6. Uppādakakammaāyuppamāṇavāro
1. Uppādakakammaṃ
1021. Devāti
M0.437P0.422 .Tayo devā – sammutidevā [ sammatidevā ( syā .)], upapattidevā , visuddhidevā .
Sammutidevā nāma – rājāno , deviyo , kumārā .
Upapattidevā
V0.495 nāma – cātumahārājike [ cātummahārājike ( sī . syā .)] deve upādāya tadupari devā .Visuddhidevā nāma – arahanto vuccanti .
Dānaṃ datvā , sīlaṃ samādiyitvā , uposathakammaṃ katvā kattha upapajjanti ?
Dānaṃ datvā , sīlaṃ samādiyitvā , uposathakammaṃ katvā appekacce khattiyamahāsālānaṃ sahabyataṃ upapajjanti , appekacce brāhmaṇamahāsālānaṃ
T0.568 sahabyataṃ upapajjanti , appekacce gahapatimahāsālānaṃ sahabyataṃ upapajjanti , appekacce cātumahārājikānaṃ devānaṃ sahabyataṃ upapajjanti , appekacce tāvatiṃsānaṃ devānaṃ sahabyataṃ upapajjanti , appekacce yāmānaṃ devānaṃ sahabyataṃ upapajjanti , appekacce tusitānaṃ devānaṃ sahabyataṃ upapajjanti , appekacce nimmānaratīnaṃ devānaṃ sahabyataṃ upapajjanti , appekacce paranimmitavasavattīnaṃ devānaṃ sahabyataṃ upapajjanti .2. Āyuppamāṇaṃ
1022. Manussānaṃ kittakaṃ āyuppamāṇaṃ ?
Vassasataṃ , appaṃ vā bhiyyo [ appaṃ vā bhiyyo vā ( syā . ka .) dī . ni .2.7].
1023. Cātumahārājikānaṃ devānaṃ kittakaṃ āyuppamāṇaṃ ?
Yāni mānusakāni paññāsa vassāni , cātummahārājikānaṃ devānaṃ eso eko rattindivo [ rattidivo ( ka .) a . ni .3.71].
Tāya rattiyā tiṃsa rattiyo māso .
Tena māsena dvādasamāsiyo saṃvaccharo .
Tena saṃvaccharena dibbāni pañca vassasatāni cātummahārājikānaṃ devānaṃ āyuppamāṇaṃ .
Manussānaṃ gaṇanāya kittakaṃ hoti ?
Navuti vassasatasahassāni .
Tāvatiṃsānaṃ
M0.438 devānaṃ kittakaṃ āyuppamāṇaṃ ?Yaṃ mānusakaṃ vassasataṃ , tāvatiṃsānaṃ devānaṃ eso eko rattindivo .
Tāya rattiyā tiṃsa rattiyo māso .
Tena māsena dvādasamāsiyo saṃvaccharo .
Tena saṃvaccharena dibbaṃ vassasahassaṃ tāvatiṃsānaṃ devānaṃ āyuppamāṇaṃ .
Manussānaṃ gaṇanāya kittakaṃ hoti ?
Tisso ca vassakoṭiyo saṭṭhi ca vassasatasahassāni .
Yāmānaṃ
V0.496 devānaṃ kittakaṃ āyuppamāṇaṃ ?Yāni mānusakāni dve vassasatāni , yāmānaṃ devānaṃ eso eko
P0.423 rattindivo .Tāya rattiyā tiṃsarattiyo māso
T0.569 .Tena māsena dvādasamāsiyo saṃvaccharo .
Tena saṃvaccharena dibbāni dve vassasahassāni yāmānaṃ devānaṃ āyuppamāṇaṃ .
Manussānaṃ gaṇanāya kittakaṃ hoti ?
Cuddasañca vassakoṭiyo cattārīsañca vassasatasahassāni .
Tusitānaṃ devānaṃ kittakaṃ āyuppamāṇaṃ ?
Yāni mānusakāni cattāri vassasatāni , tusitānaṃ devānaṃ eso eko rattindivo .
Tāya rattiyā tiṃsarattiyo māso .
Tena māsena dvādasamāsiyo saṃvaccharo .
Tena saṃvaccharena dibbāni cattāri vassasahassāni tusitānaṃ devānaṃ āyuppamāṇaṃ .
Manussānaṃ gaṇanāya kittakaṃ hoti ?
Sattapaññāsa vassakoṭiyo saṭṭhi ca vassasatasahassāni .
Nimmānaratīnaṃ devānaṃ kittakaṃ āyuppamāṇaṃ ?
Yāni mānusakāni aṭṭha vassasatāni , nimmānaratīnaṃ devānaṃ eso eko rattindivo .
Tāya rattiyā tiṃsarattiyo māso .
Tena māsena dvādasamāsiyo saṃvaccharo .
Tena saṃvaccharena dibbāni aṭṭha vassasahassāni nimmānaratīnaṃ devānaṃ āyuppamāṇaṃ .
Manussānaṃ gaṇanāya kittakaṃ hoti ?
Dve vassakoṭisatāni tiṃsañca vassakoṭiyo cattārīsañca vassasatasahassāni .
Paranimmitavasavattīnaṃ devānaṃ kittakaṃ āyuppamāṇaṃ ?
Yāni mānusakāni soḷasa vassasatāni , paranimmitavasavattīnaṃ devānaṃ eso eko rattindivo .
Tāya rattiyā tiṃsarattiyo māso .
Tena māsena dvādasamāsiyo saṃvaccharo .
Tena saṃvaccharena dibbāni soḷasa vassasahassāni paranimmitavasavattīnaṃ devānaṃ āyuppamāṇaṃ .
Manussānaṃ gaṇanāya kittakaṃ
T0.570M0.439 hoti ?Nava ca vassakoṭisatāni ekavīsañca vassakoṭiyo saṭṭhi ca vassasatasahassānīti .
Cha ete [ chapi te ( syā .)] kāmāvacarā , sabbakāmasamiddhino ;
Sabbesaṃ ekasaṅkhāto , āyu bhavati kittako .
Dvādasa
V0.497 koṭisataṃ tesaṃ , aṭṭhavīsañca koṭiyo ;Paññāsa satasahassāni , vassaggena pakāsitāti .
1024. Paṭhamaṃ
P0.424 jhānaṃ parittaṃ bhāvetvā kattha upapajjanti ?Paṭhamaṃ jhānaṃ parittaṃ bhāvetvā brahmapārisajjānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Kappassa tatiyo bhāgo .
Paṭhamaṃ jhānaṃ majjhimaṃ bhāvetvā kattha upapajjanti ?
Paṭhamaṃ jhānaṃ majjhimaṃ bhāvetvā brahmapurohitānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Upaḍḍhakappo .
Paṭhamaṃ jhānaṃ paṇītaṃ bhāvetvā kattha upapajjanti ?
Paṭhamaṃ jhānaṃ paṇītaṃ bhāvetvā mahābrahmānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Kappo [ eko kappo ( syā .)].
1025. Dutiyaṃ jhānaṃ parittaṃ bhāvetvā kattha upapajjanti ?
Dutiyaṃ jhānaṃ parittaṃ bhāvetvā parittābhānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Dve kappā .
Dutiyaṃ jhānaṃ majjhimaṃ bhāvetvā kattha upapajjanti ?
Dutiyaṃ jhānaṃ majjhimaṃ bhāvetvā appamāṇābhānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Cattāro kappā .
Dutiyaṃ jhānaṃ paṇītaṃ
T0.571 bhāvetvā kattha upapajjanti ?Dutiyaṃ jhānaṃ paṇītaṃ bhāvetvā ābhassarānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Aṭṭha kappā .
1026. Tatiyaṃ jhānaṃ parittaṃ bhāvetvā kattha upapajjanti ?
Tatiyaṃ jhānaṃ parittaṃ bhāvetvā parittasubhānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Soḷasa kappā .
Tatiyaṃ
M0.440 jhānaṃ majjhimaṃ bhāvetvā kattha upapajjanti ?Tatiyaṃ jhānaṃ majjhimaṃ bhāvetvā appamāṇasubhānaṃ
V0.498 devānaṃ sahabyataṃ upapajjanti .Tesaṃ
P0.425 kittakaṃ āyuppamāṇaṃ ?Bāttiṃsa kappā .
Tatiyaṃ jhānaṃ paṇītaṃ bhāvetvā kattha upapajjanti ?
Tatiyaṃ jhānaṃ paṇītaṃ bhāvetvā subhakiṇhānaṃ devānaṃ sahabyataṃ upapajjanti .
Tesaṃ kittakaṃ āyuppamāṇaṃ ?
Catusaṭṭhi kappā .
1027. Catutthaṃ jhānaṃ bhāvetvā ārammaṇanānattatā manasikāranānattatā chandanānattatā paṇidhinānattatā adhimokkhanānattatā abhinīhāranānattatā paññānānattatā appekacce asaññasattānaṃ devānaṃ sahabyataṃ upapajjanti , appekacce vehapphalānaṃ devānaṃ sahabyataṃ upapajjanti , appekacce avihānaṃ devānaṃ sahabyataṃ upapajjanti , appekacce atappānaṃ devānaṃ sahabyataṃ upapajjanti , appekacce sudassānaṃ devānaṃ sahabyataṃ upapajjanti , appekacce sudassīnaṃ devānaṃ sahabyataṃ upapajjanti , appekacce akaniṭṭhānaṃ devānaṃ sahabyataṃ upapajjanti , appekacce ākāsānañcāyatanūpagānaṃ devānaṃ sahabyataṃ upapajjanti , appekacce viññāṇañcāyatanūpagānaṃ devānaṃ sahabyataṃ
T0.572 upapajjanti , appekacce ākiñcaññāyatanūpagānaṃ devānaṃ sahabyataṃ upapajjanti , appekacce nevasaññānāsaññāyatanūpagānaṃ devānaṃ sahabyataṃ upapajjanti .Asaññasattānañca vehapphalānañca devānaṃ kittakaṃ āyuppamāṇaṃ ?
Pañcakappasatāni .
Avihānaṃ devānaṃ kittakaṃ āyuppamāṇaṃ ?
Kappasahassaṃ .
Atappānaṃ devānaṃ kittakaṃ āyuppamāṇaṃ ?
Dve kappasahassāni .
Sudassānaṃ devānaṃ kittakaṃ āyuppamāṇaṃ ?
Cattāri kappasahassāni .
Sudassīnaṃ devānaṃ kittakaṃ āyuppamāṇaṃ ?
Aṭṭha kappasahassāni .
Akaniṭṭhānaṃ devānaṃ kittakaṃ āyuppamāṇaṃ ?
Soḷasa kappasahassāni .
1028. Ākāsānañcāyatanūpagānaṃ devānaṃ kittakaṃ āyuppamāṇaṃ ?
Vīsati kappasahassāni .
Viññāṇañcāyatanūpagānaṃ
M0.441V0.499 devānaṃ kittakaṃ āyuppamāṇaṃ ?Cattārīsa kappasahassāni .
Ākiñcaññāyatanūpagānaṃ
P0.426 devānaṃ kittakaṃ āyuppamāṇaṃ ?Saṭṭhi kappasahassāni .
Nevasaññānāsaññāyatanūpagānaṃ devānaṃ kittakaṃ āyuppamāṇaṃ ?
Caturāsīti kappasahassānīti .
1029. Ukkhittā puññatejena , kāmarūpagatiṃ gatā .
Bhavaggatampi [ bhavaggaṃ vāpi ( syā .)] sampattā , punāgacchanti [ puna gacchanti ( syā .)] duggatiṃ .
Tāva dīghāyukā sattā , cavanti āyusaṅkhayā ;
Natthi koci bhavo nicco , iti vuttaṃ mahesinā .
Tasmā hi dhīrā nipakā , nipuṇā atthacintakā ;
Jarāmaraṇamokkhāya , bhāventi maggamuttamaṃ .
Bhāvayitvā
T0.573 suciṃ maggaṃ , nibbānogadhagāminaṃ ;Sabbāsave pariññāya , parinibbanti anāsavāti .