11. Abyākataniddeso

306. KatameT0.232V0.197 dhammā abyākatā ?

Yasmiṃ samaye kāmāvacarassa kusalassa kammassa katattā upacitattā vipākaṃ cakkhuviññāṇaṃ uppannaṃ hoti upekkhāsahagataṃ rūpārammaṇaṃ , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

307. Tattha katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’.

Tattha katamaṃ saṅkhārapaccayā viññāṇaṃ ?

Yaṃ cittaṃ mano mānasaṃ … pe … tajjācakkhuviññāṇadhātu – idaṃ vuccati ‘‘ saṅkhārapaccayā viññāṇaṃ ’’.

Tattha katamaṃ viññāṇapaccayā nāmaṃ ?

VedanākkhandhoP0.174 , saññākkhandho , saṅkhārakkhandho – idaṃ vuccati ‘‘ viññāṇapaccayā nāmaṃ ’’.

Tattha katamaṃ nāmapaccayā chaṭṭhāyatanaṃ ?

Yaṃ cittaṃ mano mānasaṃ … pe … tajjācakkhuviññāṇadhātu – idaṃ vuccati ‘‘ nāmapaccayā chaṭṭhāyatanaṃ ’’.

Tattha katamo chaṭṭhāyatanapaccayā phasso ?

Yo phasso phusanā samphusanā samphusitattaṃ – ayaṃ vuccati ‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

Yaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ vuccati ‘‘ phassapaccayā vedanā ’’.

TatthaM0.182 katamo vedanāpaccayā bhavo ?

Ṭhapetvā vedanaṃ , saññākkhandhoT0.233 saṅkhārakkhandho viññāṇakkhandhoV0.198 – ayaṃ vuccati ‘‘ vedanāpaccayā bhavo ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

308. Tasmiṃ samaye saṅkhārapaccayā viññāṇaṃ saṅkhārahetukaṃ , viññāṇapaccayā nāmaṃ viññāṇahetukaṃ , nāmapaccayā chaṭṭhāyatanaṃ nāmahetukaṃ , chaṭṭhāyatanapaccayā phasso chaṭṭhāyatanahetuko , phassapaccayā vedanā phassahetukā , vedanāpaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

309. Tasmiṃ samaye saṅkhārapaccayā viññāṇaṃ saṅkhārasampayuttaṃ , viññāṇapaccayā nāmaṃ viññāṇasampayuttaṃ , nāmapaccayā chaṭṭhāyatanaṃ nāmasampayuttaṃ , chaṭṭhāyatanapaccayā phasso chaṭṭhāyatanasampayutto , phassapaccayā vedanā phassasampayuttā , vedanāpaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

310. Tasmiṃ samaye saṅkhārapaccayā viññāṇaṃ , viññāṇapaccayāpi saṅkhāro ;

viññāṇapaccayā nāmaṃ , nāmapaccayāpiP0.175 viññāṇaṃ ;

nāmapaccayā chaṭṭhāyatanaṃ , chaṭṭhāyatanapaccayāpi nāmaṃ ;

chaṭṭhāyatanapaccayā phasso , phassapaccayāpi chaṭṭhāyatanaṃ ;

phassapaccayā vedanā , vedanāpaccayāpi phasso ;

vedanāpaccayā bhavo , bhavapaccayā jāti , jātipaccayāT0.234 jarāmaraṇaṃ .

Evametassa kevalassa dukkhakkhandhassa samudayo hoti .

311. Katame dhammā abyākatā ?

Yasmiṃ samaye kāmāvacarassa kusalassa kammassa katattā upacitattā vipākaṃ sotaviññāṇaṃ uppannaṃ hoti upekkhāsahagataṃ saddārammaṇaṃ … pe … ghānaviññāṇaṃ uppannaṃ hoti upekkhāsahagataṃ gandhārammaṇaṃ … pe … jivhāviññāṇaṃ uppannaṃ hoti upekkhāsahagataṃ rasārammaṇaṃ … pe … kāyaviññāṇaṃ uppannaṃ hoti sukhasahagataṃ phoṭṭhabbārammaṇaṃ , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

312. TatthaM0.183V0.199 katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’… pe … ayaṃ vuccati ‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

Yaṃ kāyikaṃ sātaṃ kāyikaṃ sukhaṃ kāyasamphassajaṃ sātaṃ sukhaṃ vedayitaṃ kāyasamphassajā sātā sukhā vedanā – ayaṃ vuccati ‘‘ phassapaccayā vedanā ’’.

Tattha katamo vedanāpaccayā bhavo ?

Ṭhapetvā vedanaṃ , saññākkhandho saṅkhārakkhandho viññāṇakkhandho – ayaṃ vuccati ‘‘ vedanāpaccayā bhavo ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

313. KatameT0.235 dhammā abyākatā ?

Yasmiṃ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā yaṃ yaṃ vā panārabbha , tasmiṃ samaye saṅkhārapaccayāP0.176 viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

314. Tattha katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’.

Tattha katamaṃ saṅkhārapaccayā viññāṇaṃ ?

Yaṃ cittaṃ mano mānasaṃ … pe … tajjāmanodhātu – idaṃ vuccati ‘‘ saṅkhārapaccayā viññāṇaṃ ’’… pe … ayaṃ vuccati ‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

Yaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃV0.200 vedayitaṃ cetosamphassajā adukkhamasukhā vedanā – ayaṃ vuccati ‘‘ phassapaccayā vedanā ’’.

Tattha katamo vedanāpaccayā adhimokkho ?

Yo cittassa adhimokkho adhimuccanā tadadhimuttatā – ayaṃ vuccati ‘‘ vedanāpaccayā adhimokkho ’’.

TatthaM0.184 katamo adhimokkhapaccayā bhavo ?

Ṭhapetvā adhimokkhaṃ , vedanākkhandho saññākkhandho saṅkhārakkhandho viññāṇakkhandho – ayaṃ vuccati ‘‘ adhimokkhapaccayā bhavo ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

315. KatameT0.236 dhammā abyākatā ?

Yasmiṃ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā dhammārammaṇā vā yaṃ yaṃ vā panārabbha , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

316. Tattha katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’.

Tattha katamaṃ saṅkhārapaccayā viññāṇaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ ’’… pe … ayaṃ vuccati ‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘ phassapaccayā vedanā ’’.

TatthaV0.201 katamo vedanāpaccayā adhimokkho ?

Yo cittassa adhimokkho adhimuccanā tadadhimuttatā – ayaṃ vuccati ‘‘ vedanāpaccayā adhimokkho ’’.

Tattha katamo adhimokkhapaccayā bhavo ?

317. KatameT0.237M0.185P0.177 dhammā abyākatā ?

Yasmiṃ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā dhammārammaṇā vā yaṃ yaṃ vā panārabbha , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

318. Tattha katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’.

Tattha katamaṃ saṅkhārapaccayā viññāṇaṃ ?

Tattha katamā phassapaccayā vedanā ?

Yaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ vuccati ‘‘ phassapaccayā vedanā ’’.

Tattha katamo vedanāpaccayā adhimokkho ?

Yo cittassa adhimokkho adhimuccanā tadadhimuttatā – ayaṃ vuccati ‘‘ vedanāpaccayā adhimokkho ’’.

TatthaV0.202 katamo adhimokkhapaccayā bhavo ?

Ṭhapetvā adhimokkhaṃ , vedanākkhandho saññākkhandho saṅkhārakkhandho , viññāṇakkhandho – ayaṃ vuccati ‘‘ adhimokkhapaccayā bhavo ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

319. KatameT0.238 dhammā abyākatā ?

Yasmiṃ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā … pe … somanassasahagatā ñāṇasampayuttā sasaṅkhārena … pe … somanassasahagatā ñāṇavippayuttā … pe … somanassasahagatā ñāṇavippayuttā sasaṅkhārena … pe … upekkhāsahagatāM0.186 ñāṇasampayuttā … pe … upekkhāsahagatā ñāṇasampayuttā sasaṅkhārena … pe … upekkhāsahagatā ñāṇavippayuttā … pe … upekkhāsahagatā ñāṇavippayuttā sasaṅkhārena rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

320. Tattha katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’.

Tattha katamaṃ saṅkhārapaccayā viññāṇaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ ’’… pe … ayaṃ vuccati ‘‘ phassapaccayā vedanā ’’.

Tattha katamo vedanāpaccayā pasādo ?

YāP0.178 saddhā saddahanā okappanā abhippasādo – ayaṃ vuccati ‘‘ vedanāpaccayā pasādo ’’.

Tattha katamo pasādapaccayā adhimokkhoT0.239 ?

Yo cittassa adhimokkho adhimuccanā tadadhimuttatā – ayaṃ vuccati ‘‘ pasādapaccayā adhimokkho ’’.

TatthaV0.203 katamo adhimokkhapaccayā bhavo ?

321. Katame dhammā abyākatā ?

Yasmiṃ samaye rūpūpapattiyā maggaṃ bhāveti vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye phasso hoti … pe … avikkhepo hoti – ime dhammā kusalā .

Tasseva rūpāvacarassa kusalassa kammassa katattā upacitattā vipākaṃ vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃM0.187 , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavoP0.179 , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

322. Katame dhammā abyākatā ?

Yasmiṃ samaye arūpūpapattiyā maggaṃ bhāveti sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajjaT0.240 viharati , tasmiṃ samaye phasso hoti … pe … avikkhepo hoti – ime dhammā kusalā .

Tasseva arūpāvacarassa kusalassa kammassa katattā upacitattā vipākaṃ sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

323. KatameV0.204 dhammā abyākatā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti – ime dhammā kusalā .

Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavoT0.241 , bhavapaccayāP0.180 jāti , jātipaccayā jarāmaraṇaṃ .

Evametesaṃ dhammānaṃ samudayo hoti .

324. KatameM0.188 dhammā abyākatā ?

Yasmiṃ samaye akusalassa kammassa katattā upacitattā vipākaṃ cakkhuviññāṇaṃ uppannaṃ hoti upekkhāsahagataṃ rūpārammaṇaṃ … pe … sotaviññāṇaṃ uppannaṃ hoti upekkhāsahagataṃ saddārammaṇaṃ … pe … ghānaviññāṇaṃ uppannaṃ hoti upekkhāsahagataṃ gandhārammaṇaṃ … pe … jivhāviññāṇaṃ uppannaṃ hoti upekkhāsahagataṃ rasārammaṇaṃ … pe … kāyaviññāṇaṃ uppannaṃ hoti dukkhasahagataṃ phoṭṭhabbārammaṇaṃ , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

325. Tattha katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’.

Tattha katamaṃ saṅkhārapaccayā viññāṇaṃ ?

Yaṃ cittaṃ mano mānasaṃ … pe … tajjākāyaviññāṇadhātu – idaṃ vuccati ‘‘ saṅkhārapaccayā viññāṇaṃ ’’… pe … ayaṃ vuccati ‘‘ chaṭṭhāyatanapaccayā phasso ’’.

TatthaV0.205 katamā phassapaccayā vedanā ?

Yaṃ kāyikaṃ asātaṃ kāyikaṃ dukkhaṃ kāyasamphassajaṃ asātaṃ dukkhaṃ vedayitaṃ kāyasamphassajā asātā dukkhā vedanā – ayaṃ vuccati ‘‘ phassapaccayā vedanā ’’.

Tattha katamo vedanāpaccayā bhavo ?

ṬhapetvāT0.242 vedanaṃ , saññākkhandho saṅkhārakkhandho viññāṇakkhandho – ayaṃ vuccati ‘‘ vedanāpaccayā bhavo ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

326. Katame dhammā abyākatā ?

YasmiṃP0.181 samaye akusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā saddārammaṇā vā gandhārammaṇā vā rasārammaṇā vā phoṭṭhabbārammaṇā vā yaṃ yaṃ vā panārabbha , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

327. TatthaM0.189 katamo saṅkhāro ?

Yā cetanā sañcetanā sañcetayitattaṃ – ayaṃ vuccati saṅkhāro .

Tattha katamaṃ saṅkhārapaccayā viññāṇaṃ ?

Tattha katamā phassapaccayā vedanā ?

Yaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ vuccati ‘‘ phassapaccayā vedanā ’’.

Tattha katamo vedanāpaccayā adhimokkho ?

Yo cittassa adhimokkho adhimuccanā tadadhimuttatā – ayaṃ vuccati ‘‘ vedanāpaccayā adhimokkho ’’.

TatthaV0.206 katamo adhimokkhapaccayā bhavo ?

Ṭhapetvā adhimokkhaṃT0.243 , vedanākkhandho saññākkhandho saṅkhārakkhandho viññāṇakkhandho – ayaṃ vuccati ‘‘ adhimokkhapaccayā bhavo ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

328. Katame dhammā abyākatā ?

Yasmiṃ samaye akusalassa kammassa katattā upacitattā vipākā manoviññāṇadhātu uppannā hoti upekkhāsahagatā rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

329. Tattha katamo saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ saṅkhāro ’’.

Tattha katamaṃ saṅkhārapaccayā viññāṇaṃ ?

Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

330. KatameM0.190P0.182 dhammā abyākatā ?

Yasmiṃ samaye manodhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā … pe … phoṭṭhabbārammaṇā vā … pe … manoviññāṇadhātu uppannā hoti kiriyāT0.244 neva kusalā nākusalā na ca kammavipākā somanassasahagatā rūpārammaṇā vā … pe … dhammārammaṇā vā … pe … manoviññāṇadhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

331. KatameV0.207 dhammā abyākatā ?

Yasmiṃ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā ñāṇasampayuttā … pe … somanassasahagatā ñāṇasampayuttā sasaṅkhārena … pe … somanassasahagatā ñāṇavippayuttā … pe … somanassasahagatā ñāṇavippayuttā sasaṅkhārena … pe … upekkhāsahagatā ñāṇasampayuttā … pe … upekkhāsahagatā ñāṇasampayuttā sasaṅkhārena … pe … upekkhāsahagatā ñāṇavippayuttā … pe … upekkhāsahagatā ñāṇavippayuttā sasaṅkhārena rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayāT0.245 chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayāP0.183 jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

332. Katame dhammā abyākatā ?

Yasmiṃ samaye rūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayāM0.191 jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

333. Katame dhammā abyākatā ?

Yasmiṃ samaye arūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye saṅkhārapaccayā viññāṇaṃP0.184 , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayāT0.246 jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

Abyākataniddeso .

Issues

Select Version

Vibhaṅgapāḷi

Vibhaṅgapāḷi