Issues
Editor
Settings
Vibhaṅgapāḷi
Vibhaṅgapāḷi

4. Dhammadassanavāro

Author： _System_Pali_VRI_ @ Administrator

4. Dhammadassanavāro

1. Kāmadhātu

1007. Kāmadhātuyā upapattikkhaṇe kati khandhā pātubhavanti … pe … kati cittāni pātubhavanti ?
Kāmadhātuyā upapattikkhaṇe sabbesaṃT0.554 pañcakkhandhā pātubhavanti ;
kassaci ekādasāyatanāni pātubhavanti ;
kassaciP0.412 dasāyatanāni pātubhavanti ;
kassaciM0.427 aparāni dasāyatanāni pātubhavanti ;
kassaci navāyatanāni pātubhavanti ;
kassaci sattāyatanāni pātubhavanti ;
kassaci ekādasa dhātuyo pātubhavanti ;
kassaci dasa dhātuyo pātubhavanti ;
kassaci aparā dasa dhātuyo pātubhavanti ;
kassaci nava dhātuyo pātubhavanti ;
kassaci satta dhātuyo pātubhavanti ;
sabbesaṃ ekaṃ saccaṃ pātubhavati ;
kassaci cuddasindriyāni pātubhavanti ;
kassaci terasindriyāni pātubhavanti ;
kassaci aparāni terasindriyāni pātubhavanti ;
kassaci dvādasindriyāni pātubhavanti ;
kassaci dasindriyāni pātubhavanti ;
kassaci navindriyāni pātubhavanti ;
kassaci aparāni navindriyāni pātubhavanti ;
kassaci aṭṭhindriyāni pātubhavanti ;
kassaci aparāni aṭṭhindriyāni pātubhavanti ;
kassaci sattindriyāni pātubhavanti ;
kassaci pañcindriyāni pātubhavanti ;
kassaci cattārindriyāni pātubhavanti ;
kassaci tayo hetū pātubhavanti ;
kassaci dve hetū pātubhavanti ;
kassaci [ keci ( syā .)] ahetukā pātubhavantiV0.484 ;
sabbesaṃ cattāro āhārā pātubhavanti ;
sabbesaṃ eko phasso pātubhavati ;
sabbesaṃ ekā vedanā … ekā saññā … ekā cetanā … ekaṃ cittaṃ pātubhavati .
1008. Kāmadhātuyā upapattikkhaṇe sabbesaṃ katame pañcakkhandhā pātubhavanti ?
Rūpakkhandho … pe … viññāṇakkhandho – kāmadhātuyāT0.555 upapattikkhaṇe sabbesaṃ ime pañcakkhandhā pātubhavanti .
1009. Kāmadhātuyā upapattikkhaṇe kassa ekādasāyatanāni pātubhavanti ?
Kāmāvacarānaṃ devānaṃ , paṭhamakappikānaṃ manussānaṃ , opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ , nerayikānaṃ paripuṇṇāyatanānaṃ upapattikkhaṇe ekādasāyatanāni pātubhavanti – cakkhāyatanaṃ , rūpāyatanaṃ , sotāyatanaṃ , ghānāyatanaṃ , gandhāyatanaṃ , jivhāyatanaṃ , rasāyatanaṃ , kāyāyatanaṃ , phoṭṭhabbāyatanaṃ , manāyatanaṃ , dhammāyatanaṃ .
Kāmadhātuyā upapattikkhaṇe etesaṃ imāni ekādasāyatanāni pātubhavanti .
Kāmadhātuyā upapattikkhaṇe kassa dasāyatanāni pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccandhānaṃ upapattikkhaṇe dasāyatanāni pātubhavantiM0.428 – rūpāyatanaṃ , sotāyatanaṃ , ghānāyatanaṃ , gandhāyatanaṃ , jivhāyatanaṃ , rasāyatanaṃP0.413 , kāyāyatanaṃ , phoṭṭhabbāyatanaṃ , manāyatanaṃ , dhammāyatanaṃ .
Kāmadhātuyā upapattikkhaṇe etesaṃ imāni dasāyatanāni pātubhavanti .
Kāmadhātuyā upapattikkhaṇe kassa aparāni dasāyatanāni pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccabadhirānaṃ upapattikkhaṇe dasāyatanāni pātubhavanti – cakkhāyatanaṃ , rūpāyatanaṃ , ghānāyatanaṃ , gandhāyatanaṃ , jivhāyatanaṃ , rasāyatanaṃ , kāyāyatanaṃ , phoṭṭhabbāyatanaṃ , manāyatanaṃ , dhammāyatanaṃ .
Kāmadhātuyā upapattikkhaṇe etesaṃ imāni dasāyatanāniT0.556 pātubhavanti .
Kāmadhātuyā upapattikkhaṇe kassa navāyatanāni pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccandhabadhirānaṃ upapattikkhaṇeV0.485 navāyatanāni pātubhavanti – rūpāyatanaṃ , ghānāyatanaṃ , gandhāyatanaṃ , jivhāyatanaṃ , rasāyatanaṃ , kāyāyatanaṃ , phoṭṭhabbāyatanaṃ , manāyatanaṃ , dhammāyatanaṃ .
Kāmadhātuyā upapattikkhaṇe etesaṃ imāni navāyatanāni pātubhavanti .
Kāmadhātuyā upapattikkhaṇe kassa sattāyatanāni pātubhavanti ?
Gabbhaseyyakānaṃ sattānaṃ upapattikkhaṇe sattāyatanāni pātubhavanti – rūpāyatanaṃ , gandhāyatanaṃ , rasāyatanaṃ , kāyāyatanaṃ , phoṭṭhabbāyatanaṃ , manāyatanaṃ , dhammāyatanaṃ .
Kāmadhātuyā upapattikkhaṇe etesaṃ imāni sattāyatanāni pātubhavanti .
1010. Kāmadhātuyā upapattikkhaṇe kassa ekādasa dhātuyo pātubhavanti ?
Kāmāvacarānaṃ devānaṃ , paṭhamakappikānaṃ manussānaṃ , opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ paripuṇṇāyatanānaṃ upapattikkhaṇe ekādasa dhātuyo pātubhavanti – cakkhudhātu , rūpadhātu , sotadhātu , ghānadhātu , gandhadhātu , jivhādhātu , rasadhātu , kāyadhātu , phoṭṭhabbadhātu , manoviññāṇadhātu , dhammadhātu .
Kāmadhātuyā upapattikkhaṇe etesaṃ imā ekādasa dhātuyo pātubhavanti .
KāmadhātuyāM0.429 upapattikkhaṇe kassa dasa dhātuyo pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃP0.414 tiracchānagatānaṃ nerayikānaṃT0.557 , jaccandhānaṃ upapattikkhaṇe dasa dhātuyo pātubhavanti – rūpadhātu , sotadhātu , ghānadhātu , gandhadhātu , jivhādhātu , rasadhātu , kāyadhātu , phoṭṭhabbadhātu , manoviññāṇadhātu , dhammadhātu .
Kāmadhātuyā upapattikkhaṇe etesaṃ imā dasa dhātuyo pātubhavanti .
Kāmadhātuyā upapattikkhaṇe kassa aparā dasa dhātuyo pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccabadhirānaṃ upapattikkhaṇe dasa dhātuyo pātubhavanti – cakkhudhātu , rūpadhātu , ghānadhātu , gandhadhātu , jivhādhātu , rasadhātu , kāyadhātu , phoṭṭhabbadhātu , manoviññāṇadhātu , dhammadhātu .
Kāmadhātuyā upapattikkhaṇe etesaṃ imā dasa dhātuyo pātubhavanti .
KāmadhātuyāV0.486 upapattikkhaṇe kassa nava dhātuyo pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccandhabadhirānaṃ upapattikkhaṇe nava dhātuyo pātubhavanti – rūpadhātu , ghānadhātu , gandhadhātu , jivhādhātu , rasadhātu , kāyadhātu , phoṭṭhabbadhātu , manoviññāṇadhātu , dhammadhātu .
Kāmadhātuyā upapattikkhaṇe etesaṃ imā nava dhātuyo pātubhavanti .
Kāmadhātuyā upapattikkhaṇe kassa satta dhātuyo pātubhavanti ?
Gabbhaseyyakānaṃ sattānaṃ upapattikkhaṇe satta dhātuyo pātubhavanti – rūpadhātu , gandhadhātu , rasadhātu , kāyadhātu , phoṭṭhabbadhātu , manoviññāṇadhātu , dhammadhātu .
Kāmadhātuyā upapattikkhaṇe etesaṃ imā satta dhātuyo pātubhavanti .
1011. Kāmadhātuyā upapattikkhaṇeT0.558 sabbesaṃ katamaṃ ekaṃ saccaṃ pātubhavati ?
Dukkhasaccaṃ – kāmadhātuyā upapattikkhaṇe sabbesaṃ idaṃ ekaṃ saccaṃ pātubhavati .
1012. Kāmadhātuyā upapattikkhaṇe kassa cuddasindriyāni pātubhavanti ?
Kāmāvacarānaṃ devānaṃ , sahetukānaṃ ñāṇasampayuttānaṃ upapattikkhaṇe cuddasindriyāni pātubhavanti – cakkhundriyaṃ , sotindriyaṃ , ghānindriyaṃ , jivhindriyaṃ , kāyindriyaṃM0.430P0.415 , manindriyaṃ , itthindriyaṃ vā purisindriyaṃ vā , jīvitindriyaṃ , somanassindriyaṃ vā upekkhindriyaṃ vā , saddhindriyaṃ , vīriyindriyaṃ , satindriyaṃ , samādhindriyaṃ , paññindriyaṃ .
Kāmadhātuyā upapattikkhaṇe etesaṃ imāni cuddasindriyāni pātubhavanti .
Kāmadhātuyā upapattikkhaṇe kassa terasindriyāni pātubhavanti ?
Kāmāvacarānaṃ devānaṃ sahetukānaṃ ñāṇavippayuttānaṃ upapattikkhaṇe terasindriyāni pātubhavanti – cakkhundriyaṃ , sotindriyaṃ , ghānindriyaṃ , jivhindriyaṃ , kāyindriyaṃ , manindriyaṃ , itthindriyaṃ vā purisindriyaṃ vā , jīvitindriyaṃ , somanassindriyaṃ vā upekkhindriyaṃ vā , saddhindriyaṃ , vīriyindriyaṃ , satindriyaṃ , samādhindriyaṃ .
Kāmadhātuyā upapattikkhaṇe etesaṃ imāni terasindriyāni pātubhavanti .
Kāmadhātuyā upapattikkhaṇe kassa aparāni terasindriyāni pātubhavanti ?
PaṭhamakappikānaṃV0.487 manussānaṃ sahetukānaṃ ñāṇasampayuttānaṃ upapattikkhaṇe terasindriyāni pātubhavanti – cakkhundriyaṃ , sotindriyaṃ , ghānindriyaṃ , jivhindriyaṃ , kāyindriyaṃ , manindriyaṃ , jīvitindriyaṃ , somanassindriyaṃ vā upekkhindriyaṃ vā , saddhindriyaṃT0.559 , vīriyindriyaṃ , satindriyaṃ , samādhindriyaṃ , paññindriyaṃ .
Kāmadhātuyā upapattikkhaṇe etesaṃ imāni terasindriyāni pātubhavanti .
Kāmadhātuyā upapattikkhaṇe kassa dvādasindriyāni pātubhavanti ?
Paṭhamakappikānaṃ manussānaṃ sahetukānaṃ ñāṇavippayuttānaṃ upapattikkhaṇe dvādasindriyāni pātubhavanti – cakkhundriyaṃ , sotindriyaṃ , ghānindriyaṃ , jivhindriyaṃ , kāyindriyaṃ , manindriyaṃ , jīvitindriyaṃ , somanassindriyaṃ vā upekkhindriyaṃ vā , saddhindriyaṃ , vīriyindriyaṃ , satindriyaṃ , samādhindriyaṃ .
Kāmadhātuyā upapattikkhaṇe etesaṃ imāni dvādasindriyāni pātubhavanti .
Kāmadhātuyā upapattikkhaṇe kassa dasindriyāni pātubhavanti ?
Gabbhaseyyakānaṃ sattānaṃ sahetukānaṃ ñāṇasampayuttānaṃ upapattikkhaṇe dasindriyāni pātubhavanti – kāyindriyaṃ , manindriyaṃ , itthindriyaṃ vā purisindriyaṃ vā , jīvitindriyaṃ , somanassindriyaṃ vā upekkhindriyaṃ vā , saddhindriyaṃ , vīriyindriyaṃ , satindriyaṃ , samādhindriyaṃ , paññindriyaṃ .
Kāmadhātuyā upapattikkhaṇe etesaṃ imāni dasindriyāni pātubhavanti .
KāmadhātuyāP0.416 upapattikkhaṇe kassa navindriyāni pātubhavanti ?
Gabbhaseyyakānaṃ sattānaṃ sahetukānaṃ ñāṇavippayuttānaṃ upapattikkhaṇe navindriyāniM0.431 pātubhavanti – kāyindriyaṃ , manindriyaṃ , itthindriyaṃ vā purisindriyaṃ vā , jīvitindriyaṃ , somanassindriyaṃ vā upekkhindriyaṃ vā , saddhindriyaṃ , vīriyindriyaṃ , satindriyaṃ , samādhindriyaṃ .
Kāmadhātuyā upapattikkhaṇe etesaṃ imāni navindriyāni pātubhavanti .
Kāmadhātuyā upapattikkhaṇeT0.560 kassa aparāni navindriyāni pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ paripuṇṇāyatanānaṃ upapattikkhaṇe navindriyāni pātubhavanti – cakkhundriyaṃ , sotindriyaṃ , ghānindriyaṃ , jivhindriyaṃ , kāyindriyaṃ , manindriyaṃ , itthindriyaṃ vā purisindriyaṃ vā , jīvitindriyaṃV0.488 , upekkhindriyaṃ .
Kāmadhātuyā upapattikkhaṇe etesaṃ imāni navindriyāni pātubhavanti .
Kāmadhātuyā upapattikkhaṇe kassa aṭṭhindriyāni pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccandhānaṃ upapattikkhaṇe aṭṭhindriyāni pātubhavanti – sotindriyaṃ , ghānindriyaṃ , jivhindriyaṃ , kāyindriyaṃ , manindriyaṃ , itthindriyaṃ vā purisindriyaṃ vā , jīvitindriyaṃ , upekkhindriyaṃ .
Kāmadhātuyā upapattikkhaṇe etesaṃ imāni aṭṭhindriyāni pātubhavanti .
Kāmadhātuyā upapattikkhaṇe kassa aparāni aṭṭhindriyāni pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccabadhirānaṃ upapattikkhaṇe aṭṭhindriyāni pātubhavanti – cakkhundriyaṃ , ghānindriyaṃ , jivhindriyaṃ , kāyindriyaṃ manindriyaṃ , itthindriyaṃ vā purisindriyaṃ vā , jīvitindriyaṃ , upekkhindriyaṃ .
Kāmadhātuyā upapattikkhaṇe etesaṃ imāni aṭṭhindriyāni pātubhavanti .
Kāmadhātuyā upapattikkhaṇe kassa sattindriyāni pātubhavanti ?
Opapātikānaṃ petānaṃ , opapātikānaṃ asurānaṃ , opapātikānaṃ tiracchānagatānaṃ nerayikānaṃ , jaccandhabadhirānaṃT0.561 upapattikkhaṇe sattindriyāni pātubhavanti – ghānindriyaṃP0.417 , jivhindriyaṃ , kāyindriyaṃ , manindriyaṃ , itthindriyaṃ vā purisindriyaṃ vā , jīvitindriyaṃ , upekkhindriyaṃ .
Kāmadhātuyā upapattikkhaṇe etesaṃ imāni sattindriyāni pātubhavanti .
Kāmadhātuyā upapattikkhaṇe kassa pañcindriyāni pātubhavanti ?
Gabbhaseyyakānaṃ sattānaṃ ahetukānaṃ , ṭhapetvā napuṃsakānaṃ , upapattikkhaṇe pañcindriyāniM0.432 pātubhavanti – kāyindriyaṃ , manindriyaṃ , itthindriyaṃ vā purisindriyaṃ vā , jīvitindriyaṃ , upekkhindriyaṃ .
Kāmadhātuyā upapattikkhaṇe etesaṃ imāni pañcindriyāni pātubhavanti .
Kāmadhātuyā upapattikkhaṇe kassa cattārindriyāni pātubhavanti ?
Gabbhaseyyakānaṃ sattānaṃ ahetukānaṃ , napuṃsakānaṃ upapattikkhaṇe cattārindriyāni pātubhavanti – kāyindriyaṃ , manindriyaṃ , jīvitindriyaṃV0.489 , upekkhindriyaṃ .
Kāmadhātuyā upapattikkhaṇe etesaṃ imāni cattārindriyāni pātubhavanti .
1013. Kāmadhātuyā upapattikkhaṇe kassa tayo hetū pātubhavanti ?
Kāmāvacarānaṃ devānaṃ , paṭhamakappikānaṃ manussānaṃ , gabbhaseyyakānaṃ sattānaṃ sahetukānaṃ ñāṇasampayuttānaṃ upapattikkhaṇe tayo hetū pātubhavanti – alobho vipākahetu , adoso vipākahetu , amoho vipākahetu .
Kāmadhātuyā upapattikkhaṇe etesaṃ ime tayo hetū pātubhavanti .
Kāmadhātuyā upapattikkhaṇe kassa dve hetū pātubhavanti ?
Kāmāvacarānaṃ devānaṃ , paṭhamakappikānaṃ manussānaṃ , gabbhaseyyakānaṃ sattānaṃ sahetukānaṃ ñāṇavippayuttānaṃ upapattikkhaṇeT0.562 dve hetū pātubhavanti – alobho vipākahetu , adoso vipākahetu .
Kāmadhātuyā upapattikkhaṇe etesaṃ ime dve hetū pātubhavanti .
Avasesānaṃ sattānaṃ [ avasesā sattā (?)] ahetukā pātubhavanti .
1014. Kāmadhātuyā upapattikkhaṇe sabbesaṃ katame cattāro āhārā pātubhavanti .
Kabaḷīkāro āhāro , phassāhāro , manosañcetanāhāro , viññāṇāhāro – kāmadhātuyā upapattikkhaṇe sabbesaṃ ime cattāro āhārā pātubhavanti .
Kāmadhātuyā upapattikkhaṇe sabbesaṃ katamo eko phasso pātubhavati ?
Manoviññāṇadhātusamphasso – kāmadhātuyā upapattikkhaṇe sabbesaṃ ayaṃ eko phasso pātubhavati .
KāmadhātuyāM0.433 upapattikkhaṇe sabbesaṃ katamā ekā vedanāP0.418 … ekā saññā … ekā cetanā … ekaṃ cittaṃ pātubhavati ?
Manoviññāṇadhātu – kāmadhātuyā upapattikkhaṇe sabbesaṃ idaṃ ekaṃ cittaṃ pātubhavati .

2. Rūpadhātu

1015. RūpadhātuyāV0.490 upapattikkhaṇe kati khandhā pātubhavanti … pe … kati cittāni pātubhavanti ?
Rūpadhātuyā upapattikkhaṇe , ṭhapetvā asaññasattānaṃ devānaṃ , pañcakkhandhā pātubhavanti , pañcāyatanāni pātubhavanti , pañca dhātuyo pātubhavanti , ekaṃ saccaṃ pātubhavati , dasindriyāni pātubhavanti , tayo hetū pātubhavanti , tayo āhārā pātubhavanti , eko phasso pātubhavati , ekā vedanā … ekā saññā … ekā cetanā … ekaṃ cittaṃ pātubhavati .
1016. Rūpadhātuyā upapattikkhaṇe katame pañcakkhandhā pātubhavantiT0.563 ?
Rūpakkhandho , vedanākkhandho , saññākkhandho , saṅkhārakkhandho , viññāṇakkhandho – rūpadhātuyā upapattikkhaṇe ime pañcakkhandhā pātubhavanti .
Rūpadhātuyā upapattikkhaṇe katamāni pañcāyatanāni pātubhavanti ?
Cakkhāyatanaṃ , rūpāyatanaṃ , sotāyatanaṃ , manāyatanaṃ , dhammāyatanaṃ – rūpadhātuyā upapattikkhaṇe imāni pañcāyatanāni pātubhavanti .
Rūpadhātuyā upapattikkhaṇe katamā pañca dhātuyo pātubhavanti ?
Cakkhudhātu , rūpadhātu , sotadhātu , manoviññāṇadhātu , dhammadhātu – rūpadhātuyā upapattikkhaṇe imā pañca dhātuyo pātubhavanti .
Rūpadhātuyā upapattikkhaṇe katamaṃ ekaṃ saccaṃ pātubhavati ?
Dukkhasaccaṃ – rūpadhātuyā upapattikkhaṇe idaṃ ekaṃ saccaṃ pātubhavati .
Rūpadhātuyā upapattikkhaṇe katamāni dasindriyāni pātubhavanti ?
Cakkhundriyaṃ , sotindriyaṃ , manindriyaṃ , jīvitindriyaṃ , somanassindriyaṃ vā upekkhindriyaṃ vā , saddhindriyaṃ , vīriyindriyaṃP0.419V0.491 , satindriyaṃ , samādhindriyaṃ , paññindriyaṃ – rūpadhātuyā upapattikkhaṇe imāni dasindriyāni pātubhavanti .
Rūpadhātuyā upapattikkhaṇe katame tayo hetū pātubhavanti ?
Alobho vipākahetu , adoso vipākahetu , amoho vipākahetuM0.434 – rūpadhātuyā upapattikkhaṇe ime tayo hetū pātubhavanti .
Rūpadhātuyā upapattikkhaṇe katame tayo āhārā pātubhavanti ?
Phassāhāro , manosañcetanāhāro , viññāṇāhāro – rūpadhātuyā upapattikkhaṇe ime tayo āhārā pātubhavanti .
Rūpadhātuyā upapattikkhaṇe katamo eko phasso pātubhavati ?
ManoviññāṇadhātusamphassoT0.564 – rūpadhātuyā upapattikkhaṇe ayaṃ eko phasso pātubhavati .
Rūpadhātuyā upapattikkhaṇe katamā ekā vedanā … ekā saññā … ekā cetanā … ekaṃ cittaṃ pātubhavati ?
Manoviññāṇadhātu – rūpadhātuyā upapattikkhaṇe idaṃ ekaṃ cittaṃ pātubhavati .

3. Asaññasattā

1017. Asaññasattānaṃ devānaṃ upapattikkhaṇe kati khandhā pātubhavanti … pe … kati cittāni pātubhavanti ?
Asaññasattānaṃ devānaṃ upapattikkhaṇe eko khandho pātubhavati – rūpakkhandho ;
dve āyatanāni pātubhavanti – rūpāyatanaṃ , dhammāyatanaṃ ;
dve dhātuyo pātubhavanti – rūpadhātu , dhammadhātu ;
ekaṃ saccaṃ pātubhavati – dukkhasaccaṃ ;
ekindriyaṃ pātubhavati – rūpajīvitindriyaṃ .
Asaññasattā devā ahetukā anāhārā aphassakā avedanakā asaññakā acetanakā acittakā pātubhavanti .

4. Arūpadhātu

1018. ArūpadhātuyāV0.492 upapattikkhaṇe kati khandhā pātubhavanti … pe … kati cittāni pātubhavanti ?
Arūpadhātuyā upapattikkhaṇe cattāro khandhā pātubhavanti , dve āyatanāni pātubhavanti , dve dhātuyo pātubhavanti , ekaṃ saccaṃ pātubhavati , aṭṭhindriyāni pātubhavanti , tayo hetū pātubhavanti , tayo āhārā pātubhavanti , eko phasso pātubhavati , ekā vedanā … ekā saññā … ekāP0.420 cetanā … ekaṃ cittaṃ pātubhavati .
1019. ArūpadhātuyāT0.565M0.435 upapattikkhaṇe katame cattāro khandhā pātubhavanti ?
Vedanākkhandho , saññākkhandho , saṅkhārakkhandho , viññāṇakkhandho – arūpadhātuyā upapattikkhaṇe ime cattāro khandhā pātubhavanti .
Arūpadhātuyā upapattikkhaṇe katamāni dve āyatanāni pātubhavanti ?
Manāyatanaṃ , dhammāyatanaṃ – arūpadhātuyā upapattikkhaṇe imāni dve āyatanāni pātubhavanti .
Arūpadhātuyā upapattikkhaṇe katamā dve dhātuyo pātubhavanti ?
Manoviññāṇadhātu , dhammadhātu – arūpadhātuyā upapattikkhaṇe imā dve dhātuyo pātubhavanti .
Arūpadhātuyā upapattikkhaṇe katamaṃ ekaṃ saccaṃ pātubhavati ?
Dukkhasaccaṃ – arūpadhātuyā upapattikkhaṇe idaṃ ekaṃ saccaṃ pātubhavati .
Arūpadhātuyā upapattikkhaṇe katamāni aṭṭhindriyāni pātubhavanti ?
Manindriyaṃ , jīvitindriyaṃ , upekkhindriyaṃ , saddhindriyaṃ , vīriyindriyaṃ , satindriyaṃ , samādhindriyaṃ , paññindriyaṃ – arūpadhātuyā upapattikkhaṇe imāni aṭṭhindriyāni pātubhavanti .
Arūpadhātuyā upapattikkhaṇe katame tayo hetū pātubhavanti ?
Alobho vipākahetu , adosoV0.493 vipākahetu , amoho vipākahetu – arūpadhātuyā upapattikkhaṇe ime tayo hetū pātubhavanti .
Arūpadhātuyā upapattikkhaṇe katame tayo āhārā pātubhavanti ?
Phassāhāro , manosañcetanāhāro , viññāṇāhāro – arūpadhātuyā upapattikkhaṇe ime tayo āhārā pātubhavanti .
Arūpadhātuyā upapattikkhaṇe katamo eko phasso pātubhavati ?
ManoviññāṇadhātusamphassoT0.566 – arūpadhātuyā upapattikkhaṇe ayaṃ eko phasso pātubhavati .
Arūpadhātuyā upapattikkhaṇe katamā ekā vedanā … pe … ekā saññā … ekā cetanā … ekaṃ cittaṃ pātubhavati ?
Manoviññāṇadhātu – arūpadhātuyā upapattikkhaṇe idaṃ ekaṃ cittaṃ pātubhavati .