Issues
Editor
Settings
Vibhaṅgapāḷi
Vibhaṅgapāḷi

4. Saṅkhārakkhandho

Author： _System_Pali_VRI_ @ Administrator

4. Saṅkhārakkhandho

92. TatthaV0.42 katamo saṅkhārakkhandho ?
Ekavidhena saṅkhārakkhandho – cittasampayutto .
Duvidhena saṅkhārakkhandho – atthi hetu , atthi na hetu .
Tividhena saṅkhārakkhandho – atthi kusaloT0.45 , atthi akusalo , atthi abyākato .
Catubbidhena saṅkhārakkhandho – atthi kāmāvacaro , atthi rūpāvacaro , atthi arūpāvacaro , atthi apariyāpanno .
Pañcavidhena saṅkhārakkhandho – atthi sukhindriyasampayutto , atthi dukkhindriyasampayutto , atthi somanassindriyasampayutto , atthi domanassindriyasampayutto , atthi upekkhindriyasampayutto .
Evaṃ pañcavidhena saṅkhārakkhandho .
Chabbidhena saṅkhārakkhandho – cakkhusamphassajā cetanā , sotasamphassajā cetanā , ghānasamphassajā cetanā , jivhāsamphassajā cetanā , kāyasamphassajā cetanā , manosamphassajā cetanā .
Evaṃ chabbidhena saṅkhārakkhandho .
SattavidhenaM0.38 saṅkhārakkhandho – cakkhusamphassajā cetanā , sotasamphassajā cetanā , ghānasamphassajā cetanā , jivhāsamphassajā cetanā , kāyasamphassajā cetanā , manodhātusamphassajāP0.41 cetanā , manoviññāṇadhātusamphassajā cetanā .
Evaṃ sattavidhena saṅkhārakkhandho .
Aṭṭhavidhena saṅkhārakkhandho – cakkhusamphassajā cetanā … pe … kāyasamphassajā cetanā atthi sukhasahagatā , atthi dukkhasahagatā , manodhātusamphassajā cetanā , manoviññāṇadhātusamphassajā cetanāV0.43 .
Evaṃ aṭṭhavidhena saṅkhārakkhandho .
Navavidhena saṅkhārakkhandho – cakkhusamphassajā cetanā … pe … manodhātusamphassajā cetanā , manoviññāṇadhātusamphassajā cetanā atthi kusalā , atthi akusalā , atthi abyākatā .
Evaṃ navavidhena saṅkhārakkhandho .
Dasavidhena saṅkhārakkhandho – cakkhusamphassajā cetanā … pe … kāyasamphassajā cetanā atthi sukhasahagatā , atthi dukkhasahagatā , manodhātusamphassajā cetanā , manoviññāṇadhātusamphassajā cetanā atthi kusalā , atthiT0.46 akusalā , atthi abyākatā .
Evaṃ dasavidhena saṅkhārakkhandho .
93. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi hetu , atthi na hetu .
Tividhena saṅkhārakkhandho – atthi sukhāya vedanāya sampayutto , atthi dukkhāya vedanāya sampayutto , atthi adukkhamasukhāya vedanāya sampayutto .
Atthi vipāko , atthi vipākadhammadhammo , atthi nevavipākanavipākadhammadhammo .
Atthi upādinnupādāniyo , atthi anupādinnupādāniyo , atthi anupādinnaanupādāniyo .
Atthi saṃkiliṭṭhasaṃkilesiko , atthi asaṃkiliṭṭhasaṃkilesiko , atthi asaṃkiliṭṭhaasaṃkilesiko .
Atthi savitakkasavicāro , atthi avitakkavicāramatto , atthi avitakkaavicāro .
Atthi pītisahagato , atthi sukhasahagato , atthi upekkhāsahagato .
Atthi dassanena pahātabbo , atthi bhāvanāya pahātabbo , atthi neva dassanena na bhāvanāya pahātabbo .
Atthi dassanenaM0.39 pahātabbahetuko , atthi bhāvanāya pahātabbahetuko , atthi neva dassanena na bhāvanāya pahātabbahetuko .
Atthi ācayagāmī , atthi apacayagāmī , atthi nevācayagāmināpacayagāmī .
Atthi sekkho , atthi asekkho , atthi nevasekkhanāsekkho .
Atthi paritto , atthi mahaggato , atthi appamāṇo .
Atthi parittārammaṇo , atthi mahaggatārammaṇo , atthi appamāṇārammaṇo .
Atthi hīno , atthi majjhimo , atthi paṇīto .
Atthi micchattaniyato , atthi sammattaniyato , atthi aniyato .
Atthi maggārammaṇo , atthi maggahetuko , atthi maggādhipati .
Atthi uppanno , atthi anuppanno , atthiT0.47 uppādī .
Atthi atīto , atthi anāgato , atthi paccuppanno .
Atthi atītārammaṇo , atthi anāgatārammaṇo , atthi paccuppannārammaṇo .
Atthi ajjhatto , atthi bahiddho , atthi ajjhattabahiddhoV0.44 .
Atthi ajjhattārammaṇo , atthi bahiddhārammaṇo , atthi ajjhattabahiddhārammaṇo … pe ….
Evaṃ dasavidhena saṅkhārakkhandho .
94. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi sahetuko , atthi ahetuko .
AtthiP0.42 hetusampayutto , atthi hetuvippayutto .
Atthi hetu ceva sahetuko ca , atthi sahetuko ceva na ca hetu .
Atthi hetu ceva hetusampayutto ca , atthi hetusampayutto ceva na ca hetu .
Atthi na hetu sahetuko , atthi na hetu ahetuko .
Atthi lokiyo , atthi lokuttaro .
Atthi kenaci viññeyyo , atthi kenaci na viññeyyo .
Atthi āsavo , atthi no āsavo .
Atthi sāsavo , atthi anāsavo .
Atthi āsavasampayutto , atthi āsavavippayutto .
Atthi āsavo ceva sāsavo ca , atthi sāsavo ceva no ca āsavo .
Atthi āsavo ceva āsavasampayutto ca , atthi āsavasampayutto ceva no ca āsavo .
Atthi āsavavippayuttasāsavo , atthi āsavavippayuttaanāsavo .
Atthi saṃyojanaṃ , atthi no saṃyojanaṃ .
Atthi saṃyojaniyo , atthi asaṃyojaniyo .
Atthi saṃyojanasampayutto , atthi saṃyojanavippayutto .
Atthi saṃyojanañceva saṃyojaniyo ca , atthi saṃyojaniyo ceva no ca saṃyojanaṃ .
Atthi saṃyojanañceva saṃyojanasampayutto ca , atthi saṃyojanasampayuttoT0.48M0.40 ceva no ca saṃyojanaṃ .
Atthi saṃyojanavippayuttasaṃyojaniyo , atthi saṃyojanavippayuttaasaṃyojaniyo .
Atthi gantho , atthi no gantho .
Atthi ganthaniyo , atthi aganthaniyo .
Atthi ganthasampayutto , atthi ganthavippayutto .
Atthi gantho ceva ganthaniyo ca , atthi ganthaniyo ceva no ca gantho .
Atthi gantho ceva ganthasampayutto ca , atthi ganthasampayutto ceva no ca gantho .
AtthiP0.43 ganthavippayuttaganthaniyo , atthi ganthavippayuttaaganthaniyo .
Atthi ogho , atthi no ogho .
Atthi oghaniyo , atthi anoghaniyo .
Atthi oghasampayutto , atthi oghavippayutto .
Atthi ogho ceva oghaniyo ca , atthi oghaniyo ceva no ca ogho .
Atthi ogho ceva oghasampayutto ca , atthi oghasampayutto ceva no ca ogho .
Atthi oghavippayuttaoghaniyo , atthi oghavippayuttaanoghaniyo .
Atthi yogo , atthi no yogo .
Atthi yoganiyo , atthi ayoganiyo .
Atthi yogasampayutto , atthi yogavippayutto .
Atthi yogo ceva yoganiyo ca , atthiV0.45 yoganiyo ceva no ca yogo .
Atthi yogo ceva yogasampayutto ca , atthi yogasampayutto ceva no ca yogo .
Atthi yogavippayuttayoganiyo , atthi yogavippayuttaayoganiyo .
Atthi nīvaraṇaṃ , atthi no nīvaraṇaṃ .
Atthi nīvaraṇiyo , atthi anīvaraṇiyo .
Atthi nīvaraṇasampayutto , atthi nīvaraṇavippayutto .
Atthi nīvaraṇañceva nīvaraṇiyo ca , atthi nīvaraṇiyo ceva no ca nīvaraṇaṃ .
Atthi nīvaraṇañceva nīvaraṇasampayutto ca , atthi nīvaraṇasampayutto ceva no ca nīvaraṇaṃ .
Atthi nīvaraṇavippayuttanīvaraṇiyo , atthiT0.49 nīvaraṇavippayuttaanīvaraṇiyo .
Atthi parāmāso , atthi no parāmāso .
Atthi parāmaṭṭho , atthi aparāmaṭṭho .
Atthi parāmāsasampayutto , atthi parāmāsavippayutto .
Atthi parāmāso ceva parāmaṭṭho ca , atthi parāmaṭṭho ceva no ca parāmāso .
AtthiP0.44 parāmāsavippayuttaparāmaṭṭho , atthi parāmāsavippayuttaaparāmaṭṭho .
Atthi upādinno , atthi anupādinno .
Atthi upādānaṃ , atthi no upādānaṃ .
Atthi upādāniyo , atthi anupādāniyo .
Atthi upādānasampayutto , atthi upādānavippayutto .
Atthi upādānañceva upādāniyo ca , atthi upādāniyo ceva no ca upādānaṃ .
Atthi upādānañceva upādānasampayutto caM0.41 , atthi upādānasampayutto ceva no ca upādānaṃ .
Atthi upādānavippayuttaupādāniyo , atthi upādānavippayuttaanupādāniyo .
Atthi kileso , atthi no kileso .
Atthi saṃkilesiko , atthi asaṃkilesiko .
Atthi saṃkiliṭṭho , atthi asaṃkiliṭṭho .
Atthi kilesasampayutto , atthi kilesavippayutto .
Atthi kileso ceva saṃkilesiko ca , atthi saṃkilesiko ceva no ca kileso .
Atthi kileso ceva saṃkiliṭṭho ca , atthi saṃkiliṭṭho ceva no ca kileso .
Atthi kileso ceva kilesasampayutto ca , atthi kilesasampayutto ceva no ca kileso .
Atthi kilesavippayuttasaṃkilesiko , atthi kilesavippayuttaasaṃkilesiko .
Atthi dassanena pahātabbo , atthi na dassanena pahātabbo .
Atthi bhāvanāya pahātabbo , atthi na bhāvanāya pahātabbo .
Atthi dassanena pahātabbahetuko , atthi na dassanena pahātabbahetuko .
Atthi bhāvanāyaT0.50 pahātabbahetuko , atthi na bhāvanāya pahātabbahetuko .
Atthi savitakko , atthi avitakko .
Atthi savicāro , atthi avicāro .
Atthi sappītikoV0.46 , atthi appītiko .
AtthiP0.45 pītisahagato , atthi na pītisahagato .
Atthi sukhasahagato , atthi na sukhasahagato .
Atthi upekkhāsahagato , atthi na upekkhāsahagato .
Atthi kāmāvacaro , atthi na kāmāvacaro .
Atthi rūpāvacaro , atthi na rūpāvacaro .
Atthi arūpāvacaro , atthi na arūpāvacaro .
Atthi pariyāpanno , atthi apariyāpanno .
Atthi niyyāniko , atthi aniyyāniko .
Atthi niyato , atthi aniyato .
Atthi sauttaro , atthi anuttaro .
Atthi saraṇo , atthi araṇo .
Tividhena saṅkhārakkhandho – atthi kusalo , atthi akusalo , atthi abyākato … pe ….
Evaṃ dasavidhena saṅkhārakkhandho .
95. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi saraṇo , atthi araṇo .
TividhenaM0.42 saṅkhārakkhandho – atthi sukhāya vedanāya sampayutto … pe … atthi ajjhattārammaṇo , atthi bahiddhārammaṇo , atthi ajjhattabahiddhārammaṇo … pe ….
Evaṃ dasavidhena saṅkhārakkhandho .
Dukamūlakaṃ .
96. Ekavidhena saṅkhārakkhandho – cittasampayutto .
DuvidhenaP0.46 saṅkhārakkhandho – atthi hetu , atthi na hetu .
Tividhena saṅkhārakkhandho – atthi kusalo , atthi akusalo , atthi abyākato … pe ….
Evaṃ dasavidhena saṅkhārakkhandhoT0.51 .
97. Ekavidhena saṅkhārakkhandho – cittasampayutto .
DuvidhenaV0.47 saṅkhārakkhandho – atthi saraṇo , atthi araṇo .
Tividhena saṅkhārakkhandho – atthi kusalo , atthi akusalo , atthi abyākato … pe ….
Evaṃ dasavidhena saṅkhārakkhandho .
98. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi hetu , atthi na hetu .
Tividhena saṅkhārakkhandho – atthi ajjhattārammaṇo , atthi bahiddhārammaṇo , atthi ajjhattabahiddhārammaṇo … pe ….
Evaṃ dasavidhena saṅkhārakkhandho .
99. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi saraṇo , atthi araṇo .
Tividhena saṅkhārakkhandho – atthi ajjhattārammaṇo , atthi bahiddhārammaṇo , atthi ajjhattabahiddhārammaṇo … pe ….
Evaṃ dasavidhena saṅkhārakkhandho .
Tikamūlakaṃ .
100. Ekavidhena saṅkhārakkhandho – cittasampayutto .
DuvidhenaP0.47 saṅkhārakkhandho – atthi hetu , atthi na hetu .
TividhenaM0.43 saṅkhārakkhandho – atthi kusalo , atthi akusalo , atthi abyākato … pe ….
Evaṃ dasavidhena saṅkhārakkhandho .
101. EkavidhenaV0.48 saṅkhārakkhandho cittasampayutto .
Duvidhena saṅkhārakkhandho atthi sahetuko , atthi ahetuko .
Tividhena saṅkhārakkhandhoT0.52 – atthi sukhāya vedanāya sampayutto , atthi dukkhāya vedanāya sampayutto , atthi adukkhamasukhāya vedanāya sampayutto … pe ….
Evaṃ dasavidhena saṅkhārakkhandho .
102. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi hetusampayutto , atthi hetuvippayutto .
Tividhena saṅkhārakkhandho – atthi vipāko , atthi vipākadhammadhammo , atthi nevavipākanavipākadhammadhammo … pe ….
Evaṃ dasavidhena saṅkhārakkhandho .
103. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi hetu ceva sahetuko ca , atthi sahetuko ceva na ca hetu .
Tividhena saṅkhārakkhandho – atthi upādinnupādāniyo , atthi anupādinnupādāniyo , atthi anupādinnaanupādāniyo … pe ….
Evaṃ dasavidhena saṅkhārakkhandho .
104. Ekavidhena saṅkhārakkhandho – cittasampayutto .
DuvidhenaP0.48 saṅkhārakkhandho – atthi hetu ceva hetusampayutto ca , atthi hetusampayutto ceva na ca hetu .
TividhenaV0.49 saṅkhārakkhandho – atthi saṃkiliṭṭhasaṃkilesiko , atthi asaṃkiliṭṭhasaṃkilesiko , atthi asaṃkiliṭṭhaasaṃkilesiko … pe ….
Evaṃ dasavidhena saṅkhārakkhandho .
105. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi na hetu sahetuko , atthi na hetu ahetuko .
TividhenaM0.44 saṅkhārakkhandho – atthi savitakkasavicāro , atthi avitakkavicāramatto , atthi avitakkaavicāro … pe ….
Evaṃ dasavidhena saṅkhārakkhandho .
106. Ekavidhena saṅkhārakkhandho – cittasampayutto .
DuvidhenaT0.53 saṅkhārakkhandho – atthi lokiyo , atthi lokuttaro .
Tividhena saṅkhārakkhandho – atthi pītisahagato , atthi sukhasahagato , atthi upekkhāsahagato … pe ….
Evaṃ dasavidhena saṅkhārakkhandho .
107. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi kenaci viññeyyo , atthi kenaci na viññeyyo .
Tividhena saṅkhārakkhandho – atthi dassanena pahātabbo , atthi bhāvanāya pahātabbo , atthi neva dassanena na bhāvanāya pahātabbo … pe ….
Evaṃ dasavidhena saṅkhārakkhandho .
108. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi āsavo , atthi no āsavo .
TividhenaV0.50 saṅkhārakkhandho – atthi dassanena pahātabbahetuko , atthi bhāvanāya pahātabbahetuko , atthi neva dassanena na bhāvanāya pahātabbahetuko … pe ….
Evaṃ dasavidhena saṅkhārakkhandho .
109. Ekavidhena saṅkhārakkhandho – cittasampayutto .
DuvidhenaP0.49 saṅkhārakkhandho – atthi sāsavo , atthi anāsavo .
Tividhena saṅkhārakkhandho – atthi ācayagāmī , atthi apacayagāmī , atthi nevācayagāmināpacayagāmī … pe ….
Evaṃ dasavidhena saṅkhārakkhandho .
110. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi āsavasampayutto , atthi āsavavippayutto .
Tividhena saṅkhārakkhandho – atthi sekkho , atthi asekkho , atthi nevasekkhanāsekkho … pe ….
Evaṃ dasavidhena saṅkhārakkhandho .
111. EkavidhenaM0.45 saṅkhārakkhandho – cittasampayutto .
Duvidhena saṅkhārakkhandho – atthi āsavo ceva sāsavo ca , atthi sāsavo ceva no ca āsavoT0.54 .
Tividhena saṅkhārakkhandho – atthi paritto , atthi mahaggato , atthi appamāṇo … pe ….
Evaṃ dasavidhena saṅkhārakkhandho .
112. Ekavidhena saṅkhārakkhandho – cittasampayutto .
DuvidhenaV0.51 saṅkhārakkhandho – atthi āsavo ceva āsavasampayutto ca , atthi āsavasampayutto ceva no ca āsavo .
Tividhena saṅkhārakkhandho – atthi parittārammaṇo , atthi mahaggatārammaṇo , atthi appamāṇārammaṇo … pe ….
Evaṃ dasavidhena saṅkhārakkhandho .
113. Ekavidhena saṅkhārakkhandho – cittasampayutto .
DuvidhenaP0.50 saṅkhārakkhandho – atthi āsavavippayuttasāsavo , atthi āsavippayuttaanāsavo .
Tividhena saṅkhārakkhandho – atthi hīno , atthi majjhimo , atthi paṇīto … pe ….
Evaṃ dasavidhena saṅkhārakkhandho .
114. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi saṃyojanaṃ , atthi no saṃyojanaṃ .
Tividhena saṅkhārakkhandho – atthi micchattaniyato , atthi sammattaniyato , atthi aniyato … pe ….
Evaṃ dasavidhena saṅkhārakkhandho .
115. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi saṃyojaniyo , atthi asaṃyojaniyo .
Tividhena saṅkhārakkhandho – atthi maggārammaṇo , atthi maggahetuko , atthi maggādhipati … pe ….
Evaṃ dasavidhena saṅkhārakkhandho .
116. EkavidhenaM0.46V0.52 saṅkhārakkhandho – cittasampayutto .
Duvidhena saṅkhārakkhandho – atthi saṃyojanasampayutto , atthi saṃyojanavippayutto .
Tividhena saṅkhārakkhandho – atthi uppanno , atthi anuppanno , atthi uppādī … pe ….
Evaṃ dasavidhena saṅkhārakkhandho .
117. Ekavidhena saṅkhārakkhandho – cittasampayuttoT0.55 .
DuvidhenaP0.51 saṅkhārakkhandho – atthi saṃyojanañceva saṃyojaniyo ca , atthi saṃyojaniyo ceva no ca saṃyojanaṃ .
Tividhena saṅkhārakkhandho – atthi atīto , atthi anāgato , atthi paccuppanno … pe ….
Evaṃ dasavidhena saṅkhārakkhandho .
118. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi saṃyojanañceva saṃyojanasampayutto ca , atthi saṃyojanasampayutto ceva no ca saṃyojanaṃ .
Tividhena saṅkhārakkhandho – atthi atītārammaṇo , atthi anāgatārammaṇo , atthi paccuppannārammaṇo … pe ….
Evaṃ dasavidhena saṅkhārakkhandho .
119. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi saṃyojanavippayuttasaṃyojaniyo , atthi saṃyojanavippayuttaasaṃyojaniyo .
TividhenaV0.53 saṅkhārakkhandho – atthi ajjhatto , atthi bahiddho , atthi ajjhattabahiddho … pe ….
Evaṃ dasavidhena saṅkhārakkhandho .
120. Ekavidhena saṅkhārakkhandho – cittasampayutto .
Duvidhena saṅkhārakkhandho – atthi gantho , atthi no gantho .
Tividhena saṅkhārakkhandho – atthi ajjhattārammaṇo , atthi bahiddhārammaṇo , atthi ajjhattabahiddhārammaṇo … pe ….
Evaṃ dasavidhena saṅkhārakkhandho .
Ubhatovaḍḍhakaṃ .
SattavidhenaM0.47P0.52 saṅkhārakkhandho – atthi kusalo , atthi akusalo , atthi abyākato ;
atthi kāmāvacaro , atthi rūpāvacaro , atthi arūpāvacaro , atthi apariyāpanno .
Evaṃ sattavidhena saṅkhārakkhandho .
Aparopi sattavidhenaT0.56 saṅkhārakkhandho – atthi sukhāya vedanāya sampayutto , atthi dukkhāya vedanāya sampayutto , atthi adukkhamasukhāya vedanāya sampayutto ;
atthi kāmāvacaro , atthi rūpāvacaro , atthi arūpāvacaro , atthi apariyāpanno … pe … atthi ajjhattārammaṇo , atthi bahiddhārammaṇo atthi ajjhattabahiddhārammaṇo ;
atthi kāmāvacaro , atthi rūpāvacaro , atthi arūpāvacaro , atthi apariyāpanno .
Evaṃ sattavidhena saṅkhārakkhandho .
Catuvīsatividhena saṅkhārakkhandho – cakkhusamphassapaccayā saṅkhārakkhandho atthi kusalo , atthi akusalo , atthi abyākato ;
sotasamphassapaccayā … pe … ghānasamphassapaccayā … pe … jivhāsamphassapaccayā … pe … kāyasamphassapaccayā … pe … manosamphassapaccayā saṅkhārakkhandho atthi kusalo , atthi akusalo , atthi abyākato ;
cakkhusamphassajā cetanā … pe … manosamphassajā cetanā .
Evaṃ catuvīsatividhena saṅkhārakkhandho .
AparopiV0.54 catuvīsatividhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto … pe … atthi ajjhattārammaṇo , atthi bahiddhārammaṇo , atthi ajjhattabahiddhārammaṇo ;
cakkhusamphassajā cetanā … pe … manosamphassajā cetanā ;
sotasamphassapaccayā … pe … ghānasamphassapaccayā … pe … jivhāsamphassapaccayā … pe … kāyasamphassapaccayā … pe … manosamphassapaccayā saṅkhārakkhandho atthi sukhāya vedanāya sampayutto … pe … atthi ajjhattārammaṇo , atthi bahiddhārammaṇo , atthi ajjhattabahiddhārammaṇo ;
cakkhusamphassajā cetanā , sotasamphassajā cetanā , ghānasamphassajā cetanā , jivhāsamphassajā cetanā , kāyasamphassajā cetanā , manosamphassajā cetanā .
Evaṃ catuvīsatividhena saṅkhārakkhandho .
TiṃsatividhenaT0.57 saṅkhārakkhandho – cakkhusamphassapaccayā saṅkhārakkhandho atthi kāmāvacaro , atthi rūpāvacaro , atthi arūpāvacaro , atthi apariyāpannoM0.48 ;
sotasamphassapaccayā … pe … ghānasamphassapaccayāP0.53 … pe … jivhāsamphassapaccayā … pe … kāyasamphassapaccayā … pe … manosamphassapaccayā saṅkhārakkhandho atthi kāmāvacaro , atthi rūpāvacaro , atthi arūpāvacaro , atthi apariyāpanno ;
cakkhusamphassajā cetanā … pe … manosamphassajā cetanā .
Evaṃ tiṃsatividhena saṅkhārakkhandho .
Bahuvidhena saṅkhārakkhandho – cakkhusamphassapaccayā saṅkhārakkhandho atthi kusalo , atthi akusalo , atthi abyākato , atthi kāmāvacaro , atthi rūpāvacaro , atthi arūpāvacaro , atthi apariyāpanno ;
sotasamphassapaccayā … pe … ghānasamphassapaccayā … pe … jivhāsamphassapaccayā … pe … kāyasamphassapaccayā … pe … manosamphassapaccayā saṅkhārakkhandho atthi kusalo , atthi akusalo , atthi abyākato , atthi kāmāvacaro , atthi rūpāvacaro , atthi arūpāvacaro , atthi apariyāpanno ;
cakkhusamphassajā cetanā , sotasamphassajā cetanā , ghānasamphassajā cetanā , jivhāsamphassajā cetanā , kāyasamphassajā cetanā , manosamphassajā cetanā .
Evaṃ bahuvidhena saṅkhārakkhandho .
Aparopi bahuvidhena saṅkhārakkhandho – cakkhusamphassapaccayā saṅkhārakkhandho atthi sukhāya vedanāya sampayutto , atthi dukkhāya vedanāya sampayutto , atthi adukkhamasukhāya vedanāya sampayutto … pe … atthi ajjhattārammaṇo , atthi bahiddhārammaṇo , atthi ajjhattabahiddhārammaṇo , atthi kāmāvacaro , atthi rūpāvacaro , atthiT0.58 arūpāvacaro , atthi apariyāpanno ;
sotasamphassapaccayā … pe … ghānasamphassapaccayā … pe … jivhāsamphassapaccayā … pe … kāyasamphassapaccayā … pe … manosamphassapaccayā saṅkhārakkhandho atthi sukhāya vedanāya sampayuttoV0.55 … pe … atthi ajjhattārammaṇo , atthi bahiddhārammaṇo , atthi ajjhattabahiddhārammaṇo , atthi kāmāvacaro , atthi rūpāvacaro , atthi arūpāvacaro , atthi apariyāpanno ;
cakkhusamphassajā cetanā , sotasamphassajā cetanā , ghānasamphassajā cetanā , jivhāsamphassajā cetanā , kāyasamphassajā cetanā , manosamphassajā cetanā .
Evaṃ bahuvidhena saṅkhārakkhandho .
Ayaṃ vuccati saṅkhārakkhandho .