Issues
Editor
Settings
Versions
Select Version
PTS
English
Vibhaṅgapāḷi
Vibhaṅgapāḷi

2. Hetucatukkaṃ

Author： _System_Pali_VRI_ @ Administrator

2. Hetucatukkaṃ

244. AvijjāpaccayāV0.158 saṅkhāro avijjāhetuko , saṅkhārapaccayā viññāṇaṃ saṅkhārahetukaṃ , viññāṇapaccayā nāmaṃ viññāṇahetukaṃ , nāmapaccayā chaṭṭhāyatanaṃ nāmahetukaṃ , chaṭṭhāyatanapaccayā phasso chaṭṭhāyatanahetuko , phassapaccayā vedanā phassahetukā , vedanāpaccayā taṇhā vedanāhetukā , taṇhāpaccayā upādānaṃ taṇhāhetukaṃ ;
upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
Avijjāpaccayā saṅkhāro avijjāhetuko , saṅkhārapaccayā viññāṇaṃ saṅkhārahetukaṃ , viññāṇapaccayā nāmaṃ viññāṇahetukaṃ , nāmapaccayā phasso nāmahetuko , phassapaccayā vedanā phassahetukā , vedanāpaccayā taṇhā vedanāhetukā , taṇhāpaccayā upādānaṃ taṇhāhetukaṃ ;
upādānapaccayāT0.188 bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
Avijjāpaccayā saṅkhāro avijjāhetuko , saṅkhārapaccayā viññāṇaṃ saṅkhārahetukaṃ , viññāṇapaccayā nāmarūpaṃ viññāṇahetukaṃP0.140 , nāmarūpapaccayā chaṭṭhāyatanaṃM0.147 nāmarūpahetukaṃ , chaṭṭhāyatanapaccayā phasso chaṭṭhāyatanahetuko , phassapaccayā vedanā phassahetukā , vedanāpaccayā taṇhā vedanāhetukā , taṇhāpaccayā upādānaṃ taṇhāhetukaṃ ;
upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
Avijjāpaccayā saṅkhāro avijjāhetuko , saṅkhārapaccayā viññāṇaṃ saṅkhārahetukaṃ , viññāṇapaccayā nāmarūpaṃ viññāṇahetukaṃ , nāmarūpapaccayā saḷāyatanaṃ nāmarūpahetukaṃ , chaṭṭhāyatanapaccayā phasso chaṭṭhāyatanahetuko , phassapaccayā vedanā phassahetukā , vedanāpaccayā taṇhā vedanāhetukā , taṇhāpaccayā upādānaṃ taṇhāhetukaṃ ;
upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
Hetucatukkaṃ .