6. Hetucatukkaṃ
256. Tasmiṃ samaye avijjāpaccayā saṅkhāro avijjāhetuko , saṅkhārapaccayā viññāṇaṃ saṅkhārahetukaṃ , viññāṇapaccayā nāmaṃ viññāṇahetukaṃ , nāmapaccayā chaṭṭhāyatanaṃ nāmahetukaṃ , chaṭṭhāyatanapaccayā phasso chaṭṭhāyatanahetuko , phassapaccayā vedanā phassahetukā , vedanāpaccayā taṇhā vedanāhetukā , taṇhāpaccayā upādānaṃ taṇhāhetukaṃ ;
upādānapaccayā bhavo , bhavapaccayā jāti , jātipaccayā jarāmaraṇaṃ
T0.199 .Evametassa kevalassa dukkhakkhandhassa samudayo hoti .
257. Tattha
M0.155P0.149 katamā avijjā ?Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha katamo avijjāpaccayā saṅkhāro avijjāhetuko ?
Yā cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāhetuko ’’.
Tattha
V0.168 katamaṃ saṅkhārapaccayā viññāṇaṃ saṅkhārahetukaṃ ?Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ saṅkhārahetukaṃ ’’.
Tattha katamaṃ viññāṇapaccayā nāmaṃ viññāṇahetukaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ viññāṇapaccayā nāmaṃ viññāṇahetukaṃ ’’.
Tattha katamaṃ nāmapaccayā chaṭṭhāyatanaṃ nāmahetukaṃ ?
Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ nāmapaccayā chaṭṭhāyatanaṃ nāmahetukaṃ ’’.
Tattha katamo chaṭṭhāyatanapaccayā phasso chaṭṭhāyatanahetuko ?
Yo phasso phusanā samphusanā samphusitattaṃ – ayaṃ vuccati ‘‘ chaṭṭhāyatanapaccayā phasso chaṭṭhāyatanahetuko ’’.
Tattha katamā phassapaccayā vedanā phassahetukā ?
Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘ phassapaccayā vedanā phassahetukā ’’.
Tattha katamā vedanāpaccayā taṇhā vedanāhetukā ?
Yo rāgo sārāgo … pe … cittassa sārāgo – ayaṃ vuccati ‘‘ vedanāpaccayā taṇhā vedanāhetukā ’’.
Tattha katamaṃ taṇhāpaccayā
T0.200 upādānaṃ taṇhāhetukaṃ ?Yā diṭṭhi diṭṭhigataṃ … pe … titthāyatanaṃ vipariyāsaggāho – idaṃ vuccati ‘‘ taṇhāpaccayā upādānaṃ taṇhāhetukaṃ ’’… pe … tena vuccati ‘‘ evametassa kevalassa dukkhakkhandhassa samudayo hoti ’’ ti .
258. Tasmiṃ
M0.156P0.150 samaye avijjāpaccayā saṅkhāro avijjāhetuko , saṅkhārapaccayā viññāṇaṃ saṅkhārahetukaṃ , viññāṇapaccayā nāmaṃ viññāṇahetukaṃ , nāmapaccayā phasso nāmahetuko , phassapaccayā vedanā phassahetukā , vedanāpaccayā taṇhā vedanāhetukā , taṇhāpaccayā upādānaṃ taṇhāhetukaṃ ;upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
259. Tattha
V0.169 katamā avijjā ?Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha katamo avijjāpaccayā saṅkhāro avijjāhetuko ?
Yā cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāhetuko ’’.
Tattha katamaṃ saṅkhārapaccayā viññāṇaṃ saṅkhārahetukaṃ ?
Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati saṅkhārapaccayā viññāṇaṃ saṅkhārahetukaṃ .
Tattha katamaṃ viññāṇapaccayā nāmaṃ viññāṇahetukaṃ
T0.201 ?Vedanākkhandho , saññākkhandho , saṅkhārakkhandho – idaṃ vuccati ‘‘ viññāṇapaccayā nāmaṃ viññāṇahetukaṃ ’’.
Nāmapaccayā phasso nāmahetukoti .
Tattha katamaṃ nāmaṃ ?
Ṭhapetvā phassaṃ , vedanākkhandho saññākkhandho saṅkhārakkhandho viññāṇakkhandho – idaṃ vuccati ‘‘ nāmaṃ ’’.
Tattha katamo nāmapaccayā phasso nāmahetuko ?
Yo phasso phusanā samphusanā samphusitattaṃ – ayaṃ vuccati ‘‘ nāmapaccayā phasso nāmahetuko ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .
260. Tasmiṃ samaye avijjāpaccayā saṅkhāro avijjāhetuko , saṅkhārapaccayā viññāṇaṃ saṅkhārahetukaṃ , viññāṇapaccayā nāmarūpaṃ viññāṇahetukaṃ , nāmarūpapaccayā chaṭṭhāyatanaṃ nāmarūpahetukaṃ , chaṭṭhāyatanapaccayā phasso chaṭṭhāyatanahetuko , phassapaccayā vedanā phassahetukā , vedanāpaccayā
M0.157 taṇhā vedanāhetukā , taṇhāpaccayā upādānaṃ taṇhāhetukaṃ ;upādānapaccayā bhavo , bhavapaccayā
P0.151 jāti , jātipaccayā jarāmaraṇaṃ .Evametassa kevalassa dukkhakkhandhassa samudayo hoti .
261. Tattha katamā avijjā ?
Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha
V0.170 katamo avijjāpaccayā saṅkhāro avijjāhetuko ?Yā cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāhetuko ’’.
Tattha
T0.202 katamaṃ saṅkhārapaccayā viññāṇaṃ saṅkhārahetukaṃ ?Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ saṅkhārahetukaṃ ’’.
Tattha katamaṃ viññāṇapaccayā nāmarūpaṃ viññāṇahetukaṃ ?
Atthi nāmaṃ , atthi rūpaṃ .
Tattha katamaṃ nāmaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ nāmaṃ ’’.
Tattha katamaṃ rūpaṃ ?
Cakkhāyatanassa upacayo , sotāyatanassa upacayo , ghānāyatanassa upacayo , jivhāyatanassa upacayo , kāyāyatanassa upacayo , yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘ rūpaṃ ’’.
Iti idañca nāmaṃ , idañca rūpaṃ .
Idaṃ vuccati ‘‘ viññāṇapaccayā nāmarūpaṃ viññāṇahetukaṃ ’’.
Nāmarūpapaccayā chaṭṭhāyatanaṃ nāmarūpahetukanti .
Atthi nāmaṃ , atthi rūpaṃ .
Tattha katamaṃ nāmaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ nāmaṃ ’’.
Tattha katamaṃ rūpaṃ ?
Yaṃ rūpaṃ nissāya manoviññāṇadhātu vattati – idaṃ vuccati ‘‘ rūpaṃ ’’.
Iti idañca nāmaṃ , idañca rūpaṃ .
Idaṃ vuccati ‘‘ nāmarūpaṃ ’’.
Tattha katamaṃ nāmarūpapaccayā chaṭṭhāyatanaṃ nāmarūpahetukaṃ ?
Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ nāmarūpapaccayā chaṭṭhāyatanaṃ nāmarūpahetukaṃ ’’.
Tattha katamo chaṭṭhāyatanapaccayā phasso chaṭṭhāyatanahetuko ?
Yo phasso phusanā samphusanā samphusitattaṃ – ayaṃ vuccati ‘‘ chaṭṭhāyatanapaccayā phasso chaṭṭhāyatanahetuko ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .
262. Tasmiṃ
P0.152M0.158 samaye avijjāpaccayā saṅkhāro avijjāhetuko , saṅkhārapaccayāT0.203 viññāṇaṃ saṅkhārahetukaṃ viññāṇapaccayā nāmarūpaṃ viññāṇahetukaṃ , nāmarūpapaccayā saḷāyatanaṃ nāmarūpahetukaṃV0.171 , chaṭṭhāyatanapaccayā phasso chaṭṭhāyatanahetuko , phassapaccayā vedanā phassahetukā , vedanāpaccayā taṇhā vedanāhetukā , taṇhāpaccayā upādānaṃ taṇhāhetukaṃ ;upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
263. Tattha katamā avijjā ?
Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha katamo avijjāpaccayā saṅkhāro avijjāhetuko ?
Yā cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāhetuko ’’.
Tattha katamaṃ saṅkhārapaccayā viññāṇaṃ saṅkhārahetukaṃ ?
Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ saṅkhārahetukaṃ ’’.
Tattha katamaṃ viññāṇapaccayā nāmarūpaṃ viññāṇahetukaṃ ?
Atthi nāmaṃ , atthi rūpaṃ .
Tattha katamaṃ nāmaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ nāmaṃ ’’.
Tattha katamaṃ rūpaṃ ?
Cakkhāyatanassa upacayo , sotāyatanassa upacayo , ghānāyatanassa upacayo , jivhāyatanassa upacayo , kāyāyatanassa upacayo , yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘ rūpaṃ ’’.
Iti idañca nāmaṃ , idañca rūpaṃ .
Idaṃ vuccati ‘‘ viññāṇapaccayā nāmarūpaṃ viññāṇahetukaṃ ’’.
Nāmarūpapaccayā saḷāyatanaṃ nāmarūpahetukanti .
Atthi nāmaṃ , atthi rūpaṃ .
Tattha katamaṃ nāmaṃ ?
Vedanākkhandho
T0.204 , saññākkhandho , saṅkhārakkhandho – idaṃ vuccati ‘‘ nāmaṃ ’’.Tattha katamaṃ rūpaṃ ?
Cattāro ca mahābhūtā , yañca rūpaṃ nissāya manoviññāṇadhātu vattati – idaṃ vuccati ‘‘ rūpaṃ ’’.
Iti idañca nāmaṃ , idañca rūpaṃ .
Idaṃ vuccati ‘‘ nāmarūpaṃ ’’.
Tattha katamaṃ nāmarūpapaccayā saḷāyatanaṃ nāmarūpahetukaṃ ?
Cakkhāyatanaṃ
P0.153 , sotāyatanaṃ , ghānāyatanaṃV0.172 , jivhāyatanaṃ , kāyāyatanaṃ , manāyatanaṃ – idaṃ vuccati ‘‘ nāmarūpapaccayā saḷāyatanaṃ nāmarūpahetukaṃ ’’.Tattha
M0.159 katamo chaṭṭhāyatanapaccayā phasso chaṭṭhāyatanahetuko ?Yo phasso phusanā samphusanā samphusitattaṃ – ayaṃ vuccati ‘‘ chaṭṭhāyatanapaccayā phasso chaṭṭhāyatanahetuko ’’.
Tattha katamā phassapaccayā vedanā phassahetukā ?
Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘ phassapaccayā vedanā phassahetukā ’’.
Tattha katamā vedanāpaccayā taṇhā vedanāhetukā ?
Yo rāgo sārāgo … pe … cittassa sārāgo – ayaṃ vuccati ‘‘ vedanāpaccayā taṇhā vedanāhetukā ’’.
Tattha katamaṃ taṇhāpaccayā upādānaṃ taṇhāhetukaṃ ?
Yā diṭṭhi diṭṭhigataṃ … pe … titthāyatanaṃ vipariyāsaggāho – idaṃ vuccati ‘‘ taṇhāpaccayā upādānaṃ taṇhāhetukaṃ ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .
Hetucatukkaṃ .