10. Kusalaniddeso

Author： _System_Pali_VRI_ @ Administrator

10. Kusalaniddeso

292. KatameV0.191 dhammā kusalā ?

Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇasampayuttaṃ rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

293. Tattha katame kusalamūlā ?

Alobho , adoso , amoho .

TatthaM0.176 katamo alobho ?

Yo alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ vuccati ‘‘ alobho ’’.

Tattha katamo adoso ?

Yo adoso adussanā adussitattaṃ abyāpādoT0.226 abyāpajjo adoso kusalamūlaṃ – ayaṃ vuccati ‘‘ adoso ’’.

Tattha katamo amoho ?

Yā paññā pajānanā … pe … amoho dhammavicayo sammādiṭṭhi – ayaṃ vuccati ‘‘ amoho ’’.

Ime vuccanti ‘‘ kusalamūlā ’’.

TatthaP0.170 katamo kusalamūlapaccayā saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ kusalamūlapaccayā saṅkhāro ’’.

Tattha katamaṃ saṅkhārapaccayā viññāṇaṃ … pe … viññāṇapaccayā nāmaṃ … pe … nāmapaccayā chaṭṭhāyatanaṃ … pe … chaṭṭhāyatanapaccayā phasso … pe … phassapaccayā vedanā … pe … ayaṃ vuccati ‘‘ phassapaccayā vedanā ’’.

TatthaV0.192 katamo vedanāpaccayā pasādo ?

Yā saddhā saddahanā okappanā abhippasādo – ayaṃ vuccati ‘‘ vedanāpaccayā pasādo ’’.

Tattha katamo pasādapaccayā adhimokkho ?

Yo cittassa adhimokkho adhimuccanā tadadhimuttatā – ayaṃ vuccati ‘‘ pasādapaccayā adhimokkho ’’.

Tattha katamo adhimokkhapaccayā bhavo ?

Ṭhapetvā adhimokkhaṃ , vedanākkhandho saññākkhandho saṅkhārakkhandho viññāṇakkhandho – ayaṃ vuccati ‘‘ adhimokkhapaccayā bhavo ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

294. Katame dhammā kusalā ?

Yasmiṃ samaye kāmāvacaraṃ kusalaṃ cittaṃ uppannaṃ hoti somanassasahagataṃ ñāṇasampayuttaṃ sasaṅkhārena rūpārammaṇaṃ vā … pe … somanassasahagataṃ ñāṇavippayuttaṃ rūpārammaṇaṃ vā … pe … somanassasahagataṃ ñāṇavippayuttaṃ sasaṅkhārena rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye kusalamūlapaccayā saṅkhāro , saṅkhārapaccayāT0.227 viññāṇaṃM0.177 , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

295. TatthaP0.171 katame kusalamūlā ?

Alobho , adoso .

Tattha katamo alobho ?

Yo alobho alubbhanā alubbhitattaṃ asārāgo asārajjanā asārajjitattaṃ anabhijjhā alobho kusalamūlaṃ – ayaṃ vuccati ‘‘ alobho ’’.

Tattha katamo adoso ?

Yo adoso adussanā adussitattaṃ abyāpādo abyāpajjo adoso kusalamūlaṃ – ayaṃ vuccati ‘‘ adoso ’’.

Ime vuccanti ‘‘ kusalamūlā ’’.

TatthaV0.193 katamo kusalamūlapaccayā saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ kusalamūlapaccayā saṅkhāro ’’… pe … ayaṃ vuccati ‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘ phassapaccayā vedanā ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

296. Katame dhammā kusalā ?

Yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagataṃ ñāṇasampayuttaṃ rūpārammaṇaṃ vā … pe … upekkhāsahagataṃ ñāṇasampayuttaṃ sasaṅkhārena rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayāT0.228 bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

297. TatthaM0.178 katame kusalamūlā ?

Alobho , adoso , amoho – ime vuccanti ‘‘ kusalamūlā ’’.

Tattha katamo kusalamūlapaccayā saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ kusalamūlapaccayā saṅkhāro ’’… pe … ayaṃ vuccati –

‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

Yaṃ cetasikaṃ neva sātaṃ nāsātaṃ cetosamphassajaṃ adukkhamasukhaṃ vedayitaṃ cetosamphassajā adukkhamasukhā vedanā – ayaṃ vuccati ‘‘ phassapaccayā vedanā ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

Katame dhammā kusalā ?

Yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagataṃ ñāṇavippayuttaṃ rūpārammaṇaṃ vā … pe … upekkhāsahagataṃV0.194 ñāṇavippayuttaṃ sasaṅkhārena rūpārammaṇaṃ vā saddārammaṇaṃ vā gandhārammaṇaṃ vā rasārammaṇaṃ vā phoṭṭhabbārammaṇaṃ vā dhammārammaṇaṃ vā yaṃ yaṃ vā panārabbha , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

299. Tattha katame kusalamūlā ?

Alobho , adoso – ime vuccantiT0.229 ‘‘ kusalamūlā ’’.

Tattha katamo kusalamūlapaccayā saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ kusalamūlapaccayā saṅkhāro ’’… pe … tena vuccati ‘‘ evametassa kevalassa dukkhakkhandhassa samudayo hotī ’’ ti .

300. Katame dhammā kusalā ?

Yasmiṃ samaye rūpūpapattiyā maggaṃ bhāveti vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ [ paṭhavīkasiṇaṃ ( sī . syā .)], tasmiṃ samaye kusalamūlapaccayā saṅkhāro , saṅkhārapaccayāP0.172 viññāṇaṃM0.179 , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

301. Tattha katame kusalamūlā ?

Alobho , adoso , amoho – ime vuccanti ‘‘ kusalamūlā ’’.

Tattha katamo kusalamūlapaccayā saṅkhāro ?

302. KatameV0.195 dhammā kusalā ?

Yasmiṃ samaye arūpūpapattiyā maggaṃ bhāveti sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajjaT0.230 viharati , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayā jāti , jātipaccayā jarāmaraṇaṃ .

Evametassa kevalassa dukkhakkhandhassa samudayo hoti .

303. Tattha katame kusalamūlā ?

Alobho , adoso , amoho – ime vuccanti ‘‘ kusalamūlā ’’.

Tattha katamo kusalamūlapaccayā saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ kusalamūlapaccayā saṅkhāro ’’… pe … ayaṃ vuccati ‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

304. KatameM0.180 dhammā kusalā ?

Yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃP0.173 upasampajja viharati dukkhapaṭipadaṃ dandhābhiññaṃ , tasmiṃ samaye kusalamūlapaccayā saṅkhāro , saṅkhārapaccayā viññāṇaṃ , viññāṇapaccayā nāmaṃ , nāmapaccayā chaṭṭhāyatanaṃ , chaṭṭhāyatanapaccayā phasso , phassapaccayā vedanā , vedanāpaccayā pasādo , pasādapaccayā adhimokkho , adhimokkhapaccayā bhavo , bhavapaccayāT0.231 jāti , jātipaccayā jarāmaraṇaṃ .

Evametesaṃ dhammānaṃ samudayo hoti .

305. Tattha katame kusalamūlā ?

Alobho , adoso , amoho .

TatthaV0.196 katamo alobho … pe … adoso … pe … amoho ?

Yā paññā pajānanā … pe … amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ vuccati ‘‘ amoho ’’.

Ime vuccanti ‘‘ kusalamūlā ’’.

Tattha katamo kusalamūlapaccayā saṅkhāro ?

Yā cetanā sañcetanā sañcetayitattaṃ – ayaṃ vuccati ‘‘ kusalamūlapaccayā saṅkhāro ’’… pe … ayaṃ vuccati ‘‘ chaṭṭhāyatanapaccayā phasso ’’.

Tattha katamā phassapaccayā vedanā ?

Yaṃ cetasikaṃ sātaṃ cetasikaṃ sukhaṃ cetosamphassajaṃ sātaṃ sukhaṃ vedayitaṃ cetosamphassajā sātā sukhā vedanā – ayaṃ vuccati ‘‘ phassapaccayā vedanā ’’.

Tattha katamo vedanāpaccayā pasādo ?

Yā saddhā saddahanā okappanā abhippasādo – ayaṃ vuccati ‘‘ vedanāpaccayā pasādo ’’.

Tattha katamo pasādapaccayā adhimokkho ?

Yo cittassa adhimokkho adhimuccanā tadadhimuttatā – ayaṃ vuccati ‘‘ pasādapaccayā adhimokkho ’’.

Tattha katamo adhimokkhapaccayā bhavo ?

Ṭhapetvā adhimokkhaṃ , vedanākkhandho saññākkhandho saṅkhārakkhandho viññāṇakkhandho – ayaṃ vuccati ‘‘ adhimokkhapaccayā bhavo ’’… pe … ayaṃ vuccati ‘‘ jātipaccayā jarāmaraṇaṃ ’’.

EvametesaṃM0.181 dhammānaṃ samudayo hotīti .

Evametesaṃ dhammānaṃ saṅgati hoti , samāgamo hoti , samodhānaṃ hoti , pātubhāvo hoti .

Tena vuccati ‘‘ evametesaṃ dhammānaṃ samudayo hotī ’’ ti .

Kusalaniddeso .

Issues

Select Version

Vibhaṅgapāḷi

Vibhaṅgapāḷi