9. Navakaniddeso
(1) Nava āghātavatthūni
960. Tattha katamāni nava āghātavatthūni ?
‘‘ Anatthaṃ me acarī ’’ ti āghāto jāyati
V0.457 ;‘‘ anatthaṃ me caratī ’’ ti āghāto jāyati ;
‘‘ anatthaṃ
M0.404 me carissatī ’’ ti āghāto jāyati ;‘‘ piyassa me manāpassa anatthaṃ acari ’’… pe … anatthaṃ carati … pe … anatthaṃ carissatīti āghāto jāyati ;
appiyassa me amanāpassa atthaṃ acari … pe … atthaṃ carati … pe … atthaṃ carissatīti āghāto jāyati .
Imāni nava āghātavatthūni .
(2) Nava purisamalāni
961. Tattha katamāni nava purisamalāni ?
Kodho , makkho , issā , macchariyaṃ , māyā , sāṭheyyaṃ , musāvādo , pāpicchatā , micchādiṭṭhi – imāni nava purisamalāni .
(3) Navavidhā mānā
962. Tattha
T0.527 katame navavidhā mānā ?‘‘ Seyyassa seyyohamasmī ’’ ti māno ,‘‘ seyyassa
P0.390 sadisohamasmī ’’ ti māno ,‘‘ seyyassa hīnohamasmī ’’ ti māno ,‘‘ sadisassa seyyohamasmī ’’ ti māno ,‘‘ sadisassa sadisohamasmī ’’ ti māno ,‘‘ sadisassa hīnohamasmī ’’ ti māno ,‘‘ hīnassa seyyohamasmī ’’ ti māno ,‘‘ hīnassa sadisohamasmī ’’ ti māno ,‘‘ hīnassa hīnohamasmī ’’ ti māno – ime navavidhā mānā .(4) Nava taṇhāmūlakā dhammā
963. Tattha katame nava taṇhāmūlakā dhammā ?
Taṇhaṃ paṭicca pariyesanā , pariyesanaṃ paṭicca lābho , lābhaṃ paṭicca vinicchayo , vinicchayaṃ paṭicca chandarāgo , chandarāgaṃ paṭicca ajjhosānaṃ , ajjhosānaṃ paṭicca pariggaho , pariggahaṃ paṭicca macchariyaṃ , macchariyaṃ paṭicca ārakkho , ārakkhādhikaraṇaṃ daṇḍādāna-satthādāna-kalaha-viggahavivāda-tuvaṃtuvaṃ-pesuñña-musāvādā aneke pāpakā akusalā dhammā sambhavanti – ime nava taṇhāmūlakā dhammā .
(5) Nava iñjitāni
964. Tattha katamāni nava iñjitāni ?
‘‘ Asmī ’’ ti iñjitametaṃ ,‘‘ ahamasmī ’’ ti iñjitametaṃ
V0.458 ,‘‘ ayamahamasmī ’’ ti iñjitametaṃ ‘‘ bhavissan ’’ ti iñjitametaṃ ,‘‘ rūpī bhavissan ’’ ti iñjitametaṃ ,‘‘ arūpī bhavissan ’’ ti iñjitametaṃ ,‘‘ saññī bhavissan ’’ ti iñjitametaṃ ,‘‘ asaññī bhavissan ’’ ti iñjitametaṃ ,‘‘ nevasaññīnāsaññī bhavissan ’’ ti iñjitametaṃ – imāni nava iñjitāni .(6-9) Nava maññitādīni
965. Tattha katamāni nava maññitāni … nava phanditāni … nava papañcitāni … nava saṅkhatāni ?
‘‘ Asmī ’’ ti saṅkhatametaṃ ,‘‘ ahamasmī ’’ ti saṅkhatametaṃ
T0.528 ,‘‘ ayamahamasmī ’’ ti saṅkhatametaṃ ,‘‘ bhavissan ’’ tiP0.391 saṅkhatametaṃ ,‘‘ rūpī bhavissan ’’ ti saṅkhatametaṃ ,‘‘ arūpī bhavissan ’’ ti saṅkhatametaṃ ,‘‘ saññī bhavissan ’’ ti saṅkhatametaṃM0.405 ,‘‘ asaññī bhavissan ’’ ti saṅkhatametaṃ ,‘‘ nevasaññīnāsaññī bhavissan ’’ ti saṅkhatametaṃ – imāni nava saṅkhatāni .Navakaṃ .