(11) Dovacassatā ca pāpamittatā ca
901.( Ka ) tattha katamā dovacassatā ?
Sahadhammike vuccamāne dovacassāyaṃ dovacassiyaṃ dovacassatā vippaṭikulaggāhitā vipaccanīkasātatā anādariyaṃ anādaratā agāravatā appatissavatā – ayaṃ vuccati ‘‘ dovacassatā ’’.
( Kha ) tattha
M0.374 katamā pāpamittatā ?Ye te puggalā assaddhā dussīlā appassutā maccharino duppaññā , yā tesaṃ sevanā nisevanā saṃsevanā bhajanā sambhajanā bhatti sambhatti sampavaṅkatā – ayaṃ vuccati ‘‘ pāpamittatā ’’.