3. Asaññasattā
1017. Asaññasattānaṃ devānaṃ upapattikkhaṇe kati khandhā pātubhavanti … pe … kati cittāni pātubhavanti ?
Asaññasattānaṃ devānaṃ upapattikkhaṇe eko khandho pātubhavati – rūpakkhandho ;
dve āyatanāni pātubhavanti – rūpāyatanaṃ , dhammāyatanaṃ ;
dve dhātuyo pātubhavanti – rūpadhātu , dhammadhātu ;
ekaṃ saccaṃ pātubhavati – dukkhasaccaṃ ;
ekindriyaṃ pātubhavati – rūpajīvitindriyaṃ .
Asaññasattā devā ahetukā anāhārā aphassakā avedanakā asaññakā acetanakā acittakā pātubhavanti .