2. Abhidhammabhājanīyaṃ
472. Satta
V0.259 bojjhaṅgā – satisambojjhaṅgo , dhammavicayasambojjhaṅgo , vīriyasambojjhaṅgo , pītisambojjhaṅgo , passaddhisambojjhaṅgo , samādhisambojjhaṅgo , upekkhāsambojjhaṅgo . 473. Tattha katame satta bojjhaṅgā ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye satta bojjhaṅgā honti – satisambojjhaṅgo … pe … upekkhāsambojjhaṅgo .
474. Tattha katamo satisambojjhaṅgo ?
Yā sati anussati … pe … sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘ satisambojjhaṅgo ’’.
Tattha
T0.310M0.239 katamo dhammavicayasambojjhaṅgo ?Yā paññā pajānanā … pe … amoho dhammavicayo sammādiṭṭhi dhammavicayasambojjhaṅgo maggaṅgaṃ maggapariyāpannaṃ – ayaṃ vuccati ‘‘ dhammavicayasambojjhaṅgo ’’.
Tattha katamo vīriyasambojjhaṅgo ?
Yo cetasiko vīriyārambho … pe … sammāvāyāmo vīriyasambojjhaṅgo maggaṅgaṃ maggapariyāpannaṃ – ayaṃ vuccati ‘‘ vīriyasambojjhaṅgo ’’.
Tattha katamo pītisambojjhaṅgo ?
Yā pīti pāmojjaṃ āmodanā pamodanā hāso pahāso vitti odagyaṃ [ odaggaṃ ( sī .) dha . sa .9] attamanatā cittassa pītisambojjhaṅgo – ayaṃ vuccati ‘‘ pītisambojjhaṅgo ’’.
Tattha
P0.230 katamo passaddhisambojjhaṅgo ?Yā vedanākkhandhassa saññākkhandhassa saṅkhārakkhandhassa viññāṇakkhandhassa passaddhi paṭippassaddhi passambhanā paṭippassambhanā paṭippassambhitattaṃ passaddhisambojjhaṅgo – ayaṃ vuccati ‘‘ passaddhisambojjhaṅgo ’’.
Tattha
V0.260 katamo samādhisambojjhaṅgo ?Yā cittassa ṭhiti … pe … sammāsamādhi samādhisambojjhaṅgo maggaṅgaṃ maggapariyāpannaṃ – ayaṃ vuccati ‘‘ samādhisambojjhaṅgo ’’.
Tattha katamo upekkhāsambojjhaṅgo ?
Yā upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘ upekkhāsambojjhaṅgo ’’.
Ime vuccanti satta bojjhaṅgā .
Avasesā dhammā sattahi bojjhaṅgehi
T0.311 sampayuttā . 475. Satta bojjhaṅgā – satisambojjhaṅgo … pe … upekkhāsambojjhaṅgo .
476. Tattha katamo satisambojjhaṅgo ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , yā tasmiṃ samaye sati anussati sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘ satisambojjhaṅgo ’’.
Avasesā dhammā satisambojjhaṅgasampayuttā … pe … avasesā dhammā
M0.240 dhammavicayasambojjhaṅgasampayuttā … pe … avasesā dhammā vīriyasambojjhaṅgasampayuttā … pe … avasesā dhammā pītisambojjhaṅgasampayuttā … pe … avasesā dhammā passaddhisambojjhaṅgasampayuttā … pe … avasesā dhammā samādhisambojjhaṅgasampayuttā .Tattha katamo upekkhāsambojjhaṅgo ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , yā tasmiṃ samaye upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘ upekkhāsambojjhaṅgo ’’.
Avasesā dhammā upekkhāsambojjhaṅgasampayuttā .
477. Satta
T0.312P0.231 bojjhaṅgā – satisambojjhaṅgo … pe … upekkhāsambojjhaṅgo . 478. Tattha katame satta bojjhaṅgā ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi
V0.261 … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , yo tasmiṃ samaye phasso hoti … pe … avikkhepo hoti – ime dhammā kusalā .Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ , tasmiṃ samaye satta bojjhaṅgā honti – satisambojjhaṅgo … pe … upekkhāsambojjhaṅgo .
479. Tattha katamo satisambojjhaṅgo ?
Yā sati anussati … pe … sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘ satisambojjhaṅgo ’’… pe ….
Tattha katamo upekkhāsambojjhaṅgo ?
Yā upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘ upekkhāsambojjhaṅgo ’’.
Ime vuccanti ‘‘ satta bojjhaṅgā ’’.
Avasesā dhammā sattahi bojjhaṅgehi sampayuttā .
480. Satta bojjhaṅgā – satisambojjhaṅgo … pe … upekkhāsambojjhaṅgo .
481. Tattha
M0.241 katamo satisambojjhaṅgo ?Idha bhikkhu yasmiṃ samaye lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ
T0.313 upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti .Ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , yā tasmiṃ samaye sati anussati sammāsati satisambojjhaṅgo maggaṅgaṃ maggapariyāpannaṃ – ayaṃ vuccati ‘‘ satisambojjhaṅgo ’’.
Avasesā dhammā satisambojjhaṅgasampayuttā … pe … avasesā dhammā dhammavicayasambojjhaṅgasampayuttā
P0.232 … pe … avasesā dhammā vīriyasambojjhaṅgasampayuttā … pe … avasesā dhammā pītisambojjhaṅgasampayuttā … pe … avasesā dhammā passaddhisambojjhaṅgasampayuttā … pe … avasesā dhammā samādhisambojjhaṅgasampayuttā .Tattha katamo upekkhāsambojjhaṅgo ?
Idha bhikkhu yasmiṃ samaye lokuttaraṃ jhānaṃ bhāveti niyyānikaṃ
V0.262 apacayagāmiṃ diṭṭhigatānaṃ pahānāya paṭhamāya bhūmiyā pattiyā vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ , tasmiṃ samaye phasso hoti … pe … avikkhepo hoti .Ime dhammā kusalā .
Tasseva lokuttarassa kusalassa jhānassa katattā bhāvitattā vipākaṃ vivicceva kāmehi … pe … paṭhamaṃ jhānaṃ upasampajja viharati dukkhapaṭipadaṃ dandhābhiññaṃ suññataṃ , yā tasmiṃ samaye upekkhā upekkhanā ajjhupekkhanā majjhattatā cittassa upekkhāsambojjhaṅgo – ayaṃ vuccati ‘‘ upekkhāsambojjhaṅgo ’’
T0.314 .Avasesā dhammā upekkhāsambojjhaṅgasampayuttā .
Abhidhammabhājanīyaṃ .