2. Abhidhammabhājanīyaṃ

කතුවරයා： _System_Pali_VRI_ @ Administrator

2. Abhidhammabhājanīyaṃ

206. CattāriV0.121 saccāni – dukkhaṃ , dukkhasamudayo , dukkhanirodho , dukkhanirodhagāminī paṭipadā .

Tattha katamo dukkhasamudayo ?

Taṇhā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Avasesā ca kilesā , avasesā ca akusalā dhammā , tīṇi ca kusalamūlāni sāsavāni , avasesā ca sāsavā kusalā dhammā , sāsavā ca kusalākusalānaṃ dhammānaṃ vipākā , ye ca dhammā kiriyā neva kusalā nākusalā na ca kammavipākā , sabbañca rūpaṃ – idaṃ vuccati ‘‘ dukkhaṃ ’’.

Tattha katamo dukkhanirodho ?

Taṇhāya pahānaṃ – ayaṃ vuccati ‘‘ dukkhanirodho ’’.

Tattha katamā dukkhanirodhagāminī paṭipadā ?

Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā , vivicceva kāmehi … pe … paṭhamaṃT0.139 jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye aṭṭhaṅgiko maggo hoti sammādiṭṭhi … pe … sammāsamādhi .

Tattha katamā sammādiṭṭhi ?

Yā paññā pajānanā … pe … amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammādiṭṭhi ’’.

Tattha katamo sammāsaṅkappo ?

Yo takko vitakko … pe … sammāsaṅkappo maggaṅgaṃ maggapariyāpannaṃ – ayaṃ vuccati ‘‘ sammāsaṅkappo ’’.

TatthaM0.113 katamā sammāvācā ?

Yā catūhi vacīduccaritehi ārati virati paṭivirati veramaṇī [ veramaṇi ( ka .) evamuparipi ] akiriyā akaraṇaṃ anajjhāpatti velāanatikkamo setughāto sammāvācā maggaṅgaṃ maggapariyāpannaṃ – ayaṃ vuccati ‘‘ sammāvācā ’’.

TatthaV0.122 katamo sammākammanto ?

Yā tīhi kāyaduccaritehi ārati virati paṭivirati veramaṇī akiriyā akaraṇaṃ anajjhāpatti velāanatikkamo setughāto sammākammantoP0.107 maggaṅgaṃ maggapariyāpannaṃ – ayaṃ vuccati ‘‘ sammākammanto ’’.

Tattha katamo sammāājīvo ?

Yā micchā ājīvā ārati virati paṭivirati veramaṇī akiriyā akaraṇaṃ anajjhāpatti velāanatikkamo setughāto sammāājīvo maggaṅgaṃ maggapariyāpannaṃ – ayaṃ vuccatiT0.140 ‘‘ sammāājīvo ’’.

Tattha katamo sammāvāyāmo ?

Yo cetasiko vīriyārambho [ viriyārambho ( sī . syā .)]… pe … sammāvāyāmo vīriyasambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammāvāyāmo ’’.

Tattha katamā sammāsati ?

Yā sati anussati … pe … sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammāsati ’’.

Tattha katamo sammāsamādhi ?

Yā cittassa ṭhiti saṇṭhiti … pe … sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammāsamādhi ’’.

Ayaṃ vuccati ‘‘ dukkhanirodhagāminī paṭipadā ’’.

Avasesā dhammā dukkhanirodhagāminiyā paṭipadāya sampayuttā .

207. Tattha katamo dukkhasamudayo ?

Taṇhā ca avasesā ca kilesā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Avasesā ca akusalā dhammā , tīṇi ca kusalamūlāni sāsavāni , avasesā ca sāsavā kusalā dhammā , sāsavā ca kusalākusalānaṃ dhammānaṃ vipākā , ye ca dhammā kiriyā neva kusalā nākusalā na ca kammavipākā , sabbañca rūpaṃ – idaṃ vuccati ‘‘ dukkhaṃ ’’.

TatthaM0.114V0.123 katamo dukkhanirodho ?

Taṇhāya ca , avasesānañca kilesānaṃT0.141 pahānaṃ – ayaṃ vuccati ‘‘ dukkhanirodho ’’.

Tattha katamā dukkhanirodhagāminī paṭipadā ?

Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā , vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye aṭṭhaṅgiko maggo hoti – sammādiṭṭhi … pe … sammāsamādhi .

Ayaṃ vuccati –

‘‘ dukkhanirodhagāminī paṭipadā ’’.

AvasesāP0.108 dhammā dukkhanirodhagāminiyā paṭipadāya sampayuttā .

208. Tattha katamo dukkhasamudayo ?

Taṇhā ca avasesā ca kilesā , avasesā ca akusalā dhammā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Tīṇi ca kusalamūlāni sāsavāni , avasesā ca sāsavā kusalā dhammā , sāsavā ca kusalākusalānaṃ dhammānaṃ vipākā , ye ca dhammā kiriyā neva kusalā nākusalā na ca kammavipākā , sabbañca rūpaṃ – idaṃ vuccati ‘‘ dukkhaṃ ’’.

Tattha katamo dukkhanirodho ?

Taṇhāya ca , avasesānañca kilesānaṃ , avasesānañca akusalānaṃ dhammānaṃ pahānaṃ – ayaṃ vuccati ‘‘ dukkhanirodho ’’.

Tattha katamā dukkhanirodhagāminī paṭipadā ?

Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃT0.142 jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye aṭṭhaṅgiko maggo hoti – sammādiṭṭhi … pe … sammāsamādhi .

Ayaṃ vuccati ‘‘ dukkhanirodhagāminī paṭipadā ’’.

Avasesā dhammā dukkhanirodhagāminiyā paṭipadāya sampayuttā .

209. TatthaV0.124 katamo dukkhasamudayo ?

Taṇhā ca avasesā ca kilesā , avasesā ca akusalā dhammā , tīṇi ca kusalamūlāni sāsavāni – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Avasesā ca sāsavā kusalā dhammā , sāsavā ca kusalākusalānaṃ dhammānaṃ vipākā , ye ca dhammā kiriyā neva kusalā nākusalā na ca kammavipākā , sabbañca rūpaṃ – idaṃ vuccati ‘‘ dukkhaṃ ’’.

TatthaM0.115P0.109 katamo dukkhanirodho ?

Taṇhāya ca , avasesānañca kilesānaṃ , avasesānañca akusalānaṃ dhammānaṃ , tiṇṇañca kusalamūlānaṃ sāsavānaṃ pahānaṃ – ayaṃ vuccati ‘‘ dukkhanirodho ’’.

Tattha katamā dukkhanirodhagāminī paṭipadā ?

Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye aṭṭhaṅgiko maggo hoti – sammādiṭṭhi … pe … sammāsamādhi .

Ayaṃ vuccati ‘‘ dukkhanirodhagāminī paṭipadā ’’.

Avasesā dhammā dukkhanirodhagāminiyā paṭipadāyaT0.143 sampayuttā .

210. Tattha katamo dukkhasamudayo ?

Taṇhā ca , avasesā ca kilesā , avasesā ca akusalā dhammā , tīṇi ca kusalamūlāni sāsavāni , avasesā ca sāsavā kusalā dhammā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Sāsavā kusalākusalānaṃ dhammānaṃ vipākā , ye ca dhammā kiriyā neva kusalā nākusalā na ca kammavipākā , sabbañca rūpaṃ – idaṃ vuccati ‘‘ dukkhaṃ ’’.

Tattha katamo dukkhanirodho ?

Taṇhāya ca , avasesānañca kilesānaṃ , avasesānañca akusalānaṃ dhammānaṃ , tiṇṇañca kusalamūlānaṃ sāsavānaṃ , avasesānañca sāsavānaṃ kusalānaṃ dhammānaṃ pahānaṃ – ayaṃ vuccati ‘‘ dukkhanirodho ’’.

TatthaV0.125 katamā dukkhanirodhagāminī paṭipadā ?

Ayaṃ vuccati ‘‘ dukkhanirodhagāminī paṭipadā ’’.

Avasesā dhammā dukkhanirodhagāminiyā paṭipadāya sampayuttā .

211. CattāriP0.110 saccāni – dukkhaṃ , dukkhasamudayo , dukkhanirodho , dukkhanirodhagāminī paṭipadā .

TatthaT0.144M0.116 katamo dukkhasamudayo ?

Taṇhā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Tattha katamo dukkhanirodho ?

Taṇhāya pahānaṃ – ayaṃ vuccati ‘‘ dukkhanirodho ’’.

Tattha katamā dukkhanirodhagāminī paṭipadā ?

Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā , vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye pañcaṅgiko maggo hoti – sammādiṭṭhi , sammāsaṅkappo , sammāvāyāmo , sammāsati , sammāsamādhi .

Tattha katamā sammādiṭṭhi ?

Yā paññā pajānanā … pe … amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammādiṭṭhi ’’.

Tattha katamo sammāsaṅkappo ?

Yo takko vitakko … pe … sammāsaṅkappo maggaṅgaṃ maggapariyāpannaṃ – ayaṃ vuccati ‘‘ sammāsaṅkappo ’’.

TatthaT0.145V0.126 katamo sammāvāyāmo ?

Yo cetasiko vīriyārambho … pe … sammāvāyāmo vīriyasambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammāvāyāmo ’’.

Tattha katamā sammāsati ?

Yā sati anussati … pe … sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammāsati ’’.

Tattha katamo sammāsamādhi ?

Yā cittassa ṭhiti … pe … sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ vuccati ‘‘ sammāsamādhi ’’.

Ayaṃ vuccati ‘‘ dukkhanirodhagāminī paṭipadā ’’.

Avasesā dhammā dukkhanirodhagāminiyā paṭipadāya sampayuttā .

212. TatthaP0.111 katamo dukkhasamudayo ?

Taṇhā ca , avasesā ca kilesā , avasesā ca akusalā dhammā , tīṇi ca kusalamūlāni sāsavāniM0.117 , avasesā ca sāsavā kusalā dhammā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Sāsavā kusalākusalānaṃ dhammānaṃ vipākā , ye ca dhammā kiriyā neva kusalā nākusalā na ca kammavipākā , sabbañca rūpaṃ – idaṃ vuccati ‘‘ dukkhaṃ ’’.

Tattha katamo dukkhanirodho ?

Tattha katamā dukkhanirodhagāminī paṭipadā ?

Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā , vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye pañcaṅgiko maggo hoti – sammādiṭṭhi , sammāsaṅkappo , sammāvāyāmo , sammāsati , sammāsamādhi .

Ayaṃ vuccati ‘‘ dukkhanirodhagāminī paṭipadā ’’.

Avasesā dhammā dukkhanirodhagāminiyā paṭipadāya sampayuttā .

213. CattāriV0.127 saccāni – dukkhaṃ , dukkhasamudayo , dukkhanirodho , dukkhanirodhagāminī paṭipadā .

Tattha katamo dukkhasamudayo ?

Taṇhā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Tattha katamo dukkhanirodho ?

Taṇhāya pahānaṃ – ayaṃ vuccati ‘‘ dukkhanirodho ’’.

Tattha katamā dukkhanirodhagāminī paṭipadā ?

Idha bhikkhu yasmiṃT0.147 samaye lokuttaraṃ jhānaṃ bhāveti niyyānikaṃP0.112 apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajjaM0.118 viharati dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti .

Ayaṃ vuccati ‘‘ dukkhanirodhagāminī paṭipadā ’’.

214. Tattha katamo dukkhasamudayo ?

Taṇhā ca , avasesā ca kilesā , avasesā ca akusalā dhammā , tīṇi ca kusalamūlāni sāsavāni , avasesā ca sāsavā kusalā dhammā – ayaṃ vuccati ‘‘ dukkhasamudayo ’’.

Tattha katamaṃ dukkhaṃ ?

Sāsavā kusalākusalānaṃ dhammānaṃ vipākā , ye ca dhammā kiriyā neva kusalā nākusalā na ca kammavipākā , sabbañca rūpaṃ – idaṃ vuccati ‘‘ dukkhaṃ ’’.

Tattha katamo dukkhanirodho ?

TatthaV0.128 katamā dukkhanirodhagāminī paṭipadā ?

Ayaṃ vuccati ‘‘ dukkhanirodhagāminīT0.148 paṭipadā ’’.

Abhidhammabhājanīyaṃ .

Issues

අනුවාදය තෝරන්න

Vibhaṅgapāḷi

Vibhaṅgapāḷi