7. Sampayuttacatukkaṃ
Tasmiṃ samaye avijjāpaccayā saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmaṃ viññāṇasampayuttaṃ , nāmapaccayā chaṭṭhāyatanaṃ nāmasampayuttaṃ , chaṭṭhāyatanapaccayā phasso chaṭṭhāyatanasampayutto , phassapaccayā vedanā phassasampayuttā , vedanāpaccayā taṇhā vedanāsampayuttā , taṇhāpaccayā upādānaṃ taṇhāsampayuttaṃ ;
upādānapaccayā
V0.173 bhavo , bhavapaccayā jāti , jātipaccayā jarāmaraṇaṃ .Evametassa kevalassa dukkhakkhandhassa samudayo hoti .
265. Tattha katamā avijjā ?
Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha
M0.160 katamo avijjāpaccayāT0.205 saṅkhāro avijjāsampayutto ?Yā cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāsampayutto ’’.
Tattha katamaṃ saṅkhārapaccayā viññāṇaṃ saṅkhārasampayuttaṃ ?
Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ saṅkhārasampayuttaṃ ’’.
Tattha katamaṃ viññāṇapaccayā nāmaṃ viññāṇasampayuttaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ viññāṇapaccayā nāmaṃ viññāṇasampayuttaṃ ’’.
Tattha katamaṃ nāmapaccayā chaṭṭhāyatanaṃ nāmasampayuttaṃ ?
Yaṃ
P0.154 cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ nāmapaccayā chaṭṭhāyatanaṃ nāmasampayuttaṃ ’’.Tattha katamo chaṭṭhāyatanapaccayā phasso chaṭṭhāyatanasampayutto ?
Yo phasso phusanā samphusanā samphusitattaṃ – ayaṃ vuccati ‘‘ chaṭṭhāyatanapaccayā phasso chaṭṭhāyatanasampayutto ’’.
Tattha katamā phassapaccayā vedanā phassasampayuttā ?
Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘ phassapaccayā vedanā phassasampayuttā ’’.
Tattha katamā vedanāpaccayā taṇhā vedanāsampayuttā ?
Yo rāgo sārāgo … pe … cittassa sārāgo – ayaṃ vuccati ‘‘ vedanāpaccayā taṇhā vedanāsampayuttā ’’.
Tattha
V0.174 katamaṃ taṇhāpaccayā upādānaṃ taṇhāsampayuttaṃ ?Yā diṭṭhi diṭṭhigataṃ … pe … titthāyatanaṃ vipariyāsaggāho – idaṃ vuccati ‘‘ taṇhāpaccayā upādānaṃ taṇhāsampayuttaṃ ’’
T0.206 … pe … tena vuccati ‘‘ evametassa kevalassa dukkhakkhandhassa samudayo hotī ’’ ti . 266. Tasmiṃ samaye avijjāpaccayā saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmaṃ viññāṇasampayuttaṃ , nāmapaccayā phasso nāmasampayutto , phassapaccayā vedanā phassasampayuttā
M0.161 , vedanāpaccayā taṇhā vedanāsampayuttā , taṇhāpaccayā upādānaṃ taṇhāsampayuttaṃ ;upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
267. Tattha katamā avijjā ?
Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha katamo avijjāpaccayā saṅkhāro avijjāsampayutto ?
Yā
P0.155 cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāsampayutto ’’.Tattha katamaṃ saṅkhārapaccayā viññāṇaṃ saṅkhārasampayuttaṃ ?
Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ saṅkhārasampayuttaṃ ’’.
Tattha katamaṃ viññāṇapaccayā nāmaṃ viññāṇasampayuttaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ viññāṇapaccayā nāmaṃ viññāṇasampayuttaṃ ’’.
Nāmapaccayā phasso nāmasampayuttoti .
Tattha katamaṃ nāmaṃ ?
Ṭhapetvā phassaṃ , vedanākkhandho saññākkhandho saṅkhārakkhandho
T0.207 viññāṇakkhandho – idaṃ vuccati ‘‘ nāmaṃ ’’.Tattha katamo nāmapaccayā phasso nāmasampayutto ?
Yo phasso phusanā samphusanā samphusitattaṃ – ayaṃ vuccati ‘‘ nāmapaccayā phasso nāmasampayutto ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .
268. Tasmiṃ
V0.175 samaye avijjāpaccayā saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmarūpaṃ viññāṇasampayuttaṃ nāmaṃ , nāmarūpapaccayā chaṭṭhāyatanaṃ nāmasampayuttaṃ , chaṭṭhāyatanapaccayā phasso chaṭṭhāyatanasampayutto , phassapaccayā vedanā phassasampayuttā , vedanāpaccayā taṇhā vedanāsampayuttā , taṇhāpaccayā upādānaṃ taṇhāsampayuttaṃ ;upādānapaccayā bhavo , bhavapaccayā jāti , jātipaccayā
M0.162 jarāmaraṇaṃ .Evametassa kevalassa dukkhakkhandhassa samudayo hoti .
269. Tattha katamā avijjā ?
Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha katamo avijjāpaccayā saṅkhāro avijjāsampayutto ?
Yā cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāsampayutto ’’.
Tattha
P0.156 katamaṃ saṅkhārapaccayā viññāṇaṃ saṅkhārasampayuttaṃ ?Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ saṅkhārasampayuttaṃ ’’.
Tattha katamaṃ
T0.208 viññāṇapaccayā nāmarūpaṃ viññāṇasampayuttaṃ nāmaṃ ?Atthi nāmaṃ , atthi rūpaṃ .
Tattha katamaṃ nāmaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ nāmaṃ ’’.
Tattha katamaṃ rūpaṃ ?
Cakkhāyatanassa upacayo , sotāyatanassa upacayo , ghānāyatanassa upacayo , jivhāyatanassa upacayo , kāyāyatanassa upacayo , yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘ rūpaṃ ’’.
Iti idañca nāmaṃ , idañca rūpaṃ .
Idaṃ vuccati ‘‘ viññāṇapaccayā nāmarūpaṃ viññāṇasampayuttaṃ nāmaṃ ’’.
Nāmarūpapaccayā chaṭṭhāyatanaṃ nāmasampayuttanti .
Atthi nāmaṃ , atthi rūpaṃ .
Tattha katamaṃ nāmaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ nāmaṃ ’’.
Tattha katamaṃ rūpaṃ ?
Yaṃ rūpaṃ nissāya manoviññāṇadhātu vattati – idaṃ vuccati ‘‘ rūpaṃ ’’.
Iti idañca nāmaṃ , idañca rūpaṃ .
Idaṃ vuccati ‘‘ nāmarūpaṃ ’’.
Tattha
V0.176 katamaṃ nāmarūpapaccayā chaṭṭhāyatanaṃ nāmasampayuttaṃ ?Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ nāmarūpapaccayā chaṭṭhāyatanaṃ nāmasampayuttaṃ ’’.
Tattha katamo chaṭṭhāyatanapaccayā phasso chaṭṭhāyatanasampayutto ?
Yo phasso phusanā samphusanā samphusitattaṃ – ayaṃ vuccati ‘‘ chaṭṭhāyatanapaccayā phasso chaṭṭhāyatanasampayutto ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .
270. Tasmiṃ
M0.163 samaye avijjāpaccayā saṅkhāro avijjāsampayutto , saṅkhārapaccayā viññāṇaṃ saṅkhārasampayuttaṃ , viññāṇapaccayā nāmarūpaṃ viññāṇasampayuttaṃ nāmaṃ , nāmarūpapaccayā saḷāyatanaṃ nāmasampayuttaṃT0.209 chaṭṭhāyatanaṃ , chaṭṭhāyatanapaccayā phasso chaṭṭhāyatanasampayutto , phassapaccayāP0.157 vedanā phassasampayuttā , vedanāpaccayā taṇhā vedanāsampayuttā , taṇhāpaccayā upādānaṃ taṇhāsampayuttaṃ ;upādānapaccayā bhavo , bhavapaccayā jāti , jātipaccayā jarāmaraṇaṃ .
Evametassa kevalassa dukkhakkhandhassa samudayo hoti .
271. Tattha katamā avijjā ?
Yaṃ aññāṇaṃ adassanaṃ … pe … avijjālaṅgī moho akusalamūlaṃ – ayaṃ vuccati ‘‘ avijjā ’’.
Tattha katamo avijjāpaccayā saṅkhāro avijjāsampayutto ?
Yā cetanā sañcetanā sañcetayitattaṃ – ayaṃ vuccati ‘‘ avijjāpaccayā saṅkhāro avijjāsampayutto ’’.
Tattha katamaṃ saṅkhārapaccayā viññāṇaṃ saṅkhārasampayuttaṃ ?
Yaṃ cittaṃ mano mānasaṃ … pe … tajjāmanoviññāṇadhātu – idaṃ vuccati ‘‘ saṅkhārapaccayā viññāṇaṃ saṅkhārasampayuttaṃ ’’.
Tattha katamaṃ viññāṇapaccayā nāmarūpaṃ viññāṇasampayuttaṃ nāmaṃ ?
Atthi nāmaṃ , atthi rūpaṃ .
Tattha katamaṃ nāmaṃ ?
Vedanākkhandho , saññākkhandho , saṅkhārakkhandho – idaṃ vuccati ‘‘ nāmaṃ ’’.
Tattha katamaṃ rūpaṃ ?
Cakkhāyatanassa upacayo , sotāyatanassa upacayo , ghānāyatanassa upacayo , jivhāyatanassa upacayo , kāyāyatanassa upacayo , yaṃ vā panaññampi atthi
V0.177 rūpaṃ cittajaṃ cittahetukaṃ cittasamuṭṭhānaṃ – idaṃ vuccati ‘‘ rūpaṃ ’’.Iti idañca nāmaṃ , idañca rūpaṃ .
Idaṃ vuccati ‘‘ viññāṇapaccayā nāmarūpaṃ viññāṇasampayuttaṃ nāmaṃ ’’.
Nāmarūpapaccayā saḷāyatanaṃ nāmasampayuttaṃ chaṭṭhāyatananti .
Atthi nāmaṃ , atthi rūpaṃ .
Tattha
T0.210 katamaṃ nāmaṃ ?Vedanākkhandho , saññākkhandho , saṅkhārakkhandho – idaṃ vuccati ‘‘ nāmaṃ ’’.
Tattha katamaṃ rūpaṃ ?
Cattāro ca mahābhūtā , yañca rūpaṃ nissāya manoviññāṇadhātu vattati – idaṃ vuccati ‘‘ rūpaṃ ’’.
Iti idañca nāmaṃ , idañca rūpaṃ .
Idaṃ vuccati ‘‘ nāmarūpaṃ ’’.
Tattha katamaṃ nāmarūpapaccayā saḷāyatanaṃ nāmasampayuttaṃ chaṭṭhāyatanaṃ ?
Cakkhāyatanaṃ , sotāyatanaṃ , ghānāyatanaṃ , jivhāyatanaṃ , kāyāyatanaṃ , manāyatanaṃ
M0.164 – idaṃ vuccati ‘‘ nāmarūpapaccayā saḷāyatanaṃ nāmasampayuttaṃ chaṭṭhāyatanaṃ ’’.Tattha
P0.158 katamo chaṭṭhāyatanapaccayā phasso chaṭṭhāyatanasampayutto ?Yo phasso phusanā samphusanā samphusitattaṃ – ayaṃ vuccati ‘‘ chaṭṭhāyatanapaccayā phasso chaṭṭhāyatanasampayutto ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .
Sampayuttacatukkaṃ .