3. Sampayuttacatukkaṃ
245. Avijjāpaccayā
V0.159 saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmaṃ viññāṇasampayuttaṃ , nāmapaccayā chaṭṭhāyatanaṃ nāmasampayuttaṃ , chaṭṭhāyatanapaccayā phasso chaṭṭhāyatanasampayutto , phassapaccayā vedanā phassasampayuttā , vedanāpaccayā taṇhā vedanāsampayuttā , taṇhāpaccayā upādānaṃ taṇhāsampayuttaṃ ;upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
Avijjāpaccayā saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmaṃ viññāṇasampayuttaṃ
T0.189 , nāmapaccayā phasso nāmasampayutto , phassapaccayā vedanā phassasampayuttā , vedanāpaccayā taṇhā vedanāsampayuttā , taṇhāpaccayā upādānaṃ taṇhāsampayuttaṃ ;upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
Avijjāpaccayā
M0.148 saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmarūpaṃP0.141 viññāṇasampayuttaṃ nāmaṃ , nāmarūpapaccayā chaṭṭhāyatanaṃ nāmarūpasampayuttaṃ , chaṭṭhāyatanapaccayā phasso chaṭṭhāyatanasampayutto , phassapaccayā vedanā phassasampayuttā , vedanāpaccayā taṇhā vedanāsampayuttā , taṇhāpaccayā upādānaṃ taṇhāsampayuttaṃ ;upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
Avijjāpaccayā saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmarūpaṃ viññāṇasampayuttaṃ nāmaṃ , nāmarūpapaccayā saḷāyatanaṃ nāmasampayuttaṃ chaṭṭhāyatanaṃ , chaṭṭhāyatanapaccayā phasso chaṭṭhāyatanasampayutto , phassapaccayā vedanā phassasampayuttā , vedanāpaccayā taṇhā vedanāsampayuttā , taṇhāpaccayā upādānaṃ upādānasampayuttaṃ ;
upādānapaccayā
V0.160 bhavo , bhavapaccayā jāti , jātipaccayā jarāmaraṇaṃ .Evametassa kevalassa dukkhakkhandhassa
T0.190 samudayo hoti .Sampayuttacatukkaṃ .