2. Dukaṃ
750. Hetū , sahetukā , hetusampayuttā , hetū ceva sahetukā ca , hetū ceva hetusampayuttā ca , na vattabbā na hetū sahetukātipi , nahetūahetukātipi .
Sappaccayā
M0.321 , saṅkhatā , anidassanā , appaṭighā , arūpā , tisso paṭisambhidā lokiyā , atthapaṭisambhidāV0.346 siyā lokiyā , siyā lokuttarā , kenaci viññeyyā , kenaci na viññeyyā .No āsavā .
Tisso paṭisambhidā sāsavā ;
atthapaṭisambhidā siyā sāsavā , siyā anāsavā .
Āsavavippayuttā .
Tisso paṭisambhidā
P0.305 na vattabbā āsavā ceva sāsavā cāti , sāsavā ceva no ca āsavā ;atthapaṭisambhidā na vattabbā āsavo [ āsavā ( sī .) dhātuvibhaṅge pana pāṭhanānattaṃ natthi ] ceva sāsavā cāti , siyā sāsavā ceva no ca āsavo [ āsavā ( sī .) dhātuvibhaṅge pana pāṭhanānattaṃ natthi ], siyā na vattabbā sāsavā ceva no ca āsavāti .
Na vattabbā āsavā ceva āsavasampayuttā cātipi , āsavasampayuttā ceva no ca āsavātipi .
Tisso paṭisambhidā āsavavippayuttā sāsavā ;
atthapaṭisambhidā siyā āsavavippayuttā sāsavā , siyā āsavavippayuttā anāsavā .
No
T0.418 saṃyojanā … pe … no ganthā … pe … no oghā … pe … no yogā … pe … no nīvaraṇā … pe … no parāmāsā … pe … sārammaṇā .No cittā , cetasikā , cittasampayuttā , cittasaṃsaṭṭhā , cittasamuṭṭhānā , cittasahabhuno , cittānuparivattino .
Cittasaṃsaṭṭhasamuṭṭhānā , cittasaṃsaṭṭhasamuṭṭhānasahabhuno , cittasaṃsaṭṭhasamuṭṭhānānuparivattino , bāhirā , no upādā , anupādinnā .
No upādānā … pe … no kilesā … pe … na dassanena pahātabbā .
Na bhāvanāya pahātabbā .
Na dassanena pahātabbahetukā .
Na bhāvanāya pahātabbahetukā .
Tisso paṭisambhidā savitakkā ;
atthapaṭisambhidā siyā savitakkā , siyā avitakkā .
Tisso paṭisambhidā savicārā ;
atthapaṭisambhidā siyā savicārā , siyā avicārā .
Siyā sappītikā , siyā appītikā .
Siyā pītisahagatā , siyā na pītisahagatā .
Siyā sukhasahagatā , siyā na sukhasahagatā .
Siyā upekkhāsahagatā , siyā na upekkhāsahagatā .
Tisso paṭisambhidā kāmāvacarā ;
atthapaṭisambhidā siyā kāmāvacarā , siyā na kāmāvacarā .
Na rūpāvacarā .
Na arūpāvacarā
M0.322 .Tisso paṭisambhidā pariyāpannā ;
atthapaṭisambhidā siyā pariyāpannā , siyā apariyāpannā .
Tisso paṭisambhidā aniyyānikā ;
atthapaṭisambhidā siyā niyyānikā , siyā aniyyānikā .
Tisso paṭisambhidā aniyatā ;
atthapaṭisambhidā siyā niyatā
V0.347 , siyā aniyatā .Tisso paṭisambhidā sauttarā ;
atthapaṭisambhidā siyā sauttarā
T0.419 , siyā anuttarā .Araṇāti .
Pañhāpucchakaṃ .
Paṭisambhidāvibhaṅgo niṭṭhito .