(7) Aṭṭha asaññīvādā
958. Tattha katame aṭṭha asaññīvādā ?
‘‘ Rūpī attā hoti arogo paraṃ maraṇā ’’ ti – asaññīti naṃ paññapenti ;
arūpī attā … pe … rūpī ca arūpī ca … pe … nevarūpīnārūpī … pe …‘‘ antavā attā hoti arogo paraṃ maraṇā ’’ ti – asaññīti naṃ paññapenti ;
‘‘ anantavā attā hoti arogo paraṃ maraṇā ’’ ti – asaññīti naṃ paññapenti ;
‘‘ antavā
P0.389 ca anantavā ca attā hoti arogo paraṃ maraṇā ’’ ti – asaññīti naṃ paññapenti ;‘‘ nevantavā nānantavā attā hoti arogo paraṃ maraṇā ’’ ti – asaññīti naṃ paññapenti .
Ime aṭṭha asaññīvādā .