13. Kusalamūlakavipākaniddeso
343. Katame dhammā abyākatā ?
Yasmiṃ samaye kāmāvacarassa kusalassa
T0.250 kammassa katattā upacitattā vipākaṃ cakkhuviññāṇaṃ uppannaṃ hoti upekkhāsahagataṃ rūpārammaṇaṃ , tasmiṃ samayeV0.211 kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā bhavo , bhavapaccayā jāti , jātipaccayā jarāmaraṇaṃ .Evametassa kevalassa dukkhakkhandhassa samudayo hoti .
344. Tattha katamo kusalamūlapaccayā saṅkhāro ?
Yā cetanā sañcetanā sañcetayitattaṃ – ayaṃ vuccati ‘‘ kusalamūlapaccayā saṅkhāro ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .
345. Katame dhammā abyākatā ?
Yasmiṃ samaye kāmāvacarassa kusalassa kammassa katattā upacitattā vipākaṃ sotaviññāṇaṃ uppannaṃ hoti upekkhāsahagataṃ saddārammaṇaṃ … pe … ghānaviññāṇaṃ uppannaṃ hoti upekkhāsahagataṃ gandhārammaṇaṃ … pe … jivhāviññāṇaṃ uppannaṃ hoti upekkhāsahagataṃ rasārammaṇaṃ … pe … kāyaviññāṇaṃ uppannaṃ hoti sukhasahagataṃ phoṭṭhabbārammaṇaṃ … pe … manodhātu uppannā hoti upekkhāsahagatā rūpārammaṇā vā … pe … phoṭṭhabbārammaṇā vā … pe … manoviññāṇadhātu uppannā hoti somanassasahagatā rūpārammaṇā vā … pe … dhammārammaṇā vā … pe … manoviññāṇadhātu uppannā hoti upekkhāsahagatā
T0.251 rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye kusalamūlapaccayā saṅkhāroM0.195 , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanāP0.188 , vedanāpaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .Evametassa kevalassa dukkhakkhandhassa samudayo hoti .
346. Katame dhammā abyākatā ?
Yasmiṃ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā … pe … somanassasahagatā ñāṇasampayuttā sasaṅkhārena … pe … somanassasahagatā ñāṇavippayuttā … pe … somanassasahagatā ñāṇavippayuttā sasaṅkhārena … pe … upekkhāsahagatā ñāṇasampayuttā … pe … upekkhāsahagatā ñāṇasampayuttā sasaṅkhārena … pe … upekkhāsahagatā ñāṇavippayuttā … pe … upekkhāsahagatā ñāṇavippayuttā sasaṅkhārena rūpārammaṇā vā … pe … dhammārammaṇā
V0.212 vā yaṃ yaṃ vā panārabbha , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .Evametassa kevalassa dukkhakkhandhassa samudayo hoti .
347. Katame
T0.252 dhammā abyākatā ?Yasmiṃ samaye rūpūpapattiyā maggaṃ bhāveti vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye phasso hoti … pe … avikkhepo hoti – ime dhammā kusalā .
Tasseva rūpāvacarassa kusalassa kammassa katattā upacitattā vipākaṃ vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ
P0.189 .Evametassa kevalassa dukkhakkhandhassa samudayo hoti .
348. Katame
M0.196 dhammā abyākatā ?Yasmiṃ samaye arūpūpapattiyā maggaṃ bhāveti sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye phasso hoti … pe … avikkhepo hoti – ime dhammā kusalā .
Tasseva arūpāvacarassa kusalassa kammassa katattā upacitattā vipākaṃ sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ
T0.253 , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavoV0.213 , bhavapaccayā jāti , jātipaccayā jarāmaraṇaṃ .Evametassa kevalassa dukkhakkhandhassa samudayo hoti .
349. Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti – ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .
Evametesaṃ dhammānaṃ samudayo hoti .
Kusalamūlakavipākaniddeso .