3. Vipākavāro
732. Tisso
M0.312 paṭisambhidā – atthapaṭisambhidā , niruttipaṭisambhidā , paṭibhānapaṭisambhidāT0.405 .Katame
V0.337 dhammā abyākatā ?Yasmiṃ samaye kāmāvacarassa kusalassa kammassa katattā upacitattā vipākaṃ cakkhuviññāṇaṃ uppannaṃ hoti upekkhāsahagataṃ rūpārammaṇaṃ , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , upekkhā hoti , cittassekaggatā hoti , manindriyaṃ hoti , upekkhindriyaṃ hoti , jīvitindriyaṃ hoti , ye vā pana tasmiṃ samaye aññepi atthi paṭiccasamuppannā arūpino dhammā .
Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
733. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame dhammā abyākatā ?
Yasmiṃ samaye kāmāvacarassa kusalassa kammassa katattā upacitattā vipākaṃ sotaviññāṇaṃ uppannaṃ hoti upekkhāsahagataṃ
P0.298 saddārammaṇaṃ … pe … ghānaviññāṇaṃ uppannaṃ hoti upekkhāsahagataṃ gandhārammaṇaṃ … pe … jivhāviññāṇaṃ uppannaṃ hoti upekkhāsahagataṃ rasārammaṇaṃ … pe … kāyaviññāṇaṃ uppannaṃ hoti sukhasahagataṃ phoṭṭhabbārammaṇaṃ , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , sukhaṃ hoti , cittassekaggatā hoti , manindriyaṃ hoti , sukhindriyaṃ hoti , jīvitindriyaṃ hotiT0.406 , ye vā pana tasmiṃ samaye aññepi atthi paṭiccasamuppannā arūpino dhammā .Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
734. Tisso
M0.313 paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .Katame dhammā abyākatā ?
Yasmiṃ samaye kāmāvacarassa kusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā … pe … phoṭṭhabbārammaṇā vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti
V0.338 , cittassekaggatā hoti , manindriyaṃ hoti , upekkhindriyaṃ hoti , jīvitindriyaṃ hoti , ye vā pana tasmiṃ samaye aññepi atthi paṭiccasamuppannā arūpino dhammā .Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
735. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame dhammā abyākatā ?
Yasmiṃ
T0.407 samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , pīti hoti , sukhaṃ hoti , cittassekaggatā hoti , manindriyaṃ hoti , somanassindriyaṃ hoti , jīvitindriyaṃ hoti , ye vā pana tasmiṃ samaye aññepi atthi paṭiccasamuppannā arūpino dhammāP0.299 .Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
736. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame dhammā abyākatā ?
Yasmiṃ samaye kāmāvacarassa kusalassa kammassa katattā upacitattā vipākā manoviññāṇadhātu uppannā
M0.314 hoti upekkhāsahagatā rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti , cittassekaggatā hoti , manindriyaṃ hoti , upekkhindriyaṃ hoti , jīvitindriyaṃ hoti , ye vā panaV0.339 tasmiṃ samaye aññepi atthiT0.408 paṭiccasamuppannā arūpino dhammā .Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
737. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame dhammā abyākatā ?
Yasmiṃ samaye kāmāvacarassa kusalassa kammassa katattā upacitattā vipākā manoviññāṇadhātu uppannā hoti somanassasahagatā ñāṇasampayuttā … pe … somanassasahagatā ñāṇasampayuttā sasaṅkhārena … pe … somanassasahagatā ñāṇavippayuttā … pe … somanassasahagatā ñāṇavippayuttā sasaṅkhārena … pe … upekkhāsahagatā ñāṇasampayuttā … pe … upekkhāsahagatā ñāṇasampayuttā sasaṅkhārena … pe … upekkhāsahagatā ñāṇavippayuttā … pe … upekkhāsahagatā ñāṇavippayuttā sasaṅkhārena rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye phasso hoti … pe … avikkhepo hoti .
Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
738. Tisso
T0.409 paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .Katame dhammā abyākatā ?
Yasmiṃ samaye rūpūpapattiyā maggaṃ bhāveti vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye phasso hoti … pe … avikkhepo hoti .
Ime dhammā kusalā
M0.315 .Tasseva rūpāvacarassa kusalassa kammassa katattā upacitattā vipākaṃ vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ samaye phasso hoti … pe … avikkhepo hoti .
Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti
V0.340 tatra dhammaniruttābhilāpe ñāṇaṃ niruttipaṭisambhidā .Yena ñāṇena
P0.300 tāni ñāṇāni jānāti –‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
739. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame dhammā abyākatā ?
Yasmiṃ samaye arūpūpapattiyā maggaṃ bhāveti sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye phasso hoti … pe … avikkhepo hoti .
Ime dhammā kusalā .
Tasseva arūpāvacarassa kusalassa kammassa katattā upacitattā vipākaṃ sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ
T0.410 samaye phasso hoti … pe … avikkhepo hoti .Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
740. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame dhammā abyākatā ?
Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti .
Ime dhammā kusalā .
Tasseva lokuttarassa kusalassa kammassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati
M0.316 dukkhapaṭipadaṃ dandhābhiññaṃ suññataṃ , tasmiṃ samaye phasso hoti … pe … avikkhepo hoti .Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni
V0.341 ñāṇāni jānāti –‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
741. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame
P0.301 dhammā abyākatā ?Yasmiṃ samaye akusalassa
T0.411 kammassa katattā upacitattā vipākaṃ cakkhuviññāṇaṃ uppannaṃ hoti upekkhāsahagataṃ rūpārammaṇaṃ … pe … sotaviññāṇaṃ uppannaṃ hoti upekkhāsahagataṃ saddārammaṇaṃ … pe … ghānaviññāṇaṃ uppannaṃ hoti upekkhāsahagataṃ gandhārammaṇaṃ … pe … jivhāviññāṇaṃ uppannaṃ hoti upekkhāsahagataṃ rasārammaṇaṃ … pe … kāyaviññāṇaṃ uppannaṃ hoti dukkhasahagataṃ phoṭṭhabbārammaṇaṃ , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , dukkhaṃ hoti , cittassekaggatā hoti , manindriyaṃ hoti , dukkhindriyaṃ hoti , jīvitindriyaṃ hoti , ye vā pana tasmiṃ samaye aññepi atthi paṭiccasamuppannā arūpino dhammā .Ime dhammā abyākatā .
Imesu dhammesu ñāṇaṃ atthapaṭisambhidā .
Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .
742. Tisso paṭisambhidā – atthapaṭisambhidā , niruttipaṭisambhidā , paṭibhānapaṭisambhidā .
Katame dhammā abyākatā ?
Yasmiṃ samaye akusalassa kammassa katattā upacitattā vipākā manodhātu uppannā hoti upekkhāsahagatā rūpārammaṇā vā … pe … phoṭṭhabbārammaṇā vā … pe … manoviññāṇadhātu uppannā hoti upekkhāsahagatā rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye phasso hoti
T0.412 , vedanā hoti , saññā hoti , cetanā hoti , cittaṃ hoti , vitakko hoti , vicāroM0.317 hoti , upekkhā hoti , cittassekaggatā hoti , manindriyaṃ hoti , upekkhindriyaṃ hoti , jīvitindriyaṃ hoti , ye vā pana tasmiṃ samaye aññepi atthi paṭiccasamuppannā arūpino dhammā .Ime dhammā abyākatā .
Imesu
V0.342 dhammesu ñāṇaṃ atthapaṭisambhidā .Yāya niruttiyā tesaṃ dhammānaṃ paññatti hoti tatra dhammaniruttābhilāpe ñāṇaṃ niruttipaṭisambhidā .
Yena ñāṇena tāni ñāṇāni jānāti –
‘‘ imāni ñāṇāni idamatthajotakānī ’’ ti , ñāṇesu ñāṇaṃ paṭibhānapaṭisambhidā .