vibhaṅgapāḷi

Vibhaṅgapāḷi