(10) Aparāpi tisso taṇhā
918. Tattha katamā aparāpi tisso taṇhā ?
Rūpataṇhā , arūpataṇhā , nirodhataṇhā .
( Ka ) tattha katamā rūpataṇhā ?
Rūpadhātupaṭisaṃyutto rāgo sārāgo cittassa sārāgo – ayaṃ vuccati ‘‘ rūpataṇhā ’’.
( Kha ) tattha katamā arūpataṇhā ?
Arūpadhātupaṭisaṃyutto rāgo sārāgo cittassa sārāgo – ayaṃ vuccati ‘‘ arūpataṇhā ’’.
( Ga ) tattha katamā nirodhataṇhā ?
Ucchedadiṭṭhisahagato rāgo sārāgo cittassa sārāgo – ayaṃ vuccati ‘‘ nirodhataṇhā ’’.
Imā tisso taṇhā .